Ka Leo o ka Lahui, Volume I, Number 21, 16 September 1889 — KE KAHUNA KUOKOA ME KA MAI PAEAINA. [ARTICLE]

KE KAHUNA KUOKOA ME KA MAI PAEAINA.

Ua hoomaikoike mai nei o Kuokoa i na huaelo ana i kona puoho hope loa ana ae i ka pule i hana iho la, e oni ana a e pakaawili ana, e kukahalake ana a e kukalekale ana, ua ku ke ahua hana ka haawe, piha kekahi mau kowa i ka inoa wale no o Hon. Jno. E Bush. Ua hoao mai nei e hoakaka i kona kulana a me kona kahua ma na mea e pili ana i kekahi manao mua a makou i kalai ai, oia hoi ka ninau pili i na Elele Aupuni i hoouna ia i ko na aina e. Ua kamailio mua makou maluna o keia ninau mamuli o ka olelo ana o ka Paeaina i ka lapuwale a me ka hoopoho dala o ua mau Elele nei, a no ka ike ana iho nei paha o kona koolua hoa aiwaiu, oia hoi ua Kuokoa nei, i ka opa pu ia a hoka o Paeaina, ke lele e wale mai nei no ma ke ano he kokua a he kaupale no ka hoa kaunu. Aka, aia nae ma ka hoao ana o ua kahu@ @ @ ka mai mailo o ua ohumu nei, a hoomaka e wehewehe a e kala i na kina a me na hoohiki, ua hewa iho la ka hoonohohono ana i na ala a ino ka puiliili ana, a olalau ae la ka pule kaukau a amama poomuku wale ae la no. Kano mai nei ke oli a ua wahi kahuna nei, e i mai ana - ina he pupule ke @ i hoouna ia i @ @ @ @ @ @ @ @ @ @ @ @ @ @ @ @ @ @ @ @ @ @ @ @ @ @ @ @ @ @ @ @ @ @ @ @ @ @ ke Aupuni Hawaii, Hon. J. E. Bush imua o ka Moi Malietoa. He oiaio, ua ao aku a kuhikuhi aku o Hon. J. E. Bush i kona makamaka Moi Malietoa i kana hana kupono e lawelawe ai i kona wa i kue ia mai ai e na enemi a me na limapakaha, a ua hilinai mai la ka Moi no kona ike he hoa'loha oiaio no ka lahui pilikana, a ua hoolohe a hooko oia a heaha ka hopena i ike ia? Aole anei i keia la ua loaa ia Samoa he kulana Aupuni Moi Kumukanawai maluna o ke kahua kuokoa? Aole anei i hoonoho hou ia o Malietoa maluna o kona noho Moi me kona mana kuokoa? Aole anei i kinai ia a pio na hana kue a pakaha a na enemi o ia Moi a me kona lahui? Aole anei ke ku nei kela Moi me ka mana maluna o kona Aupuni? A o ka loaa ana o keia mau haawina mai na mana ekolu mai o na

upuni o Amerika, Enelani a me Kelemania aole he pomaikai ia i loaa i kela lahuikanaka mamuli o na ao a me na kuhikuhi naauai a ka Elele Hawaii? E lawe mai i ke kulana o ka Moi Malietoa a me kona lahuikanaka a e hoohalike ae me ke kulana Moi o Kalakaua a me kona lahui, a e ike ia no he Moi mana ko Samoa, a he Moi mana ole ko Hawaii nei. O ka Moi a Hon. J. E. Bush i ao a i kuhikuhi aku ai, ua loaa iaia ka mana kuokoa ma ka hookele a hooponopoo ana i kona aupuni, aole e hehihehiku ia a pakahaia, a o ka Moi hoi i poholalo ia e keia kahuna a me kona poe auna like, ua loaa iaia a me kona lahui ka nele a me ka pakaha ia. He Moi a he lahui wale iho no ma ka inoa, a o ka mana aia i na kumu ao a me kuhikuhi o ka poai limanui. Alaila, o ka wai ao a kuhikuhi ka oi o ka pono? O ka olelo mai anei e pule makou i ola oukou, aka, ki mai no i ka pu a kaili i ka mana Moi me ke Aupuni, oia anei ka pono? He kupanaha ka haakei o ka mea i poni ia e hai i ka olelo a ke Akua e kukala mai nei "e hana e like me ka makou e olelo aku nei, aole hoi e like me ka makou e hana nei."