Ka Leo o ka Lahui, Volume I, Number 21, 16 Kepakemapa 1889 — He Mau Kipi Nui. [ARTICLE]

He Mau Kipi Nui.

Ua lohe wale mai makou ua kipi aku o Pareka, Bihopa, Haida Alosena a me ke Kahunapule elemakule o Kaukeano, i ke aupuni a lakou i kauoha ia ai e lawe mai imua o na lahui kanaka a ao aku. Ua hui pu aku keia poe me ke alii o ka Lewa, a eia lakou malalo o kana alakai e hoohana nei, oiai oia ka mana nui ma keia honua o ka hewa. He mea kupanaha no hoi, ka hoolilo ana o ka noonoo nui o keia poe i wae ia e Ka Papa Hoomana nana lakou i hoouna mai, ma na mea a pau e kue ana i ka lakou i kauoha ia ai e ao. Ua kauoha ia lakou e ao mai ia kakou i ka euanelio o ke ola, a e hahai aku ma ka ke Keiki a ke Akua mau ha a, aka eia nae lakou ke hoopapau nei ma na hana mahiko, na piepiele ana i ka olelo a lakou i kapa iho ai na ke Akua. He mau hana kue maopopo loa keia i ka hana a lakou i kauoha ia ai e hele mai e hana. Nolaila, he mea kupono ia kakou a pau e ana pono a hookaawale aku ia lakou mai na wahi laa o na luakini a e hoihoi ia lakou ma na hana mahi ko, a me na hana imi dala e ae, i mahae ole ai ke aupuni a lakou i lele mai ai e kukulu. He @ keia i manao ia e hana ana e like me @ aka, owai la o lakou kai like me Paulo, me Petero, loane a me na haumana a Kristo. Ke haawi kela poe i ka Haku i kekahi mea, he kuahaua e ma@ ma na luakini, ma na nupepa, a pela aku. Aole pela na haumana a ka Haku, Ke ana nei @ @ @ o ia hana he maikai ole. Aole e hiki i ka ike o @ Bihopa. @ @ me na kumu misionari e ae i kokua ia hana, a e kokua nei no i keia manawa pakahi a hui ia paha ko lakou puniu a kahi hookahi, ke hoomaemae i ka mea i hana ia. E like me ka Kahunapule Dwinelle i olelo ai maloko o Kaukeano, ua kuko oukou i keia wahi aupuni, a ua poina oukou i ke aupuni o Kristo. Ua kuko io no e aihue i na pono o na kanaka Hawaii, a ua hooko ia ko oukou kuko, a eia oukou ke hoao nei e kauo pu aku i na Hawaii a pau e apono aku i ka oukou hana i ahona ai ko oukou hoea ahuwale ana aku imua o Karisto i kona la hookolokolo. Aka, aole i pio ka hoohua ana mai o na hana hewa oia mau la; eia no ke lohe ia nei na ohumu, e kue ana i na misionari a me ka lakou mau hanai ahuhu; eia

na halawai akea, a ke puapuai mai nei na lono, me he waipuna la, eia iho na hui he lehulehu ke ulu malie nei a me he la, i ka la o ka nanea e pahu hou aku ana no ma keia mua aku, aole he mau tausani makahiki ka mamao aku. Nui na lono e pae nei, a o ka manawa kupono wale no ka mea e kiai ia nei, no ka hooko ia ana o na hana. Ua kaupaona ia na misionari a ua mama, a pela no na wahi a lakou i hoonoho ai ma ka oihana. Aloha ino na Kahu Ekalesia i pili i ko keia ao, a me na hana hookamani a lakou.