Ka Leo o ka Lahui, Volume I, Number 21, 16 Kepakemapa 1889 — He Moolelo Nani -NOLIVA DIA. Ke koa Kavalia opio -A I OLE,- O KA LIONA O HORINEDA. -A MEKA UI ROSINA O NOREWAI. [ARTICLE]

He Moolelo Nani -NOLIVA DIA.

Ke koa Kavalia opio -A I OLE,O KA LIONA O HORINEDA. -A MEKA UI ROSINA O NOREWAI.

"O ka hakoko ana me na mea kaua, O ko'u manawa iho la ia e lealea'i, Nani ke puanuanu o ko'u wahimoe, E waiho'la ma na kula palahalaha, Kahi a na kulukehau o kakahiaka, I hooma-u ai me na kuluanuanu." "A Knights Song." MOKUNA II. Ua ae aku la o Liva Dia i ka manao o kona hoa, a iloko o ka hapalua hora wale no, ua hiki aku la laua i kahi o ka moi Alafonzo a luaui hoi o ka naita opio. Ia laua i hiki aku ai, ua halawai @ @ @ @ makule o ka hale, a iloko o kona mau pahukani ka naita opio i huai pau aku ai i ke ano o ka laua huakai ma ia kakahiaka. I ka lohe ana o ka makuakane i na mea a pau, ua hele koke aku la oia iloko o kekahi rumi, kahi hoi o na kapaikaua o na paikini like ole i hoomoamoa ia ai no kekahi mau makahiki loihi, a lawe mai la i ka mea oi loa o ka maikai a me ka nani no kana Liva Dia. Loaa pu mai la no hoi i ua opio nei kekahi papale kila nani me ka hulu o ka manu Okalika e luhe ana, me ke poo liona mamua pono o ua papale nei, a he ku i ke ano hoomaka'uka'u ke ano o ua papale la ke nana aku. He paa kepa gula kekahi i lawe ia mai e ka naita Don Alafonzo i kona mau la ma ke ano he waiwai pio mai kekahi kavalia mai o ka Leona o Norewai, ma kekahi o kana mau hooili kaua i komo pua ai. Lawe pu mai la no hoi oia he palekaua nui, i lohia mili lima ia e Inedeboga, ka mea nona na lima i kaulana ma Norewai iloko o ia mau la ma ka hoohinuhinu ana i na mea kaua, a me kekahi apo-opu o ka waihooluu melemele me he gula la, i hoopaa ia me na li-gula. Mahope o ko ka naita opio kahiko ana iaia iho me keia mau pono, ua hookau mai la kona makuakane he wahi koloka uuku maluna o kona hokua, a e olokea ia ana e na molina gula kakau loloa, a i ka poe waiwai wale no o Norewai e ike ia'i ia mau mea. I ka makaukau ana o keia mau mea a pau, ua kilohi mai la oia mailuna mai o ke poo a hala loa ilalo o na wawae, a li'uli'u ua pane mai la oia: "Ua hiki ia oe e ka Liona o Horineda, ke ku imua o na moi a apau o ka aia nei, mai ke nui a ka liilii." No keia mau olelo a ka makua-

kane, mino-aka iho la ua Liva Dia nei, a oia hoi kana i pane hou mai ai: "O ka pahi hea ana kau e kuu keiki?" "O kahi pahikaua uuku e papa. A o kuu koi mua no ka'u, aka nae, aohe ona kupono loa no keia huakai a maua e hele nei, no ka mea, aole maua e hele ana no ka hakaka. Pela anei e Roderigo? A ina kaua e komohia ana iloko o ka hakaka, aole no hoi i uuku loa kela pahikaua, a ma ko'u kokua pu ana iho hoi, e moku pu no auanei kekahi mea ke nahu oia." A huli ae la ua opio nei a pane aku la i ka naita Roderigo: "Pehea oe, ua makaukau au i keia wa no ka kaua huakai, e hele paha kaua?" Ae mai la ka naita Roderigo, a makaukau ae la laua no ka hele ana. Huli ae la o Liva Dia a pane aku la i kona luaui: "E papa, e noho me ka hoomanao, e hoihoi mai ana au he mau lono nana e hoohauoli i kou manao, a e aloha auanei". Mahope o keia mau panai kukai @ ana i lu ia ae mawaena o la- @ @ aku la ua mau naita @ @ @ ana me ka makaukau, me ka ukali pu ana mai o ka elemakule.