Ka Leo o ka Lahui, Volume I, Number 17, 10 Kepakemapa 1889 — HE MELE NO WILIKOKI. [ARTICLE]

HE MELE NO WILIKOKI.

Kaulana mai nei a o Wilikoki O ke koa wiwo ole o ke ao nei Ua kohu alena ke ike aku I ke ku kilakila i halealii Aohe poka e ku ai Aohe akamai e loaa aku Keiki Hawaiii alo ehuehu I ka waha o ka pu e kani nei Noho mai Waipa i kauahoa Opu lokoino he aloha ole No Hawaii oe Hawaii au Hookahi ke kupuna Kakuhihewa Hoohewahewa oe ia kaua

Ia'u nei la ko pilikoko Kuhi ae kuu pono ia Kahalewai I ka lukanela helu ekahi Akahi kuu lohe a ikemaka Ke kaua kuloko o Hawaii Ua ku'i e ka lono lohe Pelekane He Italia ka'u wahine Pehea mai oe Kahu Aupuni I ko lahui i ka Halewai E hookuu ae me ka maikai E puka Wilikoki a hemo loa Haina ka puana ua ike ia He aloha lahui ko Wilikoki. I ka la kanakolu o lulai He kaua weliweli ma Honolulu He kaua kuloko na Wilikoki He kanaka ikaika he maka'u ole I ka halahala kau a na pu I ka oloolohi'o a ka poka Alo iho alo ae alo ma ke kua Aohe manuhe'u o Wilikoki O ka hana ana ia a ka iwikani Keiki akamai ltalia Alia oukou e ka Lahui E ke aupuni nui Kelekiela E ala e Uli eia au A owau keia ko pulapula E Uli e nana ia mai A e Uli hewa ae Uli Pono E lohe i ka leo me ka uwalo E puka Wiilikoki a hemo loa Haina ka puana ua ike ia He aloha lahui ko Wilikoki. Hakuia e MRS. ANNIE K. KAANOIOKALANI. Sept. 10, 1889. 1t.