Ka Leo o ka Lahui, Volume I, Number 16, 9 September 1889 — Page 4

KA LEO O KA LAHUI.

"E Mau ke Ea o ka Aina i ka Pono."

 

 

He Moolelo Nanea

 

---- NO ---

 

LATE MURANA.

Ka Olali o na Moana Ehuehu---Ka

Ouli o na Ipo Ekolu---Ka Na-

Ni Huna o Aruima---Ka Ui

hoomahie o Serina,

 

---A ME---

 

Na Nohea luli ole o Ratiela.

 

            Aole he mea nui, aka, he mea uuku wale no, wahi a kekahi kanaka i pane aku ai, aole anei oe e ae e hele kakou i ka holoholo i keia po?

            Heaha ka hana nui o ka hele ana i ka holoholo i ka po?  Wahi a Late i ninau aku ai.

            Aia he mau kaikamahine ui ma ka muliwai o Seruika e holoholo waapa ana, aole anei he mea ia e hoohauoli mai ana i kou naau ke ike aku ia mau mea?

            Maholo i ko oukou manao, aka, e ahona o oukou ke hele i keia po, a no ka po o ka la apopo e hooko no au i ko oukou makemake.

            Na keia mau olelo a Late Murana i hoonaluea aku i ka naau o ka poe puuwai eleele; a no ko lakou nele i ka huaolelo kupono e panai mai ai i mea e hooko ia ai o ko lakou makemake.  Ua pane hou aku la kekahi.

            Aole auanehe hooko ia ko makou iini maluna o ka mea a makou e manao nei, ina e hele pu ole oe me makou, ina oe e hele alaila, ua holopono ka hana.

            Heaha ia hana?  E make anei au iloko o ko oukou mau lima aloha ole, wahi a Late i pane aku ai me ka leo o ke kuoo.

            E na kanaka kauwa o kuu luaui makuakane i make e hana io mai auanei eukou ia’u e like me keia moa a’u i lohe iho nei i ka le inehinei?  Ea, nani’ka menemene ole o ko oukou mau lima no keia mea a oukou e kuko nei.

            Pane kokemai’a kekahi kauwa, he oiaio kau mau olelo e hoopuka mai la e ka haku opio, aka e aho oe e hooko mai i ko makou makemake a na makou no e hooko i ka hana ma kekahi ano okoa i kumu nou e poino ole ai.  Mai kali oe, no’ka mea he wa hele wale no keia no ka hele mai o kou mauakane hanai.

            Ia wa me ka eleu lua ole, ua a la koke ae la o Late Murana komo iho la i kona wahi kapa a hoomaka nui aku la lakou no ka hele ana.

            Hele aku la lakou a puka aku la mawaho o ka puka pa, me he mea la o ka hora elua ia o ka wanaao, a he mahina ano palaweka hoi ko ua po la, e ano iho aku ana hoi e napoo.

            O ke ala a lakou e hele la, he alanui loihi no ia, ua meha hoi na huina alanui a pau, aohe maaloalo kanaka i kela wa, aole hamumu o ka leo o na kanaka a me kekahi poe e ae a pau.

            I kela po no hoi, aole i moe iki ka haku Moneta Furo, no kona hiaa mau no ka hana nui a kona puuwai i li’a ai.

            Ia po, mawaena paha o ka hora umi a me ka umikumamakahi; aia oia malalo o ka mala pua kahi i pee ai ma kahi hoi e kokoke loa ana i ka puka pa, i hana oia pela, i ike aku ai oia i ka hele ana ae o kona mau kauwa me ka lakou pio, i ike ia ai hoi ka oiaio a me ka ole o ka lakou hana.

            I kona ike io ana nae i ka mahalo ana ae o kona mau kauwa mea kepio ua hauoli loa ae la oia, i ka malo ana aku o lakou, ua ku koke ae la ua Moneta la a hahai aku la mahope.

            Ia lakou e haele like ala me ka ike ole mai o na kauwa i ko lakou haku e ukali aku nei mahope, a i ko lakou kokoke ana aku mai ke ka e o ka loko wai, kahi hoi e hoomoe ia aku ai o ke kino opio o ka kakou koa no ka molia ana i kona ola no ka hooko ana i ka iini o ke kanaka ino Moneta.

            Ma ia wahi i lohe mahuihui ae la lakou i ka leo o kekahi pili Viola me he hanehane la mai na ilima mai.

            Ia wa, ku iki iho la lakou a pau a hoolono ae la i keia mea kani kamahao.

            O ka muliwai o Seruika i kela wa e lana malie ana oia me ka nehe malie ana, aole hoi he mea maaloalo maluna o ka muliwai i kela no, he meha pu wale iho no.

            Ninau ae la kekahi i keahi, heaha keia mea kani?  Aole anei keia o ka leo o ka Viola a na kaikamahine o kela kapa o Euria?

            Ia lakou nae e nune nui ana no keia mea, aia hoi, me he palanehe ana la na kekahi ia nui, ua ike la aku’la kekahi waapa e holo ae ana ma kahi he 30 anana ka manao mai kahi a lakou nei e ku ana.

            Ia lakou nei i ike aku ai i ua waa pa la, ua pane koke ae la kekahi o ua poe la ia lakou iho.  E! pehea la ka pono oia nei?  Aole anei he mea pono ia kakou e kuai aku iaia nei me kela poe maluna o ka waa pa?  A i ole e haawi wale aku no hoi kukou.

            Pane ae la kekahi mau kana ua pono kela manao ana e kuai io kakou ke ae ia mai a ino aole e haawi wale aku no kakou.

            Hooho like ae la lakou i keia manao, a hoomaka aku la kehahi o lakou e kahea me ka leo nui penei.

            E kela poe o kela waapa!  E holo mai maanei.

            Holo wawalo ae la kela leo anoano o ke kulu aumoe a kololio hele aku la maluna o ka ilikai, a i ka pa ana aku o keia leo i na puka pepeiao o ka poe maluna o ka waapa; oia no ka wa i hoolai iho ai o ka hoe ana o na waapa la a lohe ia aku la ka hauwawa ana mai me he mea la e ninau ana lakou ia lakou iho no keia leo kamahao o ke kuluaumoe.

            Kahea hou aku la no ua poe la no ka elua manawa e like me ka mua ia wa i lohe ia aku ai kekahi leo kanaka i ka pane ana mai penei:  Owai oe? a heaha kou makemake?

            Pane hou aku la ka poe mauka nei.  He poe pia makou, a e hele mai e kokua ina ia he mea hiki i ko hukou manao.

            Ae mai la ka mea e holo ana maluna o ka waapa, a holo mai la.

            He mau sekona wale no, pili mai ka waapa i ke kae wai, a kuku aku la no hoi lakou nei mauka.

            A mamua ae o ka pane ana ae o la poe ma ka waapa, ua poha koke mai la kekahi leo hooanoano mai loko mai o na ululaau ia ka pane ana mai penei:

            Aole au i makemake pela!  E make maloko o ka muliwai!!

            I ka wa o na poe a pau i lohe ai i keia leo nui kalakala o ke kuluaumoe; ua hoomaopopo koke ae la na kauwa, aole keia he leo no ka mea e, aka no ka Moneta Turo no ia, ua hele mai oia e hoomakakiu.

$15,000.    KUMUHANA.     $15,000.

 

KA HUI KALEPA HAWAII!

 

$3,500 !     I HOOKAAIA MAI.     3,500!

 

ME KA HAUOLI NUI MAKOU E HOIKE AKU NEI I KA

 

Hui Kalepa Hawaii.

 

            O ka poe e makemake ana e lilo i mau lala no keia Hui, e hiki no ia lakou e uku liilii mai i ko lakou dala me ka manao e houluulu i na wa e like me ka nui o na mahele kuleana a lakou i koho ai.

            O Mr. J. Kua, ka mea nana e ohi ke dala ma ke keena loio o M. W. C. Aehi i kokua ia e Isaac D. Iaea, a me D. W. Pua, ma ka ohi ana i na dala.

            O na Dala a pau e loaa mai ana, e hoike hebedoma ia aku no ia i kela Poakahi keia Poakahi, ma ke kau ana i olelo hoolaha ma ka puka o ke keena o Mr. Achi, a ma ke alo o Aliiolani Hale.

                                    HENRY SMITH,

NA LOLE!     NA LOLE!!    NA LOLE!!!

---MA KAHI O---

L.B. KERR,

Ma ke Keena ma Waikiki iho o ke Keena Kudala o James Mogana.

 

            Na Lole Hou Maikai loa o ke ano hou Ahahi no hoea mai nei mai Enelani pololei mai.  Mai Europa a mai Amerika mai no hoi.

                        Na Pale Ili Ano Maikai Loa o na Kane.

                        Na Kakini o kela ano keia ano.

                        Ma ke Kumukuai Haahaa Loa i ike mua ole ia.

                        Na Kalakoa Maikai paa loa o kela me keia ano.

                        Ku ke Ahua hana ka Haawe o na mea he nui

                        E NAUE !       E KIPA!!        E HALO!!!     E NANAI!!!
            A e Wae iho a ku i ka Iini a Loko, Alaila, Lawe ae no a Aahu iho me ke Kinikohu.

                        E hea i ke kanaka e komo maloko.

                        E hanai i ka Manao a lawa ka Makemake.

                        Hookahi no Mohai o ka Ike a.                                    d14 sept5 1m*

HEIAU O NA PAIKINI

KIHI O NA ALANUI PAPU A ME HOTELE.

HOOLAHA ANO NUI.

KAMAA!       KAMAA!!      KAMAA!!!

Ke kahea aku nei au i kou hoomaopopo ana e malania ia ana ma ka

POAKAHI, SEPATEMABA 1, 1889.

---MA KA---

MAHELE KUAI KAMAA

Kekahi Kuai Hoopau nui ana.

Ma keia e loaa ai he manawa kupono loa e kuai i na kamaa ma ke kumukuai hoemi ia.

Na Kamaa Pihi o na keiki, mai ke 50 keneta a pii aku.

“          “  haahaa o na keiki, mai ke 50 keneta o ka paa.

“          “  o na Lede, mai ka hookahi dala a pii aku.

  “     “  Pihi ili opio o na Lede hapaka o ke kumukuai

 

Na Kamaa Kane o na ano Linohan.

I OKI IA IHO KE KUMUKUAI A KA HAPALUA LIKE.

E HOOMAKA HOU AKU ANA KE KULA, A NO IA AU E HOOLAHA AKU NEI I NA

 

Lole Keokeo o na kaikamahine me na opio,--No ka 1-4 ke kumukuai.

Na Lole Keiki,--He 50 keneta wale no o ka paa.

Na Lole Kaikamanine, 10mo 12 mak.—He hookahi dala wale no.

Na Mikilima Ilikao opio,--Ua hoemiia a ka hookahi dala wale no o ka paa.

E KUAI AKU NO HOI AU I NA KUAI HOLOPONO LOA ANA MA NA AKA ILOKOO KA MAHELE KUAI LOLE.

Lipine!             Lipine!             Lipine!

He 2,000 a oi aku na apana Lipine e kuai ia aku ana, no ka hapaami ka emi iho o kela a me keia dala hookahi.

S. EHRLICH.

Kihi Alanui Hotele a me I’apu.

10-d1m