Ka Leo o ka Lahui, Volume I, Number 14, 5 Kepakemapa 1889 — Page 3 Advertisements Column 3 [ADVERTISEMENT]

HE HOOHENO NO WILIKOKI. Hookahi mea hou ma Honolulu, O ke kupu kuloko a Wilikoki, Ku-kui ia aku nei e ka lono, Lohe aku nei na Mokupuni, Ke ulele nei e ka ili ula, Me ka ili puakea o Mareka, Hookahi no oi ma ka'u ike, O ka eueu o Italia, Aole no ia i hopo iho, I ka iho makawalu a ka poka, A imua a i hope e kulana nei, I ke kani a na pukuniahl, A he ahi ua wela mai nei loko, I ka hookahe koko a ka puakea, Nani wale Wilikoki a e ku nei, Me ke kahiko nani Italia, E alawa iho oe ma ka molina, Ke memele kohu manu hulu oo, Kahiko i ka nani o ke kupuna, O ke kapa Ahuula o Kamehameha, Ua meha ua lai ke kaona, Ua pau hoi e ka haunaele, Eia Wilikoki ke noho nei, Me na hoa i ka inea, Ua apo ia mai lakou, Aia ma ka lima o ke Aupuni, He u-i a he ninau keia, Na ka mua me ka muli a o Pape Poo Ku-i ia ae nei hoi e ka lono, Aia no ia ke uleu la, Na oihana o ka pukuniahi, Hakalia a komo pono aku, Naueue e ka Hale Mele Hou, Hookahi mea hou ma ka Pa Alii, Ua ku aku nei a o Makamu, Ua ku ia la ma ka poohiwi, Maluna pono ae o ka puuwai, Nawai no e ole a e ku oe, Ua puni kakou i ka muhee, He i-a kaulana i na Kupuna, O ka i-a hololua la i ka moana. Hakuia e W. H. LEIKINIHENE. sept 5 ltd. Boroka! Boroka! E loaa no na Hale Hoolimalima he lehulehu ma na wahi a pau o ke kulanakauhale nei: a e kuai mai a kuai aku i na aina ma na wahi a pau o keia Pae Aina, ke ninau ia WILLIAM C. ACHI, Ka Boroka o na Waiwai paa. Helu 36, Alanui Kalepa, Honolulu. d14 sept5 tf E. Kaululaau Wright. MEA HUKI A MEA HANA NIHO, Oiai wehe ae nei ko oukou makamaka a hoakanaka ponoi i kona Keena Oihana lapaau niho. A mamuli o kona lawelawe loihi ana i keia oihana loea, nolaila, ua hiki iaia ke huki i na niho a me ka hoopiha ana me ke gula, dala, etc. A me ka hoola ana i ua niho nui me ka huki ole ia. A e huki ia no hoi na niho me ka nui ole o ka eha. Na niho kui, etc. E holoi ia na niho i hele a eleele iloko o ka wa pokole loa a aliali me he hau la o Maunakea. E kipa nui e na Hawaii. E ike ia kakou Hawaii Ponoi, o kipa hewa ke aloha i ke alohilohi. KEENA HANA. Kihi o na Alanui Moi a me Betela, makai o kahi o Kakela me Kuke. w16 sep2 d12 1y P. R. HOLI. LOIO! LOIO!! LOIO!!! LOIO!!!! E lawelawe no oia i na hana pili Kanawai o na ano a pau no ka uku haahaa. Loaa no ma Waimea, Kauai. 101y OLELO HOOLAHA. Ke papa loa ia aku nei na kanaka a pau o kela a me keia ano. Aole e hele maluna o ka aina mahi laiki o Tai Lee Wai, ma Waioli; ma ka po mai ka hora 6 aku o na ahiahi a pau. A ma ke ao, ua ae ia e hele, me ka lawelawe ole hoi o na lima i na mea e ulu ana a e waiho ana maluna o ka aina i oleloia. A o ka mea kue e hoopii ia no ke komo hewa. A no kekahi hewa e ae. E hoolohe i keia o poino auanei. AH YOUNG, Hanalei, Kauai, August 24, 1889. 18 3tsd.