Ka Leo o ka Lahui, Volume I, Number 14, 5 September 1889 — NU HOU KULOKO. [ARTICLE]

NU HOU KULOKO.

Ke kauoha ia aku nei na Luna a pau e paa ana he mau koena pepa ma ko lakou mau lima e hoihoi koke mai i keia Keena me ka hoohakalia ole; a o na Luna a pau e paa ana a hiki i ka la 5 o keia mahina, e manaoia ua kuleana makou maluna o lakou. E hoolohe i keia, o poino auanei. Ma ke Kauoha. "Ka aina o ka ia maikai; Nohea hoi kou paa kamaa cilipa nani e Haliata? No ka Heiau o na Paikini. He manuahi ka ihu. Nani no hoi na waiwai o ka Hale kuai o L. B. Kerr; e kipa a e wae a koho nou iho. Ma ka hula uli-uli no ke mele o Wilikoki, o Waikahalulu ka helu ekahi. Ua uleu no. Apopo paha hekau mai ke Alii ka Moi no Honolulu nei mai kana huakai aku nei no na lai a Ehu. Ma ka hora 10:30 o ka po Poalua iho nei i pae mai ai ka mokuahi Kilauea Hou mai kona mau awa mai o Hamakua a me Hilo paliku Hawaii. A hiki i ka hora 10:30 o ka po o ka Poalua iho nei; oia na ha'iha'i kanawai unuia ae ma Kalakaua Hale: He 1 no ka paipai hewa 4 no ke puhi opiuma; a he 4 no ka ona rama. E kani hone ana ka leo e na hano a na keiki puhi ohe ma Kamaki Kuea i keia Poalima ae, a ma keia po no hoi ma Ema Kuea, a ma ke kahua kinipopo i ka auina la o ka Poaono. He kiki pu ka hana nui o ka la Sabati a kekahi poe haole o Waialae, a me kekahi mau hehi kanawai e ae. Puua mai nae ka waha o ka Aukuu ai maunu a na haole; aia a na na koa o Wilikoki keke na niho. Ma ka la mua o Okatoba ae nei e hoomaka aku ai o Mr. W. H. Paine he malihini hou loa mai Enelani mai, i ke kulana he Luna Nui no ka Hui Alahao Hawaii. Iloko o keia mau la ke hoomaamaa nei oia i ke ano o kana oihana e auamo aku ai. Wahi a kekahi lala hoahanau o Kawaiahao: ua kokoke loa lakou e haalele i na hana pili ekalesia a pau ma ka lima o W. A. Kini; he nana no paha ka pili ana o ke kahu makua mahope o ka huelo o ka lio o Kini, a hoolilo i pa kaua ka luhi o na Alii me na makua haipule i hala e. Ke manao kekahi poe ike haole, aole e hiki ana i ka Pae Aina ke unuhi no ka pono o kona poe heluhelu i ka palapala ikaika hooeueu a hoomakaukau kaua a Countrymen ma ka Bulletina o ka Poalua nei. Aole io paha e unuhi he mea kela i manao e pepehi i na Hawaii, he aka henehene paha ka ia la. He hoohuoi mai na moe lepo a pau o Kahala, Waialae, a he nui ko lakou hoopaapaa no ke omaimai o ka Luna Alanui nui e noho la ilaila, o ka manao o na Ohiki, he eha kona i loaa mamuli o ke puhi nui i ka paka Cigariti; eha ka umauma a paia ke poo, a nalulu ka pepeiao. A o ka Lulana a me Kaneapua, he okoa ko laua manao, he aloha a he minamina laua i keia omaimai, a ua imi nui e hoomama a hooluolu, hoomaneoneo a hoonanea kilohi a leha a awihi, iniki umii a kunou, ua akaka wale no Haleakala, he maihehe nui mahope o ka uha malalo iho o ke keu, he wahi mai no ka wa moa puehuehu o na Ia ui.

E ala iho paha oe e Mama i na Nanea hou o ko pepa la. Nani no hoi. Oiai au e holoholo ana ma ke alo iho o ka ipuka pa o Aliiolani Hale ma ka alanui Moi ma ka hora 9 o ka po Poalua iho nei aia hoi, ua lohe aku la au i kekahi mau leo nui me he la he walaau na kekahi poe ona rama nolaila, ua hookolo aku la au ma kahi o na leo i pa-e mai ai, ai ko'u hiki ana aku ma ke alanui Moiwahine, ua lohe maopopo loa aku au, eia ka, he hai-lo Jack aud ke-mu na hinuhinu lilelile ma. Eia he mau moa kumulau elua mauka ae nei o Kapalamauka, e kokoke la i ka Halemai Pupule, i ka wa e moe ana o kekahi kumulau me ka moa kane, ua hoi mai la kekahi moa hoomoe i kana punana, aia hoi, ua pukoko a pukaka ae la oia no ka hoomoe ia o kana punana e kela kumulau o laua. No keia pukoko, lele aku nei oia a holo, o na lima o na wawae a nalowale, a koe iho la kekahi e kiki ana, e kapai ana, a e hana pono ole ana, a pela aku. Ua hoea mai ka lako wili ko hou loa ma ka moku pea S. G. Wilder no ka mahiko o Hanalei Kauai. He pahi poke keia me na lako u-wi a kohu o ka laau mai ka pahiolo aku ka ai-na ko ka hele a okaoka. He loina hou loa keia no ka na-u ana i ke ko mai Geremania mai, ai kapaia he "Diffusion Mill." Aia ma Kealia ka wili mua loa o keia ano'i hoea ma Hawaii nei. Ua hookolokolo ia imua o ka aha Hoomalu ma ke kakahiaka Poalua iho nei ke kanaka hookele a me ke kanaka ohi dala o ke kaa alahao Helu 2 o ka hui alahao Hawaii mamuli o ka lawe a me ka hoouku ina Eepake me ka laikini ole ua hoopai ia laua he $25 a me $2.60 pakahi. Ua hoohalahala na mea i hoopii ia i mua o ka aha Kiekie. E puhi ohe po ma na ana ka Puali Puhi Ohe o ke Aupnni ma ka Ema Kuea i keia ahiahi, Sept. 5,—hora 7:30. I na leo mele penei 1 Mach..... Fiaker—Noithardo. 2 Overture...Bandit Fricks—Suppe. 3 Gavotte.....Vellcome—Kluss. 4 Medley.....War Recollection—Beyer. Himeni Hawaii. Like no a like, Moa ula a me Mu'a i ka Palai. 5 Medley......Black Brigade—Beyer. 6 Waltz........Blue Lake—Mullockery. 7 Fantasia.....Mill in the Forest— Eilenerg. 8 Omadrille.....Tingel Tingel—Thidi. Hawaii-ponoi. Kamaki Kuea—Sept. 6,—hora 7:30. 1 March....Imperial City—Sehift. 2 Overture.....Tan Cride— Rossini. 3 Cavatine....The Pirate—Berllin. 4 Selection....Patience—Sullivan. Himeni Hawaii. Manoa, Pua Alani a me Kapiolani. 5 Medley........Reverie—Beyer. 6 Gavotte.......Queens Own—Amillon. 7 Waltys.........The Tyrens— Waldtenpal. 8 Polka....A good kiss —Waldtenpal. Hawaii-ponoi.