Ka Leo o ka Lahui, Volume I, Number 14, 5 September 1889 — He Hana Kue ia i Ka Pono. [ARTICLE]

He Hana Kue ia i Ka Pono.

Ua heluhelu iho au i na manao o W. A. Kini ma ka nupepa ''Kuokoa" o ka Poaono iho nei. A o ka'u pane malaila; e like no me ke poo o keia hoike manao i oleloia. He hana kue ia i ka pono. Ua hoike ia ma ka pauku 12-13 o Mataio, penei i palapala ia ai: "Komo aku la o Iesu iloko o ka luakini o ke Akua, a hookuke aku la iwaho i ka poe kuai lilo aku, a me ka poe kuai lilo mai a pau iloko o ka luakini; hookahuli ae la ia i na papa o ka poe kuai moni a me na noho o ka poe kuai manu nunu." "Pauku 13 - I aku la oia ia lakou, ua palapala ia, e kapaia ko'u hale, he hale pule; a ua hoolilo iho nei oukou iaia i ana no na powa." Aole he pohihihi o keia, he mea ua akaka loa. A heaha ka pili o kela kipu ma ka luakini o Kawaiahao i keia? Eia ka pili: "I aku la oia ia lakou", owai oia? O lesau, owai o lakou? O ka poe kiki pu ia. Ua palapala mai oia, e kapa ia ko'u hale, he hale pule; a ua hoolilo iho nei oukou iaia i papu no na @ Ma kela la i hana ia ai kela kipu, ua pa-e io mai no ko ke Akua leo, e like me ka pa-e ana o kona Ieo i kela poe kuai manu nunu i ka wa kahiko. Ke ninau mai nei paha kekahi poe, ua pa-e io mai no anei ko ke Akua leo i kela la kiki pu ma ka luakini o Kawaiahao? Ke pane aku nei au, ae, ua pa-e io mai no. Heaha na hoike maopopo? Ua hoahewa loa ka lehulehu i kela hoolilo ia ana o ka luakini o ke Akua, i papu no na Raifela, pela pu no hoi ke Akua e hoahewa mai ai i kela mau hana ino. Ua olelo ia, o ka leo o ka lehulehu o ka leo no ia o ke Akua. Ke olelo mai nei: "He mea ole ia ia makou, ina no lakou ilaila, he pono lawe no ko makou i ka hale ina e keakea ia mai, no ke kinai ana i na hana kipi." He hoike ana mai keia i ke kiekie o na manao haakei, e like me ke kiekie o ka naau o Belehazara ke 'lii o Babulona i kona hoolilo ana i na kiaha laa o ke Akua e hoohaumia, pela no keia poe i hoolilo ai i ka luakini laa o ke Akua i ana no na powa. He nui na wahi e ae e hiki ai ke hoohana i ka lakou mau hana malaila, no ke aha lakou i hana ole ai? Me ka waiho malie i kela pa luakini. He mea ehaeha loa no ka naau ka hana ia o keia hana malaila, me ka nui o na wahi kupono e hiki ai ke hoohana ia. He makemake nui au i ka maluhia, o ko'u iini nui ia ke lawelawe ia ma ke alanui pololei.

Ua eo ka Helu Ekahi o ka puka mua o ke mele o Wilikoki ia Miss Mary Keaomakani o Kauakanilehua o Hilo, a ia W. H. Leikinihene o ka Makani Olauniu o Kapalama ka helu elua.