Ka Leo o ka Lahui, Volume I, Number 14, 5 Kepakemapa 1889 — Page 3
| This text was transcribed by: | Rita Makekau |
| This work is dedicated to: | Awaiaulu |
KA LEO O KA LAHUI.
"E Mau ke Ea o ka Aina i ka Pono."
-----
NU HOU KULOKO
----
Ke kauoha ia aku nei na Luna a pau e paa ana he mau koena pepa ma ko lakou mau-lima e hoihoi koke mai i keia Keena me ka hoohakalia ole; a o na Luna a paue paa ana a hiki i ka la 5 o keia mahina, e manaoia ua kuleana makou maluna o lakou. E hoolohe i keia, o poina auanei. Ma ke Kauoha.
-----
“Ka aina o ka ia maikai,
Nohea hoi kou paa kamaa cilipa nani e Haliata? No ka Heiau o na Paikini. He manuahi ka ihu.
Nani no hoi na waiwai o ka Hale kuai o L. B. Kerr; e kipa a e wae a koho nou iho.
Ma ka hula uli-uli no ke mele o Wilikoki, o Waikahalulu ka helu ekahi. Ua uleu no.
Apopo paha hekau mai ke Alii ka Moi no Honolulu nei mai kana huakai aku nei no na lai a Ehu.
Ma ka hora 10:30 o ka po Poalua iho nei i pae mai ai ka mokuahi Kilauea Hou mai kona mau kona mau awa mai o Hamakua a me Hilo paliku. Hawaii.
A hiki i ka hora 10:30 o ka po o ka Poalua iho nei; oia na ha’iha’i kanawai i unuia ae ma Kalakaua Hale: He 1 no ka paipai hewa. 4 no ke puhi opiuma; a he 4 no ka ona nama.
E kani hone ana ka leo e na hano a na keiki puhi ohe ma Kamaki Kuea i keia Poalima ae, a ma keia po no hoi ma Ema Kuea, a ma ke kahua kinipopo i ka auina la o ka Poaono.
He kiki pu ka hana nui o ka la Sabati a kekahi poe haole o Waialae, a me kekahi poe mau hehi kanawai e ae. Puua mai nae ka waha o ka Aukuu ai maunu a na haole; aia a na na koa a Wilikoki keke na niho.
Ma ka la mua o Okatoba ae nei e hoomaka aku ai o Mr. W. H.Paine he malihini hou loa mai Enelani mai, i ke kulana he Luna Nui no ka Hui Alahao Hawaii. Ilokko o keia mau la ke hoomaamaa uei oia i ke ano o kana oihana e auamo aku ai
Wahi a kekahi lala hoahanau o Kawaiahao: ua kokoke loa lakou e haalele i na hana pili ekalesia a pau ma ka lima o W. A., Kini; he nana no paha ka pili ana o ke kahu makua mahope o ka huelo o ka lio o Kini, a hoolilo i pa kaua ka luhi o na Alii me na makua haipule i hala e.
Ke manao kekahi poe ike haole, aole e hiki ana i ka Pae Aina ke unuhi no ka pono o kona poe heluhelu i ka palapala ikaika hooeueu a hoomakaukau kaua a Countrymen ma ka Bulletina o ka Poalua nei. Aole io paha e unuhi he mea kela i manao e pepehi i na Hawaii, he aka henehene paha ka ia la.
He hoohuoi mai na moe lepo a pau o Kahala, Waialae, a he nui ko lakou hoopaapaa no ke omaimai o ka Luna Alanui nui e noha la ilaila, o ka manao o na Ohiki, he eha kona i loaa mamuli o ke puhi nui i ka paka Cigariti; eha ka umauma a paia ke poo, a nalulu ka pepeiao.
A o ka Lulana a me Kaneapua, he okoa ko laua i keia omaimai, a ua imi nui e hoomama a hooluolu, hoomaneoneo a hoonanea; kilohi a leha a awihi, iniki umii a kunou, ua akaka wale no Haleakala, he maihehe nui mahope o ka uha malalo iho o ke keu, he wahi mai no ka wa moa puehuehu o na la ui.
E ala iho paha oe e Mama i na Nanea hou o ko pepa la. Nani no hoi.
Olai au e holohlo ana ma ke alo iho o ka ipuka pa o Aliiolani Hale ma ka alanui Moi ma ka nora 9 o ka po Poalua iho nei aia hoi, ua lohe aku la au i kekahi mau leo nui me he la he walaau na kekahi poe ona rama nolaila, ua hookolo aku la au ma kahi o na leo i pa-e mai ai, ai ko’u hiki ana aku ma ke alanui Moiwahine, ua lohe mapopo loa aku au, eia ka, he hai-lo Jack aud ke-mu na hinuhinu lilelile ma.
Eia he mau moa kumulau elua mauka ae nei o Kapalamauka, e kokoke la i ka Halemai Pupule, i ka wa e moe ana o kekahi kumulau me ka moa kane, ua hoi mai la kekahi moa e hoomoe i kana punana, aia hoi, pukoko a pukaka ae la oia no ka hoomoe ia a kana punana e kela kumulau o laua. No keia pukaka, lele aku nei oia a holo, o na lima o na wawae a nalowale, a koe’iho la kekahi e kiki ana, e kapai ana, a e hana pono ole ana, a pela aku.
Ua hookolokolo ia imua o ka aha Hoomalu ma ke kakahiaka Poalua iho nei ke kanaka hookele a me ke kanaka ohi dala o ke kaa alahao Helu2 o ka hui alahao Hawaii mamuli o ka lawe a me ka hoouku ina Eepake me ka laikini ole ua hoopai ia laua he $25 a me $2.60 pakahi.
Ua hoohalahala na mea i hoopii ia i mua o ka aha Kiekie.
E puhi ohe po ma ana ana ka Puali Puhi Ohe o ke Aupuni ma ka Ema Kuea i keia ahiahi, Sept. 5,---hora 7:30. i na leo mele penei.
1 Mach……………….Fiaker----Noithardo.
2 Overture……..Bandit Fricks----Suppe.
3 Gavotte…………….Vellcome----Kluss.
4 Medley…. War Recollection---Beyer.
Himeni Hawaii.
Like no a like, Moa ula a me Mu a i Ka Palai.
5 Medley……..Black Brigade---Beyer/
6 Waltz……… Blue Lake-----------Mullockery.
7Fantasia………….Mill in the Forest Eilenberg.
8Omadrille……….Tingel Tingel------Thidi
Hawaii-ponoi
Kamake Kuea---Set. 6,hora 7:30.
1 March……………….imperial City---Sehift
2 Overture…………….Tan Cride----Rossini.
3 Cayatine…………The Pirate----Berllin.
4 Selection…………..Patience-----Sullivan
Himeni Hawaii,
Monoa pua Alani a me Kapiolani,
5 Medley………………Reverie----Beyer
6 Gavotte……….Queens Own-----Amillon.
7 Walty………. The Tyrens--------Waldtenpal.
8 Polka………. A good kiss-----Waldtenpal
Hawaii-ponoi
-------------------------
PAAKAI KUAI.
EIA ma Halekou, Kaneohe, Koolaupoko nei. He Paakai maikai loa no ke kuai aku in a mea a pau e makemake ana e kuai mai. He oluolu ke kuka ana, a he makepono ke kumukuai; ina ma ke Eke hookahii, elua a oi aku paha, a i ole, mai tona paha. E loaa no au ma Halekou, Kaneohe, Koolaupoko, a i ole au, o ko’u Haku wahine paha
10 ly CHAS.I. HIRAM.
----------------
E HOOLOHE A MAKAALA!
Aole loa e ae ia kekahi mea e koma a hele maloko o ka pa uwaina ma Waialua, Oahu; mahope iho o ka hora 7 p.m. (ahiahi) me ke kuleana ole, o hoopiiia. A ke makemake kekahi e pono e kahea a lohe mai ka Pake. a nana e haawi i kou makemake. 10lm C. LIN
-----
He Ohohia Nui,
--------
Hele no ka wai me ka A-la pu.
-----
O ka Leo o ka Lahui aia iloko o ka lokahi
O ka hookuee ana oia kona enemi.
-----
Eia ka Poe i hoike ma ii ka lakou make a aloha io i ka leo o ko lakou lahui e pa-e ana ma na kualono, a e wawalo ana ma na kahawai lehulehu o kona aina makuahine, a e hoike ana hoi me ka wiwo ole mua o kona lahui i ka nui hewahewa p na hana ino i kau iho maluna o kakou. A no ia manao hookahi, ua pahola mai la lakou in a kokua ana he nui, a oia ka makou e pahola aku ne ii ko lakou mau inoa imua o ke akea, ma o na Luna la, a lawe pakahi paha.
No ea no mahina he eono dalai paholai mai e Chas. I Hiram a me Mrs. Kahalewai Cummins, ma o S. Kaaaana la kana Luna, Huro! Charles. Don’t forget forever!!
J.Analu@@ $4 no Port Blakely, Am. S. K. Aki, Pilipo Makanoe, a me John Thos. Aluhi o Kahului, Maui, he $2 pakahi. @@
Mary Milton $1.50 no Kulaokahua, H.Kauai no Kikihale he $1.50 e lawa ae-he hooka a mahina me ka hapa no keia mau inoa elua. Owai hou ae ma keia makala?
Samuel B. Dwight he hookahii dala Ua hookaa mai o Jno. K. Kanoa he $1. S. N. Kaili he hookahii dala no 1 mahina Kepe (w) he hookahii no 1 mahina A. W. Maioho, Halemela E. S. Kailikea, Col. @. P. Iaukea, F. S. Keiki, Kemika, Apa (Pake), James Bright, Mahi, Mahiai, Keoki, Harry Swinton, Kalawaianui, Ka@uiwahine, Ilai, Pohano, D. Lokana, J.@. Kahoonei, J. W. Mokuahi, J. P. Mia@@ Kekala, Anaru, Keliinohola, J.W Oku@@, Kanahaha, Mrs. Nawahine, Aheona Kakai o Leleo, Mary Ena o Kulao kaha, Chas. I. Hiram, G. W. Kanoelehua Kaaipoalima o Niolopa, Kaulunae, J. H@@alou, Kaluaimaemae, Mrs. Kuana@@@,Mrs. Kaae, Keakua, D. kaululehua a me Mrs. Meleana Makolo, Mr.El @@neka, Mrs. Maluohai Baker, Mrs. Ane Akana, Hamaia, Keaweiwi, Mary Daniela, Keku, Mrs. Ed. Holstein, W.B. Kainoa no Kalia, Makaweo, Sarai Beka no Kikihale, Kalaniwahine no Pauoa he $1 pakahi.
Mrs. Frank Metcalf, J.K, Naone, Hale Kepohoni, G. H, Haili, J. H. Kalawaia o ka Halepai Press, J. Kaalomakani o ka Halepai Elele, Kahaiao o ka Halepai o ka Advertiser a me Robert Kamaka. C. Mahoe, ilai, Kane, Manuhii, Kaawaloa no Honuakaha, Samuel Nowlien no Koula, Kealakai no Honokaupu, Makanui no Ema K@ea, Lokalia, Mary Akoni, Kauh, Hao no Lele., Maka Kahelemauna no Leleo, Kauai, Sarai Beka, Lala Kahelemauna, Mahiai, Hana a me, Kuile, Kelu@a no Kawaiahao, D. K. Makau@ila, Makakoa no Kapaakea, Kikia Kaa no Honokaupu, ma ke 50 keneta pakahi.
E hookomo mau aku ana makou i na inoa a pau o na makamaka i hookaa ae i ka lakou mau dala ma ka lima o na Luna a i ole ma ke Keena nei paha. E makaaala no hoi na makamaka, a pau, i ka w@ e haule ai kona inoa mai ka puka ana na ka pepa o kekahi la, e hoike koke ma i a hoohalahala ana ma kalian o ko, nakou mau Luna makaala a eleu, a i ole, no keia Keena. Mai ka hora 8 o ke kakahiaka a ka 12m. o na la a pau e puka a o ka pepa. E hoolohe i keia e na makamaka.
---
HONOLULU DAIRY!
Ua makaukau ka Honolulu Dairy, ma Nuanu, @@hoolako aku i ka Waiu Maikai (paiole @@ i ka wai a mea e ae,) no na kumukuai @ maa mau. He hookahii makahiki o, ke Kukuluia ana aenei o keia Wahi Uwi Waiu, a ua nui ka mahala ia oa waiu mai laila mai, e ka poe e laweni i ka waiu.
O ka poe e makemake ana e lawe i ka wiu e kauoha aku no i ko lakou makemake ma ka Honolulu Dairy, Nuuanu.
268-Mutual Telepona. 128-Bele, ana kahi Hookio Waiu, ka HONOLULU DAIRY DEPOT, Telepona, Bele 192
1 ly
Aole i hoopaa ka Lunahooponopono o keia pepa a me kaon Hope, me ka poe nana i haku na mele hula o Wilikoki, aia no malune o ka poe knana, i haku na poina a pau; a ke hoopuka ia aku nei make ano olelo hoolaha, a mele kumakena hanoli.
---
HE HOOHENO NO WILIKOKI.
Hookahii mea hou ma Honolulu,
O ke kipi kuloko a wilikoki,
Ku-kui ia aku nei e ka lono,
Lohe aku nei ne Mokupuni,
Keulele nei e ka ili ula
Me ka ili puakea a Mareka,
Hookahii no oi ma ka’u ike,
O ka eueu o italia,
Aole no ia i hopo iho,
i ka iho makawalu a ka poka,
A imua a i hope e kulana nei,
i ke kani a na pukuniahi,
A he ahi ua wela mai nei loko,
i ka hookahi koko a ka puakea,
Nani wale Wilikoko a e ku nei,
Me ke kahiko nani italia,
E alawa iho oe ma ka Molina,
Ka memele kohu manu hulu oo,
Kahiko i ka nani o ke kupuna,
O ke kapa Alaula o Kamehameha,
Ua meha u alai ke kaona,
Ua pau hoi e ka eaunaele,
Eia Wilikoki ke noho nei,
Me na hoa i ka inea,
Ua apo ia mai lakou,
Aia ma ka lima o ke Aupuni,
He u-i a he ninau keia,
Na ka mua me ka muli a o Pape Poe
Ku-i ia ae nei hoi e ka lono,
Aia no ia ke uleu la,
Na oihana o ka pukuniahi,
Hakalia a komo pono aku,
Naueue e ka Hale Mele Hou,
Hookahii mea hou ma ka Pa Alii,
Ua ku aku nei a o Makamu,
Ua ku ia la ma ka poohiwi,
Maluna pono ae a ka puuwai,
Nawai no e ole a e ku oe,
Ua puni kakou i ka muhee,
He i-a kaulana in a Kupuna,
O ka i-a hololua la i ka moana.
Hakuia e W.H. Leikinihene.
sept 5 ltd.
---
BOROKA! BOROKA!
E ioaa no na Hale Hoolimalima he lehulehu ma na wahi a pau o ke kulanakauhale nei: a e kuai mai a kuai aku in a aina ma na wahi a pau o keia Pae Aina, ke uinau ia
WILLIAM C. AOHE,
Ka Boroka o na Waiwai paa.
Helu 36, Alanui Kalepa, Honolulu.
d14 sept5 tf
---
E. Kaululaau Wright.
MEA HUKI A MEA HANA NIHO,
Oiai ua wehe aenei ko oukou makamaka a hoakanaka ponoi i kona-Keena Oihana lapaau niho. A mamuli o kona lawalawe loihi ana i keia oihana loea, nolaila, na hiki iaia ke huki i na niho a me ka hoopiha ana me ko gula, dala, etc. A me ka hoola aua i ua niho nui me ka huki ole ia. A e huki ia no hoi na niho me ka nui ole o ka eha. Na uiho kui, etc. E holoi ia na niha i hele a eleele iloko o ka wa pokole loa a aliali me he hau la, a Maunakea. E kipa nui e na Hawaii. E ike ia kakou Hawaii Ponoi, o kipa hewa ke aloha i ke alohilohi.
KEENA HANA. Kihi o na Alanui Moi a me Betela, makai o kahi o Kakela me Kuke.
w16 sept2 d12 1y
---
P.R.HOLI.
LOIO! LOIO! LOIO! LOIO!!!!!!!!!!!!!
E lawelawe no oia in a hana pili Kanawai o na ano a pau no ka uku haahaa Loaa no ma Waimea , Kauai. 101y
---
OLELO HOOLAHA.
Ke papa loa ia aku nein a kanaka a pau o kela a me keia ano. Aole e hele maluna o ka aina mahi laiki a Tai Lee Wai, ma Waioli; ma ka po mai ka hora 6 aku o na ahiahi a pau. A ma ka ao, ua ae ia e hele, me ka lawelawe ole hoi o na lima ina mea e ula ana a e waiho ana maluna o ka aina i oleloia. A o ka mea kue e hoopii la no ke komo hewa. A no kekahi hewa e ae. E hoolohe i keia o poina auanei
Hanalei, Kauai, August 24,1889.
18 @@@sd