Ka Leo o ka Lahui, Volume I, Number 6, 26 August 1889 — PAU KAKOU ME OE [Illigeble] NUI. [ARTICLE]

PAU KAKOU ME OE [Illigeble] NUI.

E KA LEO O KA LAHUI. Me oe ke aloha kuwili: E ahai ae oe i ka lono imua e oʻu mau milimili, oia hoi na hoa makaainana. Ke hooki, ke hoopau, ke kapae a ke oki loa nei makou kekahi mau limahana o ka hale hana hao hoahu ukana o G. W. Makapolena, i ka nupepa "Pae Aina Puka La" mai ko makou hookipa hou ana mai i kona kino i piha me na olelo hoinoino a hakukole wale i na hoa kanaka. Ua piha makou i ka hoowahawaha a me ka hoopailua i kana mau olelo hoomaewaewa a hoonaikola, me kana kaena no ka hauoli o kona puuwai eleele e pilikia a e poino ai ke ola makamae o na hoakanaka, me he la, oia ke kanawai a iaia ka mana make o ke ka kanaka. Nolaila, mai keia la aku, ua pau ko makou hilinai i ka "Pae Aina Puka La" a me Kawainui, a ke apo nei makou me ka hilinai i hoa kuka a i hoa pilipaa no ke aloha lahui, aloha aina a aloha Moi ia oe e KA LEO O HAWAII. Me ke aloha oiaio, J. W. Hoomana, Ka-e, Jack, Kaleheana, William, Kula, Naiwi, Paoo, Paauki. Honoluiu, Aug. 24, 1889.