Ka Leo o ka Lahui, Volume I, Number 6, 26 August 1889 — I Mau Manu Nunu. [ARTICLE]

I Mau Manu Nunu.

"E noho malie kakou me he mau manu nunu ala," wahi a kekahi o na leo nawali mali iloko o ke Kuokoa i poha ae mailoko o ka umauma o kekahi o na ekeeke nui. He leo uwalo keia i na Hawaii, e kaukau mai ana penei : Ua nui kuu aloha ia oukou e a'u mau hiialo, aole no ko oukou noho'na kino, aole no ko oukou noho'na uhane, he mau opala a he mau mea ole loa ia i ko'u a me ko makou noonoo, aka, o ka mea nui ia'u a me makou o ko oukou noho'na aupuni. He mea e ke aloha no oukou, kulu mau ka waimaka a puluelo ko makou mau hainaka i ka uu mau i na ihu, a eha mai ka puuwai, ono ole mai ka ai. Ke pule mau @ me makou no oukou, i loaa @ oukou, kahi apana iki o ka omo @ palaoa mai ka makou papaaina @ aka, o ko oukou noho'.na aupuni @ nae ka mea nui ia @. E noho malie me he mau manu e pelu i ko oukou mau lima ma @ kua, o na maka no ke imo maka mai pane nae ka waha, a e no@ mai ia'u a me makou ma i ka @ kou okomo ana i na opihi iloko o ko makou mau ekeeke ma o ka lokomaikai palena ole o ka hou o ka'u a me ko makou mau lae. He mea e ke aloha ia oukou e a'u mau milimili, a o ka mea i oi loa ai, oia no ko oukou noho'na aupuni. Aka, mai walaau oukou, e noho malie me he mau manu nunu 'la, a e nana wale mai no me ka mino aka i ka makou hoohialaai ana, a mai hopohopo oukou, no ka mea, aohe o oukou kanaka i hilinai ia, aohe ike, aohe i lawa e noho ma kekahi oihana, koe wale no paha kahi luna pa aupuni, aia o na malihini ike ole i ka heluhelu me ke kakau ka poe kupono, no ka mea, ua oi aku ka heluna waiwai o ia ano mamua o oukou—a nolaila, ua nui ko'u me ko makou aloha, i ko oukou noho 'na aupuni. Mai ekemu nae oukou —e noho malie me he mau manu nunu 'la-aole hoi i pau loa ae na wahi apana aina i ka hana ia, aia paha hoi a kuai kudala ia'e no ka moraki, alaila, pahola aku ka oukou o kahi ka neo. Mai manao oukou e a'u mau milimili he alunu oihana a he hapuku opihi ka makou hana e noho nei, aole, no ka mea, he weliweli, aohe o ka 'e mai ko'u a me ko makou aloha ia oukou no ko oukou noho'na aupuni, aka, e hamau oukou me he mau manu nunu 'la. O keia ae la ke ano o na olelo a'o a keia Parisaio aahu hipa. E i mai ana: E noho malie oukou mai hoohalahala no ko oukou nele, no ka mea, mamuli o ko makou ana ia oukou, nolaila, ua kuleana makou e noho i ka papaaina a e nele oukou, a iloko o ia nele, e hamau a

mai pane leo. Ina he mau manao ku kekahi i ka lapuwale i noonoo ia e ke kanaka, o keia kekahi, a o ke ano ino loa no hoi. Aka, he mea maikai no paha ka noho malie ana me he mau manu nunu ala, a eia nae ka hewa—ua moe malie ka manu nunu maluna o kana mau hua maloko o kana punana, mai kahiki mai nei no nae ka manu aipilau a pau aku nei ua mau hua nei i ka alapoho ia. E i mai ana no paha auanei ua o Hagai ma —hamau a e noho malie oukou me he mau manu nunu ala. Aole! E walaau ana makou a e koi ana i ka pono kaulike o ke kupa o ka aina a hiki i ka wa a ka pahu balota e hoohiolo ai i ka oukou mau hana kapakahi, a ku hou ka Hawaii maluna o ka papahele like me na mea a pau, mai ke kanaka waiwai a ke kanaka ilihune, ina ia he haole a ano lahui e ae paha.