Ka Lahui Hawaii, Volume III, Number 39, 27 September 1877 — Page 4
KA NUPEPA KA LAHUI HAWAII.
HONOLULU, SEPATEMABA 27, 1877.
KOMI TE HOOPONOPONO NO KEIA AOAO.
LAIKI MAKUA, MRS. KELA A. GILIMANA,
M RS. ELENA MAKALE, MRS. J. M. KUKE.
Ne ver be afraid to speak for Jesus.
Never be afraid to speak for Jesus,
Think how much a world can do ;
Never be afraid to own your Saviour,
He who loves and cares for you.
Cho.—Never be afraid.
Never be afraid
Never, never, never;
Jesus is your loving Saviour,
Therfore never be afraid.
Never be afraid to work for Jesus,
In his vineyard day by day;
Labor with kind and willing spirit,
He will all your toil repay.
Cho.—Never be afraid. &c.
Never be afraid to bear for Jesus
Keen reproaches when they fall;
Patiently endure your every trial,
Jesus meekly bore them all.
Cho.—Never be afraid. &c.
Never be afraid to live for Jesus;
If you on his care depend,
Safely shall you pass through every trial
He will bring you to the end.
Cho.—Never be afraid. &c.
Never be afraid to die for Jesus;
He, the Life, the Truth, the Way,
Gently in his arms of love will bear you,
To the realms of endless day.
Cho.—Never be afraid. &c.
HE UA MAI KA LANI MAI.
Aia kekahi wahi kaikamahine uuku, ua houluulu oia i kekahi wahi puu dala uuku, i loaa mai iaia no ke kuai ana i ka wai ua. E kokoke mai ana hoi i kahi i noho ai o keia kaikamahine, ka hale o kekahi wahine holoi lole, a i kekahi wa i nui loa mai ai ka hana, haawi aku la oia i ua kaikamahine la, i hookahi peni no kela a me keia bakeke wai ua piha maikai, ana e lawe mai ai nana, nolaila, kapili ae la ua kaikamahine la i kekahi mau apana papa malalo ae o ke kua o ka hale, ka auolo a me ka hale malama pipi, a kukulu aku la hoi i kona mau ipuhao, na pa kini a me na tabu, a he mea kamahao loa hoi ka hiki pono ana, i na kulu paka ua nunui a liilii hoi ke komo ana iloko o lakou.
A i ka hiki ana i ka wa malie iki, loaa iaia he mau dala. Ia manawa no hoi, aia he pau ahi nui ma kekahi kauhale okoa aku e kokoke mai ana, a he nui wale na ohana i hooneleia i na home ole. Aia ma ke Kula Sabati a ua wahi kaikamahine nei e hele mau ai, ua malamaia kekahi anaina lulu dala no ke kokua ana i kela poe pilikia. Aohe mea nani e ae ana e hana aku ai me kona wahi waiwai uuku o ka hoouna wale aku no i ka poe pilikia, a me na keiki home ole o ua wahi poino la. Nolaila, lawe mai la oia i kana mau moni—he $5 mau dala, a haawi aku i ka luna nana e lawelawe ia hana, me ka pane ana aku, ua makemake oia e haawiia aku kana mau dala, no na kamalii pilikia. Lawe aku la ka luna i ke dala, me ka ninau oluolu ana i ke kaikamahine no kona inoa.
Aole oia i makemake iki e hoolahaia kona inoa, "aka," wahi a ua luna la, ua makemake au pela, i hoike aku ai au i ko makou mau kamalii poino, no kahi i loaa mai ai keia makana. "Pono" wahi a ke kaikamahine, me ka helehelena ———
Ua hiki ia oe ke kakau iho—"He ua mai ka lani mai." Ko ke Akua hoopomaikai maluna o na kamalii a pau e like me keia.
NA KE AKUA I HANA.
"E mama, ehia la ka nui o ko'u mau iwi iloko o ko'u kino holookoa?" wahi a Charlie i ninau aku ai i kekahi la.
E holoi ana ua o Charlie i kona mau lima ia wa, a iaia e holoi ana, e hoomau ana no oia i ka hoomohala a me ka upoi, a e owili ana hoi i o a ianei; a iaia e hana ana pela, aole loa oia i nele i ka hoomaopopo ana, aole he hookahi wale apana o kona lima i hanaia'i, aka, me na apana o kona lima i hanaia'i, aka, me na apana lehulehu no i hanaia ai, a no ia mea, ua hoomaka ae la oia e haha ma kona poo, a me kona kino; a nana iho la i kona mau kapuai a me na wawae, a maopopo iho la iaia, ua hanaia oia mailoko mai o na apana liilii.
"He mea kahaha paha ia nou, ke hai aku au ia oe," wahi a kona makuahine; "E hoomanao no anei oe."
"Ae," wahi ana, "e hoomanao no au." E hahai mai ina hoi e hiki ana ia'u ke koho aku. Ke manaoio nei au he kanalima paha ka nui.
"Ua oi aku mamua oia o kuu keiki. He elua haneri me ewalu."
"Elua haneri me ewalu! aohe o'u manaoio iki ia mea. Eia kekahi mea nui poepoe ma kuu poo a me"———
E noho malie e kuu keiki, aia ma kela mea nui poepoe, he 30 mau iwi liilii i hoohuiia a lilo i poo. Aia hoi he kanalima kumamaha maloko o ke kino, he kanakolu kumamalua hoi mai na kihi poohiwi a hiki aku i ka welelau o na manamanalima, a he kanakolu mai ka uha aku aku, a hiki i ka welelau o na manamana wawae. O ka lima a me ka wawae na mekini i oi aku o ke kupaianaha. Nani wale kou hoonioni ana ia lakou i o a ianei: Nani ka nui o na mea i hoolakoia mai nou.
E ke keiki, e Charlie, ke manaolana nei au, aole loa paha oe e hoolilo ana i kou lima a me ka wawae, a wahi e ae paha o kou kino, a ke Akua i hana ai me ka nani a me ke kamahao, no ka lawelawe ana i ka hana ino, e loaa mai ai ka hewa.—Mai ka Waihona Ponoi mai o ke keiki.
KO MELE LETA.
Sept. 11th, 1877.
Aloha oe e Kete :—Ua pomaikai au i ka loaa ana o kau palapala. Mai manao oe ua manaka wau, aole ! Kamailio ana maua me Kali, a mea mai kela ia'u no kuu hakalia i ka palapala aku ia oe. Olelo au iaia, "no kuu pilikia i ka hana aole no ka molowa." Akaaka mai kela, a olelo mai, "Ua pilikia no ka oe i ka hana." He olelo kaikamahine kela, heaha kau hana i keia la ? E hai mai ia'u.
I aku la au, "He olelo keikikane kela, nui no na hana,. Ea. Ala au i ke kakahiaka, pulumi i ka hale, pulumi i ka pa, ninini i ka wai ma na pua, hana i na ipu kukui. Pau i ka aina kakahiaka, hele au i kou lumi moe, me e i kou kiola i kou mau lole, me na kakini a me na kamaa ! me he mea la, ma ka papa hehi kahi pono e waiho i keia mau mea! me he mea la he wahi keiki ike ole oe ! Hoomaikai au i kou lumi, a me kou moe, alaila hele au e kokua ia Mama. Ua ike oe i ka hana o Mama ! Holoi lole. Hana pu maua a kokoke ahiahi." Hoopau mai o Kali ia'u me ka olelo. "U'oki Little Mary! Ua akaka he kaikamahine hana no oe. Aka ua ike oe; aole pela i ka nui o na kaikamahine o Honolulu nei. Aole i hiki ia oe ke hoole i keia, "Ua molowa i ka nui. Hookahi no hana a lakou i makemake, eia e kau i ka kapa maikai, a noho wale mawaho o ka pa e nana, a e nana ia i ka poe hele ma ke alanui, a loaa ola i ka mea mahalo malaila, hele malalo e holoholo ai—hoopa au i kona waha me kuu mau lima a au olelo iaia. Alia oe a nana i na keikikane, e hele ana ma ke alanui. He kapa maikai ka lakou, he papale beava, he waki, he kookoo, he siga. Heaha ka lakou hana ? Heaha i ka pomaikai o Hawaii nei ia lakou? Ua halawai au me kekahi o lakou ma ka alanui, puka mai i na olelo ino, noloko mai o ko lakou mau waha, hele keekee lakou, aole hilahila ! E Kali ! Kuu kaikunane aloha! Pomaikai makou no ko ke Akua malama ana ia oe ! Awe i ko makou pilikia ku like oe me lakou! Uwe pu maua a hele oia i kana hana.
E Kali ua nui kuu pomaikai i keia kaikunane ou, nolaila ke kakau nei au i ka maua kamailo ana.
E pule kaua no na mea ai o keia aina.
Pehea la e hiki ai kaua ke kokua ia lakou ma na mea pono. Aloha i kau kane. Aloha oe. Nau na MELE.
Aia hoi, e hooneoneo ana o Iehova i ka aina, e anai ana oia iaia; e hookahuli no oia iaia, a e hoopuehu i kona poe e noho ana.
KE KII HELU 99.
Heaha la keia au e ike nei ma keia kii ? He elemakule, he wahine, ekolu mau kamalii a me kekahi ilio; e nana ana lakou a pau no kekahi lupe e lele ana maluna loa o ka lewa.
Ua manao au, ina paha na oukou ponoi e na keiki i hana keia kii, ina paha ua hoopaa oukou i ka lupe iloko o ka poho lima o kela keikikane. Aka, aia ke keikikane e nana ana me ke ake e ike i ka mea a ua elemakule la e hana ana.
He nui na makahiki i hala e ola ana he kanaka nana i ike mua i kekahi mau mea kupaianaha mamuli o ka hoolele ana i ka lupe.
O Beniamina Farenakelina kona inoa, a me he mea la o ke kii paha keia o ua o Beniamina Farenakelina, aka, aole no oia i kanikoo loa i ka wa i loaa ai o keia mau mea kupaianaha iaia. He kanaka Amerika o Farenakelina.
He wahi keiki ilihune loa oia i kona wa opio, a he uuku loa kahi hawina o ka naauao i loaa iaia.
I kona wa i hookanaka makua iki ae ai, ua akenui loa oia e loaa iaia ka naauao a mahuahua, mahope iho, loaa iho la iaia ka hana, maloko o kekahi hale paipalapala. A i kona mau wa hana ole, ua hoopihaia ma ka heluhelu buke a me ka hoopaanaau, me ka hoiliili pono ana hoi i kona mau wahi apana dala i loaa mai, i mea kuai i na buke nona.
Aka, no kela mea kamahao ana i ike ai, ua loaa no ia, ma kona hoopaa ana aku i kekahi ki ma ke aho o ka lupe a ike iho la oia, ua hiki ke laweia mai ka uila me he mea kino la mai na ao mai; a i kona wa i hoopa aku ai ke ki, ua anapu mai la a lele liilii ae la me he huna ahi la a ano haalulu kona lima.
Ua noonoo nui no kekahi poe naauao e ae ma keia mea, a i keia wa, ua lilo mai nei oia he kauwa na kakou, e lawe ana i na nuhou ma ka aina, a malalo hoi o ka wai a puni ka honua. Aohe o kakou uwea telegarapa i keia wa ma ka moana Pakipika nei, aka, aohe kanalua e loaa ana kekahi waea no kakou maanei.
O kekahi poe o oukou i noho ma Maui, aohe nele ana ka ike i kela telegarapa a Dickey, i kau ai mawaena o kona hale noho a me ka halekuai ma Makawao.
Ke manao nei au, ina oukou e holo ana ilaila, e olioli no oia e hoike mai ia oukou no ke ano e hoohanaia ai.
Nolaila, ia oukou e nana iho ai i keia kii, e hoomanao oukou he mea e ka nui o na pomaikai i hoea mai la mailoko mai o na kumu liilii loa, ke noonoo pono nae kakou.
O KEAUPUNI.
Ma Kamoiliili o ka pule i hala, ua make aku la kekahi kanaka a makou i aloha nui ai. O Keaupuni kona inoa.
Ua kamaaina makou iaia no na makahiki i hala aku nei, a ua manaoio makou he kanaka hoopono a hoopololei oia.
He hoopomaikai oia no kona lahui, a ua hiki no i ka Moi ke hoonoho iaia ma kahi hana haahaa mailoko ae o ka lehulehu.
Aole loa oia i lawelawe i ka hewa moekolohe, elike me ka lehulehu e ae o kona lahui ponoi. Manao au he iini oiaio kona, e ukali aku mamuli o ka pono. Oiai, he eha mau makahiki i hala aku nei, ua hookahuliia ka manao o ka lehulehu e kue aku i ko lakou Moi ponoi, aka, ua kupaa o Keaupuni nei, mamuli o ke kanawai, a me na kauoha, me ka haawi ana i kona hilinai paa, mamuli o na kuhikuhi ana a ke kanawai.
Ma kona manao, he Katolika oia ma ka hoomana, a i ka wa a ke Kahuna i kue aku ai iaia no kona heluhelu ana i ke Kauoha Hou, pane aku la o Keaupuni, ua makemake loa oia e heluhelu i ka Baibala, i hiki iaia ke noonoo nona iho, i ka mea pono a me ka hewa. A oiai he Katolika oia, ua hoike mai nae kela ia'u, ua hilinai aku oia maluna o Iesu kona Hoola, a aole o makou kanalua, ua loaa io aku la no iaia.
He oihana kamana ka ua "Keaupuni nei, aka no kekahi mau kumu, aole oia i lawelawe mau ma ia hana. He elue loa oia ma ka hookaa pololei ana aku i kona mau aie, a no keia kumu, ua hilinai nui ia oia i na wa a pau ana e makemake ai no na kokuaia aku.
He oiaio, aole no paha oia i maemae loa, aka, he mea pono i na kanaka Hawaii a pau, e hoohalike aku me kana mau hana, i mea hoi e hoomahuahuaia aku ai ka maemae a me ka pomaikai o ka aina.
Nani ka loli ano hou ana o ka lahui ma na kulana maikai, ina e hoohalike ana na kanaka a pau me ka ianei mau hana. E waiho hakahaka wale auanei na keena o ka Halepaahao.—A e lehulehu hoi na home maikai.—E hoopiha mauia hoi na umeke me ka poi, a e noho hoomalu auanei ka Moi maluna o ka lahui me ka lokahi, ikaika ma na hana, a Kristiano hoi, aole auanei e nele ko kakou hooiaio aku. E lilo ana ka huaolelo Hooulu Lahui i mea oiaio.
E NA KAMALII ALOHA.
He pinepine ko'u noonoo ana no oukou e na kamalii o Hawaii nei, a he mea kahaha no hoi ina ua loaa ia oukou ka manao e hana aku i na mea e hauoli ai ko oukou mau makua.
Ua maopopo anei ia oukou ka nui o ko lakou manao ana no oukou i ka po a me ke ao. He nani hoi ko lakou hooikaika ana ma na hana e loaa mai ai ka ai a me na mea maikai a pau no oukou! Aka hoi, he mea e ko oukou hookaumaha mau ana ia lakou!
Ua ike no ka makuakane a me ka makuahine o kela keiki ino, i ka ehaeha o ko laua naau! He mea e ko laua uwe ana no kana mau hana lapuwale. Mahea la e loaa mai ai ia laua ka maha o ka manao? Aole loa oia i hoolohe aku i ka laua mau oleloao. Ua poina oia no ke kula, a me ke Kula Sabati, ua haalele aku oia i kona mau makua a me kona home, a lilo aku la i keiki auwana wale. E kahaha auanei oe, aole laua i ai i ka laua ai me ka ono. A he mea kupanaha hoi i ka po, e ikeia no na kulu waimaka ma ko laua mau uluna.
Ua kiai laua me ka makaala loa, i ua keiki nei i kona wa uuku, a ina hoi e loohia oia i ka mai, aole laua e hiamoe iki ana, a me ka pauaho ole laua i auamo ai i na ehaeha o ua keiki nei. I ka manawa e hala ae ai ka nawaliwali o ke keiki, ua piha ko laua mau puuwai i ka hauoli, aka, ua hoehaeha mau aku na keiki i na makua, iloko o ko lakou aloha me ka mailani ana ia oukou!
Ua heluhelu au i ka moolelo no kekahi kanaka maikai a oluolu, a i kekahi la anuanu o ka hooilo, hele aku la oia iwaho, a ike iho la oia i kekahi moo nahesa e waiho ana ma ka honua, ua aneane loa e make i ke anu.
Lawe ae la ua kauaka la i ka nahesa e hoopumehana maloko o kona hale, a i ka wa i pumehana ai ua moo la, a loaa hoi iaia ka maha kupono, heaha la kana hana i kou noonoo ana iho ? Lele koke mai la oia e nanahu i kona makamaka aloha, a pepehi iho la ! Nahesa ino ! Ae aka, aole i oi aku ia ino mamua o ke keiki, e hoehaeha mau ana i ka houpo o kona mau makua oluolu maikai, mamuli o kona hoolohe ole a me kana mau hana lokoino. Pela iho la ka e uku panai aku ai, no ko laua aloha, me ka mailani ana, mamuli o ka hoopiha ana'ku i ke kiaha o ka manao kaumaha. Aole loa i poina i ke Akua i na hewa a pau. O ka uhaki ana no ia i kekahi o kona mau kanawai. Ua olelo mai Oia penei: "E hoomaikai oe i kou makuakane a me kou makuahine."
I kekahi la, aia kekahi kanaka nona ka noonoo akahai a me na lala ikaika, e pii ana maluna o kakahi pali nihinihi poino, a iaia i hiki aku ai ma kekahi lae pohaku kuhao ano hooweliweli, holo ae la ka maeele ma kona poo, iaia i lohe iho ai i ka leo o kana wahi keiki kane uuku, e pae ae ana malalo ona, a i kona alawa ana iho, aia hoi ua wahi keiki uuku nei e pii ae ana ma ia ala hookahi.
O ka hana hoi nana i kono i ka manao e keia makua e pii aku ma kela pali awaawaa, aole ia i oi aku mamua o ke ola makamae o kana keiki, a hoi hope hou iho la kona mau keehina wawae ilalo aole hoi i pau ka lele ana o kona hauli, me ka makau nui, a hiki wale i ka loaa hou ana i kana keiki kahi e pakele ai. Aole i poina iki ia haawina iaia.
Aole aunei hoi e hooomanao iho kela a me keia makua, o na keehina waewae o ka lakou mau keiki, aia ponoi no mahope o ko lakou meheu. He mea pono hoi e hoopoinaia aku na hana hewa a pau.
"No ia hoi, e hahai oukou i ke Akua, e like me na keiki punahele.
E haele hoi oukou me ke aloha, e like me ka Kristo i aloha mai ai ia kakou, a haawi hoi iaia iho no kakou, i alana a me ka mohai i ke Akua; i mea ala oluolu.
A o ka moekolohe, a me na mea haumia a pau, a me ka puniwaiwai, aole loa e hoohikiia ia mau mea iwaena o oukou, he mea ia e poino ai na haipule."
HAAWINA KULA SABATI.
No ka hapaha eha.
HELU 1. SABATI, OCT. 7, 1877.
KUMU HANA.—Paulo ma Kaisareia
PAUKU BAIBALA. Oih. 21:8—15.
8 A ia la ae, hele mai la makou ka poe me Paulo a hiki i Kaisareia; a komo aku la iloko o ka hale o Pilipo, o ke kahuna euanelio, oia kekahi o na hiku, a noho pu iho la makou me ia.
9 Eha ana mau kaikamahine puupaa i wanana mai la.
10 Noho iho la makou ilaila i na la he nui, a iho mai la kekahi kaula mai Iudea mai, o Agebo ka inoa.
11 A hiki mai la ia io makou la, lawe iho la ia i ko Paulo kaei, nakinaki iho la i kona mau lima a me na wawae ona iho, i ae la. Ke i mai nei ka Uhane Hemolele, Penei e nakinaki ai na Iudaio ma Ierusalema i ke kanaka nona keia kaei, a e haawi aku ia ia i na lima o ko na aina e.
12 A lohe makou i kela mau mea, noi ae la makou, a me kolaila poe ia ia, i pii ole ia i Ierusalema.
13 I mai la o Paulo, Heaha ka oukou e hana'i pela, me ka uwe mai, a nahae ko'u naau? No ka mea, ua makaukau no wau, aole e nakinaki wale no, aka, e make no hoi kekahi ma Ierusalema, no ka inoa o ka Haku o Iesu.
14 Aole loa ia i ae mai, oki ae la makou, i iho la. E hookoia no ko ka Haku makemake.
15 A mahope iho o keia mau la, hoomakaukau iho la makou, a pii aku la i Ierusalema.
Pauku Gula. "Aole hoi au e manao i keia mau mea, aole no hoi e manao au he mea makemake no'u kuu ola nei." Oih. 20:24
Ka manao nui, ka wiwo ole o na kauwa a ke Akua.
Mele.—Him. 340 6—8. Leo,
1
He koa anei au?
He kauwa na Iesu?
A ku haalulu, a makau,
A wiwo wale no?
4
Nau e kokua mai,
E Iesu kuu Alii,
I paio au a paio mau,
A pau kuu ola nei.
Pule i loaa ka wiwo ole i ka malama ana ia Iesu.
Na Ninau a na Kumu.
Haalele kakou ia Paulo ma Mileto. Pau kana haiolelo ana i na lunakahiko pule oia me lakou; nui ka uwe aloha ana, Hele pu lakou me ia a i ka moku, alaila kaawale.
Hoi na luna i Epeso. Holo Paulo me kona mau hoa a Kooka a Rode, he mau mokupuni ma ka akau o ke Kaiwaenahonua, a i Patara, he kulanakauhale awa ia ma ka hikina o Rode. Malaila aku ma kekahi moku hou a Suria ma ka hikina hema, a pae ma Turo, a halawai pu me kekahi mau haumana malaila. Papa lakou ia ia, aole make e pii i Ierusalema. Paa nae kona manao e hele no. Nolaila, hele pu lakou, kane, wahine, kamalii, a hiki iwaho o ke kulanakauhale, pule lakou, a aloha, a kaawale. Holo hou Paulo ma mai Turo a Petolemai ma ka hema, he kulanakauhale ia e pili ana i ke Kaiwaenahonua, ma ka akau ae o Ierusalema. He mau hoahanau malaila.
Mok. 21:8—9. Ko Paulo ma hiki ana i Kaiseria. Ua hele pu paha kekahi poe no Turo me Paulo a i Kaisareia. He kulanakauhale ia ma ka hema ae o Petolemai. Nohea kona inoa? Mahea kekahi Kaisareia? Nawai i hookipa ia Paulo ma? Owai keia Pilipo? Ehia ana oihana? Mahea oia mamua aku? Oih. 8:40. Ehia makahiki i hala? Ke kahu paha ia o ka ekalesia ma Kaisareia. Ehia kaikamahine a Pilipo? Heaha ka lakou hana maikai? wanana, haiolelo, ao i ka ke Akua olelo. Nana Ioela 2:28. Oih. 2:17.
P 10—12 Ka wanana ana no na pilikia e hiki mai ana ia Paulo ke pii ae oia i Ierusalema, me ke kaohi ana o na hoa e noho, aole make e hele. Owai ke kaula i iho mai Iudea mai? Ua wanana anei oia mamua? a ua hookoia anei? mok 11:28. Heaha ka hana hooweliweli a Agabo i hana'i i ole e hele o Paulo i Ierusalema? Ua hookoia anei keia wanana mahope iho? Pehea na hoa o Paulo? Minamina ea i kona ola?
P 13—14. Ko Paulo hoole ana i ka manao kaohi o na hoa. Heaha na olelo wiwo ole a Paulo i pane aku ai? Pela anei ka pauku gula? Ua like kona makau ole i ka make me ko wai? Heaha hoi ka Iesu olelo ma Mat. 10:28. Luk. 4:26. Pilipi 3:8. I ka hoole ana o Petero ia Iesu, aole make e make oia, pehea Iesu i pane aku ai? Mat. 16:21—23. I ka ike ana o na hoa, ua paa loa ka manao o Paulo e hele i Ierusalema pehea lakou, a olelo pehea? Pehea hoi Iesu? Mat. 26:42.
P 15. Mahope iho hoomakaukau Pauloa ma e hele aku i hea? No keaha keia manao paa o Paulo e hele i Ierusalema? Nana mok. 20:16, 22. E paipai ana ka Uhane Hemolele ia ia e hele ilaila a malaila aku a Roma i hiki ke hai nui aku i ka euanelio.
Mele.—Him. 475, 7—6.
1
Na luna haiolelo,
E hele ae oukou
I na lahui aina
I noho naaupo,
A ma na mokupuni,
Na aina nui no,
E lawe i ke ola,
I ola no lakou.
Na Ninau a ke Kahu.
Na makua. Ma ka pau ana o kela hapaha ma ke kolu o ke kaahele ana o Paulo, ua hiki oia i hea? Heaha kana hana malaila? Mahea ke kaawale ana o na lunakahiko mai ia Paulo ae a hoi aku lakou i Epeso? A hoomaka hou Paulo i kona kaahele mai Mileto a i hea? Ehia wahi i ku ai oia a hiki i Kaisareia? Ehia mile i hele ai? E hele ana oia ihea? Ehia mile mai Kaisareia a Ierusalema? 40 paha. Nohea ka inoa? Owai ka inoa mua? Sebarete. Owai kekahi hoahele o Paulo? Luka paha. Nawai i hookipa ia Paulo ma Kaisareia? Nohea i Pilipo? Heaha oia? Maihea mai kona noho ana ma Kaisareia? Oih. 8:40.
Na keiki. Ehia kaikamahine a Pilipo? Heaha ka lakou hana maikai? Owai kekahi mau kaula wahine kahiko? Miriama, Debora, Huleda. Heaha na hana maikai e kupono ana i na kaikamahine i keia wa? Ka hele mau i ke kula Sabati, ka hoopaa i na Haawina, ka himeni, ke ao aku i na hoa, ka noho malie. Pehea hoi na keikikane? Oia hana like no. Hai mai Oih. 2:17. Sol. 3:1—4.
Ke kula a pau. Hai mai i ka hana a Agabo ke kaula. E loaa mai ana keaha ia Paulo ke hele oia i Ierusalema? Ua wanana Agabo mamua no kekahi wi nui, ua hooko ia anei? A ua hookoia anei keia wanana no Paulo mahope iho? No keia mau pilikia i waihoia mamua o Paulo. Ua kaohi na hoa ia Paulo e aha? Hoolohe anei Paulo a noho? Makau anei oia i ka hele? Oluolu anei oia i ko lakou kaohi me ka uwe nui ana? Pehea kana pane, ua aha lakou ia ia mahope? Heaha ko ke Akua makemake, e hele, e noho o Paulo?
Hai mai i ka pauku gula, ma Luk 14;26
Ma ka hoopili ana.
1 Aole make e kaohi, e keakea na hoa i ka poe i manao e hele i ko na aina e e lawe i ke ola.
2 Aole i make e maku i na pilikia ke hele aku i ko na aina e. Mai makau ke lilo ke ola no ka hai ana i ka Iesu olelo ko na aina e. Ina make no Iesu, he ola mau loa ka uku.
3 E hele aku imua me ka wiwo ole.
Mele. "Aole o'u makau."
Hae hoonani. Mele 29.
Pule i hana mau no Iesu, pule no ko na aina e,
Haawina no Oct. 14. Paulo ma Ierusalema Oih. 21:17—39.