Ka Lahui Hawaii, Volume II, Number 37, 7 September 1876 — Page 4

Na Ekalesia o Kawaiahao a me Kaumakapili.

Halawai Kakahiaka, la Sabati ..... hora 10½
Halawai po ..... hora 7½
Halawai Apana auina la ..... 3½
Kula Sabati ..... hora 9½

HAAWINA KULA SABATI
[HOOPONOPONOIA E REV. L. LAIANA.]
Ka Hapaha Ekolu.
HELU 12—SABATI, SEPT. 17, 1876.
Kumuhana.—-KA NOHO ANA NO KE AKUA.
Pauku Baibala.—Kekahuna 12 ; 1—14.

E HOOMANAO oe i kou Mea nana i hana, I na la o kou noho opiopio ana; Oi hiki ole mai na la ino, A hookokoke ole ia mai na makahiki, Au e olelo ai, Aole o'u oluolu i keia mau mea:
2 I ka wa i pouli ole ai ka la, a me ka malamalama, O ka mahina hoi a me na hoku; A hoi ole mai na ao mahope o ka ua:
3 I ka la i haalulu ai na kiai hale, A kulou ilalo na kanaka ikaika ; A oki ka poe wili no ka hapa, A i pouli ai na mea nana ma na puka makani;
4 A paniia na puka ma ke alanui, I ka wa i uuku mai ai ka leo o ka wili ana; A e ala ae oia i ka leo o ka manu, A e hoohaahaaia na kaikamahine lea i ke oli a pau.
5 A makau lakou i na mea kiekie; Aia hoi ma ke alanui na mea e weliweli ai, Ua hoopailua hoi ka laau alemona, A o ka uhini, he mea ia e kaumaha ai. A lilo no hoi ka hua kepa i mea mikomiko ole; No ka mea, hele ke kanaka i kona hale mau, A hele ka poe kanikau ma na alanui;
6 Oi moku ole ia ke kaula kala, Aole hoi i naha ke kiaha gula, Aole naha ka bakeke ma ka punawai, Aole hoi i naha ke kaa ma ka luawai.
7 Alaila, e hoi ka lepo i ka honua e like me ia mamua, A o ka uhane, e hoi ia i ke Akua nana ia i haawi mai.
8 ¶ Lapuwale o na lapuwale, wahi a ke kahuna, pau na mea i ka lapuwale.
9 Eia hoi kekahi: I ko ke kahuna naauao ana, ua ao mau aku oia i na kanaka; ua noonoo oia, a imi, a hooponopono hoi i na olelo akamai he nui loa.
10 Ua imi iho la ke kahuna e loaa mai na olelo oluolu, a o na mea i kakauia, he olelo pololei ia a me ka oiaio hoi.
11 O na olelo a ka poe naauao, ua like ia me na mea oi, a me na kui i makiaia a paa e ka poe luna o ka ahakanaka, na mea i haawiia'ku ai e ke kahu hookahi.
12 Eia hoi kekahi: E aoia mai oe, e ka'u keiki, e keia mau mea; o ka hana ana i na buke he nui loa, he mea hopo ole ia, a o ka imi nui i ka palapala, he mea ia e luhi ai ke kino.
13 ¶ E hoolohe oe i ka hope o keia mau mea a pau. E makau i ke Akua, a e malama i kona mau kanawai, no ka mea, oia ka ke kanaka [pono] a pau.
14 No ka mea e hookomo ana ke Akua i na hana a pau, a me na mea a pau i hunaia iloko o ka hookolokoloia, ina paha he pono, ina paha he hewa.
Pauku hoopaa naau, 1, 13, 14.
Pauku gula. I Tim. 4:8. "O ka manao i ke Akua, he mea ia e pono ai na mea a pau."
Mele.—Him. 204. 8 Leo.
1 Ano ka wa e imi ai
I ko ka lani pomaikai;
A oiai e kau ka la,
E huli mai ka poe aia.
2 Ka mihi, huli, hilinai,
Na hana pono e ola'i,
E hana koke o pau e
Ka wa kupono e hana'i.
Pule no ka poe opiopio & c.
Na Ninau a na Kumu.
P 1. Heaha ke kauoha ? Nawai i kauoha ? E hoomanao ia wai? i ka wa hea ? Hoomanao, heaha ia? E manao mau i ke Akua, me ka malama, me ke aloha ia ia. Mai lilo i na mea e, a hoopoina i ke Akua. Oi hiki ole. Penei ka pono. E malama i ke Akua i ka wa opiopio mamua o ka hiki ana mai o na la ino, o na makahiki elemakule a lealea ole a makemake ole i ke Akua.
P 2. Penei E malama i ke Akua i ka wa opiopio mamua o ka hiki ana mai o na la pouli, kaumaha, luuluu, olioli ole.
P 3. Ke kino ka hale, na kiai hale, oia na lima, Na kanaka ikaika oia na iwi, na wawae. Ka poe wili, oia na niho. Na puka makani, oia na maka. Haalulu na lima, kulou na kuli, hapa na niho, ike powehiwehi.
P 4. Na puka, oia ka waha, na lehelehe uuku ke kamailio ana, uuku ka leo o ka wili ana, o ka nau ana o na niho i ka ai, ala wale, moe ole, moe uuku, ala koke ke kani ka manu. Na kaikamahine lea, ka poe mele ia, a o ka poe elemakule a luahine, aole hiki ke mele, aole olioli i ka lohe i na leo mele.
P 5. Makau na elemakule i ka pii i na puu, me na holoholona ma ke alanui; hoopailua, ono ole paha ka hua o ka laau Alemona—ala ole na pua; he mea liilii ka uhini, he mea liilii paha kekahi hana, aka, he mea kaumaha ia i ka elemakule; mikomiko ole na mea miko, makemake ole ia e na elemakule. Ka hale mau—ka lua kupapau—a o kela ao kekahi. Ka poe kanikau. A hala ka wa opiopio komo iloko o ka wa elemakule, ane hiki ole ke hana, ke malama i ke Akua—make no—a kanikau ia.
P 6. Kaula dala, ke kaula o ke ola kino; ke kiaha gula, ka ipu kukui kahi e aa ana ka aila o ke ola—ka, bakeke—ka punawai—ke kaa ma ka luawai. Oia na mea maloko o ka kino, ka naau ka puuwai, keake paa, ake mama, na mea e mau ai ke ola kino, a moku a naha—pau ke ola.
P 7. Hoi ka lepo i ka honua—ke kino, nana Kinohi 3:19. Ka uhane hele io wai la? no ke aha?
P 8—10. Uaha na mea a pau? Heaha ke ano? Heaha ka ke kahuna i hana'i, ao ai, noonoo ai, imi ai?
P 11. Ua like na olelo a ka poe naauao me ke aha? Heaha ke ano?
P 12. Heaha ka mea hope ole? Heaha ka mea luhi? Nana mok. 1:18.
P 13, 14. Heaha ka hope, ka mea nui o keia mau mea a pau? Ko ke kanaka aha ia? Heaha na mea e hookomoia'na iloko o ka aha hookolokolo o ke Akua? Nana Mataio 12:36. Oih. 17:30, 31. Rom. 2:16, 14:10, 12. 1 Kor. 4:5. 2 Kor. 5:10.
Mele.—Him. 525—8. Leo.
1 E ala, kuu uhane e,
A, me ka la e heihei ai;
E pau ka moe, e ala'e,
E pule, a e hoomaikai.;
2 Hoomaka i na hana au,
E hana no a oli mau,
Na hana ma ke kino no,
Na hana no ka uhane pu.
Na Ninau a ke Kahu.
Na makua. Ua hoohalike ia ke kino me ke aha? Heaha na kiai hale? Heaha na kanaka ikaika? Heaha na mea wili? na puka makani? na puka e ae? Pehea keia mau lala i ka wa elemakua? Hai mai 2 Kor. 5:1.
Na keiki. Ka wa hea ka wa k pono e hoomanao ai, e malama'i i ke Akua ? No ke aha oukou e hoomanao ai i ke Akua ? Hai mai i eha kumu e hoomanao ai, a e malama'i i ke Akua? Pehea ka wa elemakule, a luahine? Pono anei ke hoopanee i ka malama ana i ke Akua a i ka wa elemakule a luahine? No ke aha ka pono ole? A kaka anei e loaa ana ia wa ia oukou? Heaha ka mea i haule pinepine ia oukou? Ma ke aha ko oukou maa ana, ma ka hoomanao, ma ka hoopoina anei i ke Akua? Heaha ka hana pono ma ke ala ana, ma ka moe ana? E hoomanao i ka la hea? Mahea ka hale mau? Hai mai ke kahuna 9:10.
Ke kula a pau. Ua haiia mai keka i mau mea e pili ana i ke kino mawaho, e hai mai i kekahi mau mea pili i ko loko o ke kino? kaula dala &c.—A moku a naha ia mau mea he aha? Na wahi hele o ke kino, o ka uhane, hai mai. Ke ano o ka nana buke a me ka imi nui i ka palapala, hai mai. Pela io anei? Ko Solomona naauao, kakau buke &c, hai mai. I NaLii 4:29—34. Hai like mai i ka pauku gula a me na pauku hoopaanaau.
Mele.—Him. 571—8—7—4—Leo.
Aia i ka la mahope &c.
Pauku 1 me ke 3.
Pule i ala mai kakou a pau loa a hoomakaukau no ka la hookolokolo, &c.
Haawina no Sept. 24. Ka hoihope.

Ahaolelo Kau Kanawai
o ke Aupuni Hawaii
ka Moolelo o na hana o ke Kau o
ka M. H. 1876.
LA HANA 86—Poakahi Augate 14.
Halawai ka Ahaolelo e like me ka mau.
Heluhelu mai o Mr Preston he hoopii mai na luna mai o ka oihana kinai ahi o Honolulu e noi mai ana e noonoo hou ia ka haawina no ka oihana kinai ahi o Honolulu. Waiho ia a noonoo pu me ka Bila Haawina.
Heluhelu mua mai o Mr Preston he bila e hoololi ai i ka pauku 1106 o ke kanawai kivila. Waiho ia no ka heluhelu elua.
Hoolaha mai o Mr Pilipo he bila e hooponopono ana no ke koho lunamakaainana ma ka la koho balota.
Heluhelu mua mai o Mr Preston he bila e hoololi ai i ka pauku 1141 o ke kanawai kivila. Waiho ia no ka heluhelu elua.
Heluhelu mai o Mr Pilipo he olelo hooholo, e hilinai ole ana i ke Kiaaina o ka mokupuni o Oahu no ka hoopau wale ana i kekahi mau makai kiai kulanakauhale o Honolulu, me ke akaka ole o ka hewa i hoopau ia ai. Hoopanee loa ia, he 28 ma ka ae, a he 3 ma ka hoole.
Ma ke noi ua kapae ia na rula, a hoike mai ke komite wae no ka noonoo ana i ka bile e haawi ana i ka medala hoohanohano no na makua hanau nui i na keiki. Waiho ia ma ka papa.
NA HANA O KA LA.
Heluhelu alua ia ka bila e hoololi ai i ka pauku 434 o ke kanawai kivila, i hoololi ia ma ka makahiki 1868, e pili ana i ka hookupa ana. Hoopanee loa ia.
Heluhelu alua ia ka bila e hoololi ai i ka pauku 498 o ke kanawai kivila, e pili ana i na apana auhau o ke aupuni &c. Waiho ia ma ka papa.
Heluhelu alua ia ka bila e hoohui a e hoololi ai i ke kanawai no na hoike.
BILA HAAWINA.
Noonoo ia ka Bila Haawina i mua o ke komite o ka Hale. Noho o Mr. Martin ma ka noho lunahoomalu.
Kokua oihana mahiai a me na eemoku  65,060
Noi o Mr Helekunihi  35,000
" Pilipo e kapae
" Birch  22,000
I ka ninau ia ana no ka hoopanee loa i ka haawina no ka hoopae lima hana, ua kakau ia na ae me na hoole. He 7 wale no poe e hoole i ke kii ana i na pake i Kina, o nele auanei na kanaka i ka hana ole. Na Mr Kahuila, Kanealii, Pilipo, Kalaukoa, Aiwohi, Nawahi, a me Mahoe, hui ia e 7 wale no, poe makemake haawi i na hana i na kanaka Hawaii.
O ke koena aku o na lunamakaainana i hui ia me 13 alii, like me 32 poe makemake e kii i na pake iwaho, nolaila, ua hooleia ka hoopanee loa, a ua hooholo ia he 22,000.
Noi mai ke Kuhina o ko na aina e, no ka hoohoihoi eemoku 25,000.
Noi o Mr. Kanealii e kapae loa.
" Kaai  50,000
Mahope o ka noonoo loihi ia ana, ua hoopanee ia ke komite a noho hou ma ka la apopo.  Hoopanee.
LA HANA 87—Poalua Augate 15
Halawai ka Ahaolelo i ka hora 10 A. M. aka, no ka lawa ole o na hoa i hiki mai, nolaila, ua hoopanee ka Hale a halawai hou i ka hora 1 P. M.
I ka akoakoa hou ana i ka hora 1 ua komite ka Hale no ka noonoo ana i ka Bila Haawina. O Mr Mahelona ma ka noho.
No ka hoohoihoi eemou.  $50,000
Mahope o ka hoopaaapaa loihi ana i komo ai o Messrs Kanealii, Nahaku, Nawahi, Aholo, Kauai a me Pilipo ma ka aoao kue, a me Messrs Kaina, Rhodes, Green a me Cleghorn ma ka aoao ae, ua hoole ia ka hoopanee loa. Hooholo ia ka haawina i $50,000. Noi o Mr. Pilipo aole e hoololi ia kekahi dala no kekahi hana e ae. Hoopau ia ke komite.
Ma ke kapae ia ana o na rula ua hoolaha mai ke'lii Kaai he bila e hooponopono ai i na helu ana o ke poho no ka lawe ana i ka wai no na hana mahiai.
Ma ke kapae hou ia ana o na rula, ua waiho mai o Mr Aholo he olelo hooholo e noi ana i $4,000 i koe no na lilo o ka Ahaolelo o 1876. Hooholo ia.
Hoopanee ka Hale.
LA HANA 88.—Poakolu Augate 16.
Halawai ka Ahaolelo e like me ka mau.
Heluhelu mua mai o Mr Kaai he bila e pili ana no ka wai o na auwai, a hawai paha. Waiho ia akau malalo o na rula no ka heluhelu elua.
Hoolaha mai o Mr Pilipo he bila e hoomaopopo ai, o ka pono koho balota, he pono pili paa loa ia no ke kanaka.
Heluhelu mua mai o Mr Pilipo he bila e hooponopono ai i ke koho balota lunamakaainana ma ka la koho. Waiho ia no ka heluhelu elua.
Heluhelu mua mai ke Kuhina Waiwai he bila e hooponopono ana i na dala o ke aupuni no ka uku ana i na aie. Waiho ia no ka heluhelu elua.
Noi o Mr Nakaleka e hapai hou no ka noonoo ana no ka olelo hooholo e hookaawale hou ana i $1,000 no na lilo o keia Ahaolelo. Hooholoia.
Waiho ia ka olelo hooholo ma ka papa hoike mai ke komite o na buke helu ma ka la apopo.
Hoike mai ke komite pai, ua pai ia ka bila e hooponopono ai i ka lawelawe ana i na hana ma na hihia karaima. Aponoia.
Heluhelu mua mai o Mr Preston he bila e hoololi ai i ka haawina 51 o ka mokuna 26 o ke kanawai kivila. Waiho ia no ka heluhelu elua.
NA HANA O KA LA.
Heluhelu akolu ia ka bila e hoomalu ana i na manu oo, iiwi, mamo, a me na akakane no ke'lii aole e pepehi ia. Waiho ia i ke komite wae, Kaai, Aholo, Kahanu, Nahaku, a me Wana.
Heluhelu akolu ia ka bila e hoololi ai i ka pauku 500 o ke kanawai kivila, e pili ana i ka ohi ana i ka auhau. Hooholo ia ka bila me ka hoololi.
Heluhelu alua ia ka bila e hoohoui a e hoololi ai i ke kanawai no na mea hoike. Waiho ia oia ka hana ma ka Poakahi.
Heluhelu alua ia ka bila e hoololi ai i ke kanawai e pili ana i na hihia i koi ia ma kekahi waiwai. Waiho ia oia ka hana ma ka Poakahi.
Heluhelu alua ia ka bila e kauoha ana ana e kuai ia ana na aina aupuni, alaila e kuai ia ma ke kudala, oiai e hoopaapaa ia ana, ua hoomaha ka Hale.
Halawai ka Hale ma ka hora 1 P. M.
BILA HAAWINA.
Noonoo ka Bila Haawina imua o ke komite o ka Hale. Noho o Mr Naili ma ka noho.
Ma ke noi, ua hapai hou ia ka noonoo ana no ka oihana kinai ahi o Honolulu. Hooholoia.
Oihana Kinai Ahi o Honolulu  8,000
Noi o Mr Preston  10,000
" Kaai  5 ,000
I ke aupuni a i ka hui hoopaa poho,  5,000
Hooholo ia  10,000
Na agena o ka hale leta o Kapalakiko, Hooholoia  800
Noi o Mr Aholo e hoihoi ia malalo o kela a me keia lilo o ka oihana leta. Hooholoia.
Telegarapa o na moku ma Honolulu
Hooholoia  832
Oihana wai o Honolulu  25,000
Noi o Mr Kanealii  15,000
" Barenaba e kapae.
Hooholoia  25,000
Na buke aupuni, Hooholoia  500
Haawina ku i ka wa no ka wahine a ka mea hanohano J. W. Lonoaea  400
Noi o Mr Nakaleka e kapae.
" Helekunihi  400
" Birch e haawi ia keia haawina no ke kukulu ana i hale kupapau i wahi e waiho ai kona kino lepo.
Hooholoia e kapae loa.
Mokumahu hou  100,000
Noi o Mr Nakaleka e hoopanee a noonoo pu me na bila e pili ana no ka mokumahu holo pili aina.  Hooholoia.
OIHANA WAIWAI.
Uku no ke Kuhina  10,000
Noi o Mr Nakaleka 6 000
Hooholoia  8,000
Luna Buke Helu, Hooholoia  4,000
Luna Dute Nui  6,000
Noi o Mr Nakaleka  5,000
" Lilikalani e haawi i keia haawina a me na haawina 4 iho mahope i ke komite wae, a e lawe keia mau oihana, oia hoi, Luna Dute Nui, Hope Luna Dute Nui Kiai oihana me ke awa, Luna hale papaa, a me Kakauolelo Buke Helu. Hooholoia.
Na kokua kiai ma Honolulu a me na awa e ae  2 400
Noi o Mr Nawahi e waiho aku i keia haawina i kela komite no i koho ia ae nei. Hooholoia.
Kela me keia lilo o ka oihana dute 1,500 aole hoi e hoololi ia kekahi hana e ae. Hooholoia  1 500.
Luna dute ma Kawaihae hooholoia  300
Kuna dute ma Kealakekua, hooh  100
Waapa o ka hale dute, hooholoia  880
Dala Halemai (na lilo i manao ia 4 000
Hoopau ia ke komite me ka hai aku i ka Hale, ua hooholoia kekahi mau haawina e like me ia apono ia ana o ka hoike.
Hoike mai ka Peresidena i na lala o ke komite wae no ka noonoo ana i na haawina e pili ana i na luna dute, Lilikalani, Waterhouse, Kauai, Halstead, a me Kaai.
Hoopanee.
LA HANA 89—Poaha, Augate 17.
Halawai ka Ahaolelo e like me ka mau.
Hoike mai ke komite o na Ahahookolokolo no ka noonoo ana i ka bila e hoololi ai i ka pauku 4 o ke kanawai e pili ana i ke kuai ana i ka awa, i apono ia i ka 1870, ua waiho mai he bila hou, me ke noi mai e hooholo loa aku no ke kakau poepoe ana a o ka bila mua ua kapae ia. Apono ia ka hoike.
Hoike mai ka hapa nui o ke komite wae no ka noonoo ana i ka haawina no ka hana hou ana i na hale aupuni, 15.00 e noi mai ana, e hooholo loa aku. Waiho ia ma ka papa a lawe mai ka hapa uuku i ka lakou hoike.
Hoike mai ke komite wae no ka noonoo i ka bila e haawi ai i ka mana i ke Kuhina Kalaiaina, e haawi aku i ka laikini lapaau no kekahi kanaka, e noi mai ana, ua hooponopono iki ia ka bila e noi mai e hooholo loa aku no ke kakau poepoe. Waiho ia ma ka papa.
Ma ke noi ua kapae ia na rula, a hoike mai ke komite hoo iaio bila kanawai, o na bila he 14 i hooholo ia no ka apono ana mai o ka Moi, ua nana akahele ke komite ua ike ia he 5 wale no bila i mahele pono ia ma ka olelo Beritania a me ka olelo Hawaii. Nolaila, ke noi aku nei ko oukou komite e koho ia i komite hou nana e noonoo pono i na hemahema o ka unuhi ana. Apono ia e waiho ia na bila 9 o ke komite wae, Leleiohoku, Loio Kuhina, Halstead, Waterhouse, a me Kaai.
Heluhelu mai o Mr. Birch he olelo hooholo e kauoha ana i na bila a pau i hooholo ia no ke kakau poepoe, e waiho mua ia aku i ke komite hooponopono bila kanawai, mamua o ke kakau poepoe ia ana. Mahope o ka hoopaapaa loihi ia ana, ua hoihoi hou ia ka olelo hooholo.
Ma ke noi ua kapae ia na rula, a hoike mai ka hapa uuku o ke komite wae i koho ia no ka noonoo ana i ka haawina 15.00 no ka hana hou ana i na hale aupuni, e noi mai ana e hooholo loa, me na huaolelo e haawi ana i ka mana i ka luna o na hana hou e ninau aku i ka mea hiki ke hana ia hana, aia apono ia ka hana e ka luna o na hana hou, alaila, uku ia ke dala. Waiho ia a noonoo u me ka haawina no ia mea.
Heluhelu mua mai o Mr Pilipo he bila e hoomaopopo ana o ka pono koho balota o ke kanaka koho, he pono pili paa loa ia no ke kanaka. Waiho ia no ka heluhelu elua.
Hoolaha mai o Mr Kalaukoa he bila e hooponopono ai no hae o ke aupuni.
Hoolaha mai ka Loio Kuhina he rula hou ma kahi o ka rula 62 Hoo kahi ka hale.
Halawai hou ka Hale ma ka hora 1 P. M.
BILA HAAWINA.
Noonoo ia ka Bila Haawina imua o ke komite o ka Hale. Noho o Mr Kalaukoa ma ka noho lunahoomalu.
Dala Halemai (na loaa i manaoia)
Hooholoia  4,000
Uku o na luna helu aole oi aku i 5 pa k,
Hooholoia  14,000
Uku o na luna ohi, aole oi i ka 5 pa k,
Hooholoia  12,000
Aie Aupuni e uku ia ana,
Hooholoia  90,000
Uku panee o ka Aie Aupuni,
Hooholoia  87,000
Kela me keia lilo oihana waiwai,
Hooholoia  2,000
Uku kokua i na laina mokumahu o na aina e  20,000
Noi o Mr Birch e kapae.
Hooholoia e kapae.
Pani poho no ka Hotele Hawaii,  2,000
Noi o Mr Kauai e kapae.
Hooholoia e kapae.
Huikala ana i ke Kuhina Waiwai,  3,997.64
Noi o Mr Nakaleka e hoopanee iki a hoike mai ke komite wae e pili ana no keia haawina.
Hooholoia  3,997.64 no ka huikala ana i ke Kuhina Waiwai, no kekahi mau dala i lawe wale ai me ka ae ole ia. O ka poe i ae aku i keia hana a ke Kuhina Waiwai he 30, a he 10 wale no poe hoole, nolaila, ua huikala ia.
OIHANA LOIO KUHINA.
Loio Kuhina  10,000
Noi o Mr Kanealii  7,000
" Kauai  8,000
" Nakaleka  6,000
Hooholoia  8,000
Kana Kakauolelo  2,400
Noi o Mr Kanealii  1 ,800
Hooholoia   2,400
Uku o ka Ilamuku  6,000
Noi o Mr Nakaleka  5,000
" Kaina  7,000
" Kaai e hoopanee iki.
Hooholoia  6,000
Makai nui o Hawaii  4,000
Noi o Mr Nahaku e hana oia i ka hana a ka luna leta, a me kana kakauolelo ponoi no ka uku  4,000
Noi o Mr Kaneali  3,600
Mahope o ka hoopaap loihi ia ana ua hoopau ia ke komite me ka hai aku i ka Hale, ua hooholoia e like me ia maluna, ae Aponoia.  Hoopanee.
LA HANA 90.—Poalima Augate 18
Halawai ka Ahaolelo e like me ka mau.
Hoolaha mai o Mr Kanealii he hoololi no ka pauku 56 o ke Kumukanawai.
Heluhelu mai o Mr Preston he olelo hooholo e ninau ana i ke Kuhina Kalaiaina ina paha ua aie aku ke aupuni i kekahi mau dala no na pono alanui o Honolulu nei. Hooholoia.
Heluhelu mai o Mr Birch, he olelo hooholo, aole e lawe ia mai he mau bila kanawai mahope aku o ka la 21 o keia malama ke ole i hoolaha mua ia mai mamua oia la. Hoopanee loa ia.
Hoolaha mai o Mr Nahaku he bila e haawi ana i na aina o Kewalo a me Auwaiolimu no ke'lii ka Moi.
NA HANA O KA LA.
Heluhelu alua ia ka bila e kauoha ana ina e kuai ia na aina aupuni, alaila e kuai ia ma ke kudala. Waiho ia i ke komite wae, Gay, Preston, Halstead, Loio Kuhina, a me Kaai, na lala o ke komite.
Heluhelu akolu ia ka bila e hoopau ai i ka pauku 2 o ke kanawai e hawi ana i ka mana i na lunakanawai apana a hoomalu, e hookolokolo i na hihia no ka launa hewa a me ka hoowalewale e moekolohe ai. Hooholoia.
Hoomaha ka Hale.
Halawai hou ka Hale ma ka hora 1 P. M.
BILA HAAWINA.
Noonoo ia ka Bila Haawina imua o ke komite o ka Hale. Noho o Mr Naukana ma ka noho lunahoomalu.
Makai nui o Hawaii  4,000
Noi o Mr Nakaleka  3,000
Hooholoia  4,000
Makai nui o Maui  4,000
Noi o Mr Mahoe  3,000
Hooholoia  4,000
Makai nui o Kauia  2,500
Noi o Mr Kanealii  2,000
" Waterhouse  3,000
" Mahoe  2,400
Hooholoia  2,500
Kakauolelo a ka makai nui Hawaii  1,000
Noi o Mr Kanealii e kapae loa.
Hooholoia  1,000
Kakauolelo o ka makai nui o Maui  1,000
Noi o Mr Kanealii e kapae loa.
Hooholoia  1,000
Noi o Mr Kauai no ka uku kakauolelo makai nui o Kauai  1,000  Hooleia.
Noi o Mr Birch e hookomo ia i haawina no ke kakauolelo a ka Ilamuku 1,000 hoo
Uku o na makai o Hawaii  10,000
Noi o Mr Kalaukoa e haawi ia keia mau haawina 4 i kekahi komite wae, oia na makai o Hawaii, Maui, Oahu, a me na makai o Kauai.
Oiai e noonoo ia ana keia haawina, ua haiolelo loihi mai o Mr Preston, no ke kupono ole o na makai nui o na mokupuni e koho ia i mau luna helu, e like me kekahi makai nui o kekahi mokupuni ua koho ia i luna helu no keia makahiki, ma ke kanawai, aole kupono oia e uku ia no ia hana, oiai, ke uku ia nei oia no ka 2,000 dala kona uku makahiki. Aole hoi kupono ia ia ke koho aku i ka makai, a hele au e hooko i kana oihana luna helu, a nui aku kana mau olelo waiwai. Mahope o ka ninau ia ana, ua hooholo ia ka haawina mahope iho o ka hoike ana mai o ka Loio Kuhina i ka nui o na lilo no na makai o Hawaii penei: ka nui o na makai o Hawaii 23.
7 Makai  $25 no ka malama
1 "  20 " "
5 "  18 " "
2 "  15 " "
1 "  13 " "
2 "  12 " "
Lilo huikau 450.
Penei ka hoonohonoho ana:
1 Luna 7 makai no Hilo
1 " 1 " " Kohala Hema
1 " 2 " " " Akau
1 " 2 " " Kona A H.
1 " 1 " " Kau
1 " 1 " " Puna
1 " 1 " " Hamakua
Hooholoia  10,100 ka haawina.
Uku o na makai o Maui  9,024.
Noi o Mr Kalaukoa e hoike mai ka Loio Kuhina e like me ko Hawaii, Hooholoia.
Hoike mai ka Loio Kuhina penei:
1 Luna makai ma Makawao $25 malama
1 " " " Lahaina 30 "
1 " " " Molokai 30 "
4 " " kumau Lahaina 20 "
4 " " " Wailuku 15 "
2 " " " Makawao 15 "
1 Makai Halepaahao, Hana 15 "
1 " nui no Wailuku 100 "
Oiai noonoo ia ana ua hoopau ia ke komite, me ka hai aku o ka Hale ua noonoo ia ka Bila Haawina e like me ia i hoike ia maluna.  Hoopanee.
LA HANA—91 Poaono Augate 19.
Halawai ka Ahaolelo e like me ka mau.
Hoike mai Ka Mea Kiekie Ke Alii W. P. Leleiohoku, lunahoomalu o ke komite wae, i waiho ia aku ai na bila i pololei ole na olelo ma ka Hawaii a me ka haole, ua hooponopono lakou a ua hoopololei. Ma ke noi, ua hooholoia e kakau poepoe hou ai.
Hoike mai ka hapa uuku o ke komite o na buke helu i na lilo o ka Hale no ka wa i hala a koho mai e hookaawale hou ia i $4,000 no na lilo aku o ka manawa i koe. Waiho ia ma ka papa.
Heluhelu mua mai ka Loio Kuhina i kona rula hou no ka Hale.  Hooholoia me ka hoololi.
Waiho mai o Hon. S. K. Kaai he olelo hooholo, e malama ia ka la 18 o Ianuari, 1877 i la kula ia no keia lahui no ka hoomanao ana i ka puni ana o na makahiki he haneri o ka ike ia ana o Hawaii nei, mai ka wa i ike mua ia ai e Kapena Kuke a hiki ia manawa e koho ia ona komisina elima lala e ka Moi, a ma Honolulu e malama ia ai no ka manawa he hookahi malama ma ke kulanakauhale o Honolulu, a e hookaawale ia hoi i $15,000 no na lilo o ia hana nui. Waiho ia i ke komite wae nona na inoa: Birch, Green, Walker, Kaai, Aholo.
Heluhelu mua mai o Mr Kanealii i kana hoololi i ka pauku 56 o ke Kumukanawai, e hoomahuahua loa ana i ka uku o na lunamakaainana i $5.00 o ka la, aole hoi i $2.50 no ke kau Ahaolelo. Kue ia e ka noho keia hoololi.  Aponoia.
Waiho mai o Mr Nawahi he olelo hooholo e ninau ana i ke Kuhina o ko na aina e, ina paha he oiaio ua aua ia ka moku kaua Lakawana e ke aupuni e kali maanei, a ina he kaua, alaila e hoolele mai i kona mau koa mauka nei, a e huki i ka hae Amerika.
Wehewehe mai ke Kuhina o ko na aina e, mai kona wa i lilo ai i Kuhina, aole oia i kauoha iki i kekahi moku kaua ma ia ano.
Waiho mai o Mr Kaina he olelo hooholo, e hoolako ia mai na hoa o keia Hale me na poo leta elua keneta ma ka pa 50.  Hooholoia.
NA HANA O KA LA.
Heluhelu akolu ia ka hoololi i ka pauku 61 o ke Kumukanawai a hooholo ia.
Heluhelu alua ia ka bila e hoololi ana i ka pauku 56 o ke kivila. Waiho ia a hoike mai ke komite no ka olelo hooholo o keia ano.
Ma ke kapae ia ana o na rula, ua hoike mai ka hapa nui o ke komite o na buke helu e noi ana e hookaawale ia i $4,000 no na lilo o ka Ahaolelo o 1876.
Hoomaha ka Hale i ka hora 12 M.
LA HANA 92.—Poakahi Augate 21.
Halawai ka Ahaolelo e like me ka mau.
Heluhelu mai ke Kuhina Waiwai he olelo hooholo, e koho ia i komite wae no ka noonoo ana i palapala ae e kuai o kela ano keia ano. Hooholoia. Koho ia na lala o ke komite, Kuhina Waiwai, Preston, Loio Kuhina, Aholo, a me Kamauoha.
Heluhelu mai ka Loio Kuhina he olelo hooholo e koho ia i komite wae no ka noonoo ana i ka bila e kau ana i kekahi mau poho maluna o ka aina i hoopomaikai ia ma ka hoomoe ia ana o kekahi auwai a hawai paha. Hooholoia. Koho ia na lala o ke komite, Loio Kuhina Halemanu, Kanealii, Kaai, a me Gay.
NA HANA O KA LA.
Heluhelu alua ia ka bila e hoohui a e hoololi ai i ke kanawai no na mea hoike. Waiho ia oia ka hana o ka Poaha.
Hapai ia ka noonoo ana no ka olelo hooholo a Mr Aholo, e hookaawale ana i $4,000 no na lilo o ka Ahaolelo o 1876.
Noi o Hon Kaai e hoopanee ia ka olelo hooholo mua, a waiho mai la oia he olelo hooholo hou, $7,000 no na lilo o keia Ahaolelo o 1876, a i $3,240 mai loko mai o laila no ka hoolako ana aku i na hemahema o na hoa lunamakaainana he 27.
Oiai e hoopaapaa ia ana, ua hoomaha ka Hale ma ka hora 12, a halawai hou ma ka hora 1 P. M.
Mahope o ka hoopaapaa loihi ana, ua noi o Mr Preston, e hoopanee ia ka Ahaolelo a noho hou ma ka Poaono hope o ka malama o Aperila, A. D. 1877.
Ninau ia ka olelo hooholo a Hon. Kaai a hoole ia, he 25 ma ka hoole, a he 12 ma ka ae.
Ninau ia ka hoopanee i ka Ahaolelo e like me ke noi a Preston a hoole ia he 22 ma ka hoole, a he 17 ma ka ae.
Noi o Hon S mita e hooholoia ka olelo hooholo mua i $4,000 no na lilo hou o keia Ahaolelo. Oiai e hoopaapaa ia ana, ua Hoopanee ka Hale.
LA HANA 93—Poalua Augate 22
Halawai ka Ahaolelo e like me ka mau.
Hoike mai ka hapa nui o ke komite 13 i holo ai i Kalawao e nana i na mai lepera e noi mai ana. 1 E waiho ia ka haawina a noonoo pu me ka bila kanawai a ka luna o Hilo, e hookuu ana i na mai lepera e hoi i ko lakou wahi. 2 E wehe ia na mea a pau e lapaau i na mai lepera. 3 E hoonoho ia i Papa Ola ma na apana. 4 E uku ia kela me keia mea e lapaau ana i kekahi mai lepera a ola. 5 E hookuu ia na mai ikaika e hoi me ko lakou mau ohana, a o na mai nawaliwali ka ke aupuni e malama ai. Waiho ia ma ka papa a hoike mai ka hapa uuku o ke komite.
E nana ma ka Aoao ekolu.