Ka Lahui Hawaii, Volume I, Number 48, 25 November 1875 — Page 4

Page PDF (976.84 KB)

Na Ekalesia o Kawaiahao a me Kaumakapili.

Halawai kakahiaka, la Sabati .... hora 10½
Halawai po ..... hora 7½
Halawai Apana auina la ..... hora 3½
Kula Sabati ..... hora 9½

NA KULA SA BATI.
NA HAAWINA.
Dek. 12.—Iesu me Toma.—Ioane 20:24—31.

24 O kekahi o ka poe umikumamalua, o Toma, i kapaia o Didumo, aole ia me lakou, i ka wa i hele mai o Iesu.
25 I aku la keia poe haumana ia ia, Ua ike makou i ka Haku. I mai la oia ia lakou, "Ina e ike ole au i na puka o na kui ma kona mau lima, a e o i ko'u manamana lima ma ka puka o na kui, a e o hoi i ko'u lima ma kona aoao, aole loa au e manaoio.
26 A powalu ae la, maloko hou kana poe haumana, a o Toma kekahi me lakou. A ua paniia na puka, hele mai la o Iesu, a ku mai la iwaena, i mai la, Aloha oukou.
27 Alaila i mai la oia ia Toma, E o mai i kou manamana lima maanei, a e nana i ko'u mau lima, e o mai i kou lima, a e hou iho ma kuu aoao ; a mai noho a kanalua, aka, e manaoio.
28 Olelo aku la o Toma ia ia, i aku la, E ko'u Haku, a me ko'u Akua.
29 Olelo mai la o Iesu ia ia, e Toma, No kou ike maka ana mai ia'u, ua manaoio oe; pomaikai ka poe ike maka ole, a manaoio hoi.
30 A nui no hoi na hana mana e ae a Iesu i hana'i imua o kana poe haumana, aole i palapalaia iloko o keia buke.
31 Aka, ua palapalaia keia mau mea i manaoio ai oukou, o Iesu ka Mesia, ke Keiki a ke Akua ; a i ko oukou manaoio ana, i loaa'i ia oukou ke ola ma kona inoa.

———:o:———

P. 24. Ka manawa hea ka hui mua ana o Iesu me na haumana? p. 19. Owai ka haumana i koe ma ka halawai? Toma, owai kekahi inoa? Didumo, heaha ke ano, ka mahoe no ka olelo ana, he mahoe oia, ke kaikuwahine ona, o Lusia, ka lua o na mahoe. Aia la i hea oia, i hui ole ai oia me na haumana e ae? Aia paha i ka auwana mehameha ana, me ke kaumaha no ka nalo ana o Iesu, a me ka mihi paha no kona wiwo, a haalele iaia. Aia paha ma kekahi hana kino. Aia la i hea kekahi poe o oukou i ka manawa i hele ole ai i ka halawai, a i ke Kula Sabati? Heaha ka hope o ko Toma hui ole ma ia halawai mua? Haule kekahi mau olelo, a hana maikai a Iesu. Pauku 19—23. A haule kekahi halawai, kekahi Kula Sabati, a kula maoli ia oukou, heaha ka poino? Toma, mahea i kakau muaia'i oia? Mataio 19:3. Heaha kekahi mau hua wiwo ole ona? Ioane 11:16. Heaha hoi kekahi hoole naaupo ona? Ioane 14:5, Toma, Tamasi, like pu anei? He leo mele i kapaia mamuli o kona inoa, oia hoi St. Thomas. Hanalei ma ka Buke Himeni Hawaii.
P. 25. Heaha ko Toma hewa? Ma ka ike ana e manaoio ai oia, ua ala hou Iesu? Aole ka oia i paulele i ka ike maka ana o kela poe he nui. Owai hoi ia poe? Owai ka poe i keia wa i ano like me ko Toma? Ka poe i olelo, auhea ke Akua, Iesu, ka lani, ka luaahi, ka la hookolokolo? Aole makou i ike maka. Aia a ike maka, alaila manaoio makou. Naaupo ea? Ma ke aha kakou e ike ai ua make, ua ala hou, ua pii ae Iesu i ka lani? Ma ke aha oukou e ike ai, he kulanakauhale i kapaia o Wasinetona?
P. 26. Poawalu, la aha ia? Ka la mua paha ia o ko hebedoma, oia hoi ko kakou Sabati. Ma ka poawalu mua, heaha? Ma ka poawalu elua heaha? Ma ia akoakoa ana, owai pu kekahi me lakou? Pehea hoi na puka o ka hale? No ke aha i pani paa ia'i? Owai ka i ku iwaena o lakou? Mahea ko Iesu komo ana? Heaha kana olelo mua?
P. 27 Heaha ka Iesu olelo ia Toma?
Huhu anei? a hoahewa loa ia ia? Nawai i hai ia Iesu i ka Toma mau huaolelo? Lohe anei Iesu i ka kakou mau huaolelo a pau, ke pono, a ke hewa? Heaha ka Iesu mau olelo i ka kanalua a manao kapekepeke i keia wa? Ma ke aha kakou e ike ike ai i na puka o na kui ma ko Iesu mau lima, a me ka puka o ka ihe ma kona aoao?
P. 28, 29. Hooho Toma pehea? Ma ke aha i pau ai kona kanalua, a loaa ka manaoio? Ma ko Iesu hoopuka ana i ka Toma mau huaolelo, a ma ka ike maka hoi i ke aha? Pehea hoi Iesu i pane ai ia ia? Ka pomaikai, owai ke oi ana, ko ka poe ike maka anei? ko ka poe i manaoio ma ka lohe paha? Ma ke aha ka ike ia Iesu i keia wa? Heaha ka Toma oihana mahope iho? wahi a ka moolelo ekalesia, he misionari oia ma Asia uuku, a ma Peresia, a ma Hinedu, a make oia malaila.
P. 30, 31. I ka manawa hea ka Iesu hana ana i keia mau hana mana? Mamua anei, mahope paha o kona ala hou ana? Mamua paha kekahi ka nui, a mahope kekahi. He kino me ka iwi, me ka io anei ko Iesu mahope o kona ala hou ana? Ua kakauia keia mau hana, mau olelo a Iesu i mea aha? Ke manaoio nei anei oukou ia Iesu? a e loaa ana anei ke ola mau ia oukou? Ma ke aha?

Haina o na Buleta a J. E. Hart.

          Oiai, ua hiki ole i na koni malie mau ana a ko'u puuwai, ke kaohi iho i ka pane ana aku i ka haina pololei o na buleta a ka makamaka o ka oiwi ponoi Mr. J. E. Hart e uwe hele la iloko o na aa-lolo o ke poo o ke keiki lalawai o Poniuohua Mr. Hanakalani Home ; e like me ia i hoike ia ma ka Helu 34 o ka LAHUI HAWAII.
          Aole no wau i manaolana iki no ia mea, aka, no ka hoouluhua mau mai ia'u ma ko'u rumi paahana, a o ka hala wale ae no ia o ka hapaha okoa, aole wahi mea a pane iki ia mai. A manao ia mai paha e ka lehulehu, he mau buleta paakiki maoli keia, ka mea la ia i lolohi ai o ka hai ana i ka haina, ea, aole laua i launa lihi aku iloko o na mahina e oo ai, akahi no a kanu ia, e maopopo ai na hua ai paakiki o ke kau wi o ka hooilo.
          Bule ta 1.—Ua hemahema keia ninau, e haku hou e J. E. Hart e pono ai, no ka mea, wahi a ——— "Aia a like ka loa o kekahi aoao lalo o ua huina-kolu la o ke gula me ka huina o kekahi mau aoao elua," alaila e pololei auanei keia buleta a ka makamaka. E like ka pono me 25 iniha ka loa o kela aoao.
          Buleta 2.—-He 7914 mile ke kiekie mai ka honua nei ae a kahi o ka uhane lapu o Hanakalani e kau nei, nona ka ⅓ o ka honua i ike ia.
          I ratio like ai me na buleta a ka makamaka, nolaila, ke hoouna aku nei au i ka "Hunahuna Wailele o Waianuenue Fall" i hoa hookaau nou, no ka po Christmas e hiki mai ana.
          Ma kekahi ao kaalelewa o ka lani. ua ili iho kekahi kulu wai poepoe paakiki, nona ke ana-waena maopopo he 5 kapuai, a o kona kaumaha he 5 4/5 tausani paona, a hoohuli ia ae la ua ao la e kekahi kikiao makani nui ikaika, a haule iho la ua kuluwai poepoe paa la i ka honua; a o kona ikaika hookui (momenetu) i ka honua, ua pa elua i kona kaumaha ponoi, a kaa aku la ma kekahi laina pololei a kahi i waiho malie ai, a o kona ana-waena hou i keia manawa, he 1½ kapuai wale no ; a makemake iho la wau e hookaulike ia kona mau huina a pau ma ka ili o ka honua, a e kapili ia i pa ma kona mau aoao pololei, a e uku no wau i ka paahana i 33 ⅓ keneta no ka roda hookahi. Eia ka ninau:—Ehia ke kiekie mai ka honua ae a kahi o ua kulu wai la i kau ai? Ehia hoi ka nui o kuu lilo i ka uku ana i ka paahana?
          Ke hooki nei au me ka haawi aku i na hoomaikai ana nou, ma o na lani la.
Me ka Mahalo,
DANIELA KEAWEAIMOKU.
Hilo, Hawaii, Nov. 2, 1875.

Na ke Aupuni.

          NO KA haule ana o ka la 28 o Nov., i ka la Sabati, nolaila, ua hoopanee ia ka la Kulaia a i ka Poakahi, Nov. 29, a e pani ia na Hale Oihana Aupuni ma ia la.
          O KA Poaono, Dek., la 25, oia ka la Carisimaka, a e malama ia ia la i la Kulaia, a e pani ia na Hale Oihana Aupuni ma ia la.
          O KA Poaono, Ian., la 1, 1876, oia ka la hapenuia Makahiki Hou, a e malama ia i la Kulaia, a e pani ia na Hale Oihana Aupuni a pau.  W. L. MOEHONUA,
Kuhina Kalaiaina.
Keena Kalaiaina, Nov. 24, 1875.

MAKE.

No v. 12—Ma Pauoa. H. O. make o Lono k.
" 13—Ma ia wahi no, make o P kaukau k.
No v. 1, 1873, ma Kalawao, Molokai, make o Nunuha k.
No v. 2, ma ia wahi no make o Nakaula k.
4, ma ia wahi no make o Haliata w.
5 ma ia wahi no make o Kainuwai k.
6, ma ia wahi no make Mannini k.
6 ma ia wahi no make o Piipii w.
7 ma ia wahi no make o Kauluhiwa w.
8 ma ia wahi no make o Kel ikaala k.
9, ma ia wahi no make o Kokii k.
12, ma ia wahi no make o Kahinawe k.
14, ma ia wahi no make o Wahapaa k.
14 ma ia wahi no make o Naalu w.
17, ma ia wahi no make o Kepa k.
17 ma ia wahi no make o Kahoomalana w.
18, ma ia wahi no make o Pohakukihi w.
10, ma ia wahi no make o Kailiwalea w,
20, ma ia wahi no make o Paaniani k.
23, ma ia wahi no make o Kimo k.
24, ma ia wahi no make o Ai w.
25, ma ia wahi no make o Kealohi k.
25, ma ia wahi no make o Kanakaole k.
26, ma ia wahi no make o Kaaeae k.
28, ma ia wahi no make o Halula k.
Dek. 20, ma ia wahi no make o Akini k.
20, ma ia wahi no make o Miriama w.
20, ma ia wahi no make o Papa k.
23 ma ia wahi no make o Wiliams k.
24, ma ia wahi no make o Kaiakoili k.
26 ma ia wahi no make o W N Pualewa k.
27, ma ia wahi no make o Lae k.
27, ma ia wahi no make o Nana w.
30, ma ia wahi no make o Mahina k.
30, ma ia wahi no make o Kapapaholona k.
30, ma ia wahi no make o A. S. Nuuanu k.
Ian. 1, 1874, ma ia wahi no make o Kapaka w.
1, ma ia wahi no make o Kekaula w.
2, ma ia wahi no make o Kalili k.
3, ma ia wahi no make o Popaalaea w.
8, ma ia wahi no make o Pahukailua k.
9, ma ia wahi no make o Kuaiwa w.
10, ma ia wahi no make o Malei k.
10, ma ia wahi no make o H R Hoohila w.
12, ma ia wahi no make o Keliimahiai k.
13, ma ia wahi no make o Waha k.
14, ma ia wahi no make o Kapele k.
15, ma ia wahi no make o Kokookalani k.
20, ma ia wahi no make o Kaulalani w;
21, ma ia wahi no make o Napoka k.
21, ma ia wahi no make o Kapika w.
22, ma ia wahi no make o Naai w.
24, ma ia wahi no make o Kanoni w.
25, ma ia wahi no make o Moo k.
26, ma ia wahi no make o Kauapuni k.
28, ma ia wahi no make o Makakoa k.
29, ma ia wahi no make o Luala k.
30, ma ia wahi no make o Papue k.
Feb. 6, ma ia wahi no make o Maemae k.
7, ma ia wahi no make o Henry k.
8, ma ia wahi no make o Momona w.
14, ma ia waai no make o Kaluakini k.
14, ma ia wahi no make o Kanakaole k.
18, ma ia wahi no make o Kamai k.
18, ma ia wahi no make o Bila k.
19, ma ia wahi no make o Beni k.
28, ma ia wahi no make o Kaiwi k.
28, ma ia wahi no make o Ainiu w.

HE PAPA KUHIKUHI MANAWA HOLO
O KA
Mokuahi Hawaii
KILAUEA!
KAPENA MARCHANT!

Poakahi Nov 29.....hora 5 pm.....Hilo
Poakahi Dec 6.....hora 5 pm.....Kona
Poakahi Dec 13.....hora 5 pm.....Kaapuni ia Hawaii
Poakolu Dec 22.....hora 5 pm.....Kaapuni ia Kauai
Poakahi Dec 27.....hora 5 pm.....Hilo
I ka huakahi hoolele pipi ole a Kilauea i ka Maalaea, alaila, e hoaoia ana e hiki i Honolulu i ke ahiahi Poaono.
Ma na huakai a pau a Kilauea e hoi mai ai mai Hawaii mai, aole e haalele ana ia Kaalualu a hiki i ka hora 9 a. m. a mahope iho paha; Makena a hiki i ka hora 6 a. m. a mahope iho paha ; aole hoi ia Maalaea a hiki i ka hora 8 a. m. a mahope iho paha.
Uku Eemoku mai Honolulu aku
A hiki i Kaunakakai, a pela maluna mai.....$ 5 00
" Lahaina, " " ..... 6 00
" Maalaea, " " ..... 7 00
" Makena, " " ..... 8 00
" Mahukona, " " ..... 10 00
" Kawaihae, " " ..... 10 00
" Kailua, " " ..... 10 00
" Kaawaloa, " " ..... 10 00
" Hilo, " " ..... 12 50
" Kau, " " ..... 15 50
Uku kaapuni ia Hawaii,..... 22 00
A hiki i na awa o Kauai,..... 8 00
Uku kaapuni ia Kauai,..... 12 00
Uku ohua Hawaii oneki,..... 2 00
Aole aie no na uku ohua.
Ma ka Hale Oihana e loaa'i na palapala.
Aole keena o hope e lilo, aia wale no a kaa mua mai ka uku moku. Aole e ili ka hewa no na paiki, ukana a puolo paha, ke ole e kakauia ka loaa ana mai.
E hookaaia ka uku ukana i ka wa e noiia aku ai.
E hoaoia ana ka Mokuahi e hiki i Honolulu, ma ke ahiahi no o ka la e haalele ai ia Maui.
SAMUEL G. WILDER, (Waila),
A gena.
Keena ma ka Hale Kuai Papa o Waila ma, kihi o Alanui Papu a me Moiwahine.  696 3m 709

LEWE RS & DICKSON
(O LUI MA.)

MEA KUAI PAPA A LAKO KUKULU HALE o na ano a pau.
AIA MA KE
Alanui Papu a me Alanui Moi
E LOAA AI NA
Pani Puka,
Puka Aniani,
Olepelepe,
Laka,
Ami Liilii,
Ami Loloa, &c.
PENA o na ano a pau,
Aila Pena,
Vaniki, &c.
NA BALAKI me PUNA,
NA PEPA HALE me na LIPINE HALE.
O na mea a pau maluna ae, e kuai makepono loa.
14]   ia aku no ke DALA KUIKE.  [1y

WIL DER & Co.,
(WAILA MA.)

AIA MA KE KIHI O
ALANUI PAPU me MOIWAHINE!
Ua hoolako mau ia me ke kuai ana aku i na
Papa me na Lako Kukulu Hale
O NA ANO A PAU.
NA PANI PUKA!
PUKAANIANI,
OLEPELEPE,
LAKA,
AMI-LIILII,
AMI-LOLOA
PENA o na ano a pau,
AILA PENA,
VANIKI, &c.
Na Balaki Pena me Puna,
Na Pepa Hale me na Lipine Pepa.
Aniani, Paakai, &c.
O na mea a pau maluna ae e kuai makepono loa ia aku no ke DALA KUIKE  7-1y

Laau Ola, Laau Ola.
AIA MA KAHI O
DILLINGHAM & CO.

KA LAAU KAULANA A
BISHOP SOULE!
HE LAAU HAMO MAIKAI KEIA!
a ua kaulana iwaena o ka poe nana i hoao; he mea e ola'i
Ka Hui, Lumakeke, Kikala-hanee, Mau-i, O a me na mai o ia mau ano.
UA HOAO IA KEIA LAAU A UA MAHALO nui ia. "He umikumamalua makahiki o ka oopa ana o kekahi mea, a i keia laau ua ola koke." Wahi hoi a kekahi, "He laau waiwai loa keia no ka hikiwawe o kona hoola ana." wahi hoi a kekahi, "Ua pau ko'u hoomaloka, ua hoao au i na laau e ae a pau, aole i ola kuu LUMAKEKE, he nui na makahiki o kuu kaa ana i ka eha, a i nei laau ua ola au, ola loa." Eia hou ka kekahi, "He nui na makahiki o ka waiho ana o kuu wahine ma kahi moe me ka mai, ua lapaau ia aole ola, a i ko maua lohe ana i keia laau kaulana, ua hoao ia, a ua ola koke ia iloko o na pule eono." E hoao ka poe mai i keia laau kaulana. Aia ma ka Halekuai o DILLINGHAM & Co., oia hoi ka hale o Kaimana.

Laau Kaulana
A KAUKA SUCH!
He laau e ola'i ke KUNU, ka eha o ka PUU, me ka HANO me na eha a pau e pili ana i ke AKEMAMA. Aia ma kahi o Dillingham & Co., ma ka Halekuai o Kaimana.
7-1y