Ka Lahui Hawaii, Volume I, Number 46, 11 November 1875 — Heaha la ke Kumu? [ARTICLE]

Heaha la ke Kumu?

Heaha la ke kumu nui o ko kakon mau opio e lilo mau nei ika lalau ? He ninau keia na makou i noonoo kahiko, a he nui na haina. Aka,' aole makou i makaukan ano e kamailio loihi ma keia mea, ua kamailio mua no makou, a e kamailio hou ana no. He mea hiki ole ia makou ke umi iho i ka manao aloha a minamina i na manaolana ona maku.a~mea keiki; ka poe hoi i hooikaika e hapai a e ao aku i na pulapula oko lakou puhaka; a oiai e kau haaheo ana ko lakou mau manaolana maluna o ka lakou mau keiki aloha no na la e hiki mai ana, no ka lilo ana i koo no na la hapauea ; a i kumu hoi e hanohano ai ka inoa; aia hoi, na puni aku la i na hoowalewale ia, a haule aku la iloko o ka lna mimilo o ka hewa. Kau mai la ka hiiahila, a o ka liio no ia o ke kino i na hana lapuwale, a holoi ia ka inoa mai ke kulana kiekie a haule aku la i ke kulana hiaahaa o ka hilahila. Ua lehulehu wale na keiki kane opio o kakou nei, ua loaa ia lakou na kumu e pii aku ai ma ke ala pomaikai; aka, ua hoowaliawaha aku la, a keehi ma ka papahele haulehia wale o ke ala o ka hana hoopoino kino ame ka nhane. Alohawale! Aloha na koo oka lahui ame ke aupuni! f Ahea la e maliu mai. ;■ Nui loa na kaikamahine opio o kakou i kupono a i liamama hoi ke ala no lakou e lilo ai i mau hoola no ko lakpu lahui ; aka, he kakaikahi i apo ia pomaikai, a o ka hapa nui, ua puni 1 na hoowalewale a ka poe lapuwale, a halawai.mai la ka haumia me lakou, a lilo i mea hoohiLahila. Ua ike no i na uku e loaa mai ana ma ia mea, aka, ua pani ae la i na pepeiao, a hookuu i ka manao lealea o ka uhauha i ke kino e hele makapo ma na kikee pouli o Safana. Ke kaumaha nei makou, a ke pnle nei no lakou. E maliu ! E waiho i ka hana e lilo ai i mea lapuwale, a e apo i na hana o ka hanoliano a me ka pomaikai.