Ka Lahui Hawaii, Volume I, Number 35, 26 ʻAukake 1875 — He Oiaio! [ARTICLE]

He Oiaio!

E KA LAHUI HAWAII E; Aloha oe: He mea hilahila a ku no hoi i ka menemene ka hoomaopopo ana iho o kekahi makua mea keiki i ka hana a kekahi poe maloko nei o ko kakou kulanakauhale. Ua ike ia kekahi kanaka ilikeokeo, he kanaka i kaukai nui ia e ka lehulehu ma kona ano, ua hoohanohano ia ma na oihaua o ua aupuni e, a he makamaka hoi i manao ia ua komo ke aloha iloko ona no Hawaii nei; ua hele oia a hiki i ka hale o kekahi makua mea keiki a hoao aku la e hoowalewale e hoohaumia i ke kekahi kaikamahine opio. Ua minamina au no keia mea, no ka mea, ua haiia mai ia'u aole keia o ka makamua, aka, o kaua hana mau ia, a aole no hoi oia wale kai komo pu ma ia hana, aka, he lehulehu wale. Ua makaukau au e hai akea i koua inoa, aka, ke manao nei au he mea pono paha ia oe, ka makua wahaolelo wiwo ole o keia mau la, e ao mua aku, a i lohe ole mai, alaila e hoike ae i ka noa. He mea pono no hoi ke kau leo ana aku i na makua mea keiki e malama pono, a i hele aku ilaila no ia ano hookahi, alaila, e hookuke mai, a e hoike koke ae i ko lakou ano me na inoa, a e haawi aku i ka uku kupono no ka lakou mau hana haumia pepehi kanaka; aka, ina e puni na makua, alaila, e kauia ka inaina o ke kanawai maluna o lakou e pono ai. Mai hoolilo i ka inoa maemae o ke keiki i mea lapuwale mamuli o na pelo wale ana a keia poe daimonio. Mai puni i na makana manawalea, o Satana hoowalewale no ia. O keia mau mea, ua hiki ia'u ke hooia a me ka lehulehu wale aku, no ka mea o ko'u inoa o IKEMAKA. Honolulu, Aug. 24, 1873. Ma keia mau po, ke hoopiha ia nei kekahi mau paia uwapo o kakou me ka poe lawaia i na alalauwa, ke hoomaka hou mai nei ke ku ana o keia ano ia.