Ka Lahui Hawaii, Volume I, Number 26, 24 June 1875 — Mai Hookae. [ARTICLE]

Mai Hookae.

0 ka hookae, he hua no ia na ka hookano. Ke hookae ke kanaka i kona hoalanna, o kona hoohaahaa ana no ia iaia iho ma ka manao o ka poe maikai. Mai manao kekahi ua hana ia oia e ka Makua Mana a oi ae mamua o kon'i hoakanaka, no ka inea, he manao kuhihewa ia. Mai ikeaku oe i kou hoalauna e hana ana i ka hewa, a hoowahawaha aku me ka hookae, aka, e lalau aku i kona lima, e haawi aku i ka unui o ke aloha pumehana, e waiho aku i na huaolelo o ka welina nona, ft e hooikaika e hapai ae iaia a kau ina kapa o ke kio lepo, hookomo aku i na koni ana o ka a mai haalele iaia e hele makapo ma na aia kikeekee o keia ola ana. Mai manao oe e kela wahinp no ka maemae ana o kou kapa, ua oi ae oe niainua o keia wahine, aola Mai manao oe no kou ike ana ua hele aku la kela wahine i ka hewa, alaila, ua pau ae la kou kuleana ilaila, aole. He hoa wahine ia nou, E kii aku iaia, e haawi aku i ka hoike o ke aloha, mai kipaku aku, e apO mai, e haawi aku kou mau maka a me kou leo i ke aloha nona a mai ae iaia e hele hou ma ke ala o ka hewa. Pela hoi oe e kela kanaka. E hoolei i ka liookano a e haalele i ka hookae, alaila, e hooko ana lioi kakou i kekahi o na kunawai mua loa a ka mea nana kakou i liaha. C