Ka Lahui Hawaii, Volume I, Number 25, 17 June 1875 — Untitled [ARTICLE]

Ks noi aku nei makou ika oluolu ona makamaka kala mai, a mai nonohua kahi manao no ka puka ole aku oke kaao hou i hai ia ? ku ai ma na pole i hala. Ua paa no« ko makou manao e waiho aku imua o oukou i keia pule, aka, mamuli o kekahi kumunlia, ua hookaulua iki ia a keia pule akū; nolaila, e aho nui oukou, a mai mumule i keia noi a ko oukou pokii nei. Iloko o keia mau la,,e hoea mau mai ana na leta ia makou no na mea e pili ana i ka inu waiona o na luna aupuni e noho ana ma na kuaaina, a no k& pinapinai loa o ia mau leo, ua manao makou he oiaio ka lakou. Ua hamama mau ko makou mau kolamu me ka makaukau e kalai aku ma na ninau o keia ano, aka, mamuli o ka hoike. maoli mai o ka lehulehu e like me keia, ke manao neimakou he mea makehewa ke kamailio wale ana, a hookahi wale no hana i koe, oia ke kali aku ika manao maikai oka poe ia lakou ka mana o ka hoopau ana i na luna aupuni o ia ano. 0 na luna aupuni, he mau kiai lakou no 'ka maiuhia, he mau alakai no na makaainana malalo o ke kuhikuhi ana a na kanawai o ka aina ; a ina lakou e hooko j pololei ole ia mau mea, ina hoi e uhai me | ka uhauha wale anai na rulao kaoihana, alaila ke hoole nei makou, aole loa kuleana o ia poe ma ia mau kulana, a he mana ko ka lehulehu, no ko lakou pono iho, e waiho aku i ka leo noi imua o ka poe ia lakou ka hookele ana o ke aupuni, e hoopau aku, a e hoonoho i poe kupono ma ko lakou mau wahi oka makou ae la ia, me ka manao paa, ina e hooko ia, e pau ana na luna aupuni o keia ano 1 ka hoopau ia, a e loaa ia Hawaii ka maluhia ma ia inau wahi.

U a minamina nui makou i ka hoomaopopo ana, eia i keia mau la e hele nei, ke hoomaka hou mai nei ka pii nui ana o ka pepa piliwaiwai mawaena o kakou Hawaii nei. Ua ike no aua maopopo lea hoi i kela wahine opio hookahi a me kela mau kanaka opio no lakou na inoa a makou i hoolaha akea aku ai ma ka pepa o kela pule i na kina awahia o ia hana, ua maa ko lakou mau pepeiao i ka lohe ana no ka noho o ke kanaka ma ka hale paahao, ka ililuine, ka lilo i ka ona a nie ke konio poo iloko o na hana hoo]K>ino kino a uhane, aka, me ia maopopo no, ua inaneo aku la no ko lakou maulima, a hookuu aku la i ka manao māka{X) o ke diaba!o e kaualako i ko lakou mau noonoo kanaka, aloaa ka hopena oka hoopai ake kanawai. Pehea la ko lakou manao i keia la, aole auei i mihi no ko lakou puni ana mahope o na hoowalewale a keia hana ino? Ke manao nei makou ua kaumaha lakou no ia mea, a no lakou ko makou minamina. Aloha waie na makua a Hawaii e kaukai nēi no kona ulu hou ana, aole no paha i ana ka ono o na manao uhauha i ka nana'ku i ka lumilumi mai a ka waiona me ka opiuma, a ke hoomaamaa hou nei no ma ka piiiwaiwai. He mea makehewa no paha ka helu papa ana'ku i na ino, oiai, ua pinepine ko makou kamailio ana ma ia mea, hookahi no a makou i koe, o ka lana oka manao no ka naio loa'ku o keia mau inea, a me ka wiwo i ke kanawai, me ka hoomanao, na ka hewa no e hoike mai i kona mau kina.