Ka Lahui Hawaii, Volume I, Number 7, 11 February 1875 — Page 4
Na Ekalesia o Kawaiahao a me Kaumakapili.
Halawai kakahiaka, la Sabati .... hora 10½
Halawai po ..... hora 7½
Halawai Apana auina la ..... hora 3½
Kula Sabati ..... hora 9½
Hawaii kai a mau.
Leo— John Brown.
Hui lahui e Kamehameha e,
Hui lahui e Kamehameha e,
Hui lahui e Kamehameha e,
Hawaii kai a mau.
Nani, nani, haleluia,
Nani, nani, haleluia,
Nani, nani, haleluia,
Hawaii kai a mau.
Hoopau na kapu e Liholiho e,
Hoopau na kapu e Liholiho e,
Hoopau na kapu e Liholiho e,
Hawaii kai a mau.
Nani, nani, haleluia, & c.
Mahele aina e Kauikeaouli e,
Mahele aina e Kauikeaouli e,
Mahele aina e Kauikeaouli e,
Hawaii kai a mau.
Nani, nani, haleluia, &c.
Lani Lunalilo i kohoia e,
Lani Lunalilo i kohoia e,
Lani Lunalilo i kohoia e,
Hawaii kai a mau.
Nani, nani, haleluia, & c.
Ulu lahui e Kalakaua e,
Ulu lahui e Kalakaua e,
Ulu lahui e Kalakaua e,
Hawaii kai a mau.
Nani, nani, haleluia, &c.
NA KULA SABATI.
NA HAAWINA NO FEBERUARI.
Feb. 14—Ebala a me Gerizima. Iosua VIII: 30—35.
30 Alaila, hana iho la o Iosua i kuahu no Iehova, no ke Akua o ka Iseraela, ma ka mauna, ma Ebala.
31 E like me ka Mose, ke kauwa a Iehova i kauoha mai ai i na mamo a Iseraela, e like hoi me ka mea i palapala ia iloko o ka buke o ke kanawai o Mose: he kuahu pohaku i kalai ole ia; aole hoi i kau ia ka hao maluna iho i na mohaikuni ia Iehova, a kalua iho la i na mohaihoomalu.
32 Palapala hou iho la ia malaila, ma na pohaku, i ke kanawai o Mose, ana i palapala ai imua o ke alo o na mamo o Iseraela.
33 Ku mai la ka Iseraela a pau a me na lunakahiko, a me na'lii a me na lunakanawai o lakou, ma keia aoao a me kela aoao o ka pahu; imua o ke alo o na kahuna o na mamo a Levi, ka poe i lawe i ka pahu berita o Iehova, o ka malihini a me ke keikipapa: o kekahi poe ma ke alo o ka mauna o Gerizima, a o kekahi ma ke alo o ka mauna o Ebala, e like me ke kauoha mua ana mai a Mose, ke kauwa a Iehova, e hoomaikai lakou i kanaka o ka Iseraela.
34 A mahope iho, heluhelu iho la ia i ka olelo a pau o ke kanawai, o ka oomaikai ana a me ka hoino ana, e like me na mea a pau i palapala ia ma ka buke o ke kanawai.
35 Aole i koe kekahi o na olelo a pau, a Mose i kauoha mai ai: ua pau i ka heluheluia e Iosua, imua o ke anaina a pau o ka Iseraela, a me na wahine pu, a me na kamalii pu, a me na malihini, i hele pu me lakou.
——:o:——
Feb. 21 —Ka Hooilina o Kaleba. Iosua XIV: 6—15.
6 Alaila hele mai la ka poe mamo a Iuda io Iosua la ma Gilegala, a olelo ae la o Kalepa ke keiki a Iepuna no Keneze penei, Ua ike no oe i ka mea a Iehova i olelo mai ai ia Mose ke kauwa a ke Akua no'u a nou hoi ma Kadesabanea.
7 He kanaha makahiki ko'u i ka wa i hoouna ia mai ai au e Mose e ke kauwa a Iehova, mai Kadesabanea mai, e makaikai i ka aina: a hoike aku au e like me ia iloko o ko'u naau.
8 Aka, o ko'u poe hoahele, ka poe i pii pu me a'u, hoonawaliwali lakou i ka naau o kanaka; owau ka i hahai oiaio mamuli o Iehova o ko'u Akua.
9 Ua hoohiki, o Mose ia la, i ka i ana ae, He oiaio, o ka aina a kou wawae i hehi ai, nou no ia, a no ka poe mamo no hoi kekahi i hooilina mau loa, no ka mea, ua hahai oiaio oe mamuli o Iehova o ko'u Akua.
10 Ano, aia hoi, e like me kana olelo ua malama mai o Iehova i ko'u ola ana, i keia mau makahiki hookahi kanaha a me kumamalima mai ka wa a Iehova i olelo mai ai i keia mea ia Mose, a i auwana ai ka Iseraela ma ka waonahele; aia hoi, i keia la, elua o'u kanaha makahiki a me kumamalima.
11 A ua ikaika au i keia la, e like me au i ka la a Mose i hoouna mai ai ia'u: me ko'u ikaika ia manawa, pela ko'u ikaika i keia wa, no ke kaua, a no ka puka ana iwaho, a me ke komo ana iloko.
12 Ano, e haawi mai ia'u i keia mauna ka mea a Iehova i olelo mai ai i kela la; no ka mea, ua lohe oe ia la i ka noho ana ilaila o ka poe Anakima, a ua nui ko lakou mau kulanakauhale, a ua paa i ka pa; ina e kokua mai o Iehova ia'u, e kipaku auanei au ia lakou iwaho e like me ka olelo a Iehova.
13 Alaila, hoomaikai mai o Iosua iaia, a haawi mai ia Kaleba ke keiki a Iepuna ia Heberona i aina hooili nona.
14 No ia mea, ua lilo o Heberona i aina hooili no Kaleba ke keiki a Iepuna no Keneze a hiki i keia la, no ka mea, ua hahai oiaio oia mamuli o Iehova ke Akua o ka Iseraela.
15 O ka inoa o Heberona mamua, o Kiriatareba no ia; he kanaka nunui (o Are ba) no ka poe Anakima. A hoomaha iho la ka aina i ke kaua.
——:o:——
F e b. 28—Mahele ia ka aina. Ios. XVIII:1—10.
1 Ua hoakoakoaia ke anaina kanaka o ka poe mamo a Iseraela ma Silo, a malaila lakou i kukulu ai i ka hale lewa o ke anaina kanaka a ua pio ko ka aina, imua o lakou.
2 Ehiku ohana i koe iho o na mamo o ka Iseraela, aole i loaa ia lakou ko lakou aina hooili.
3 Olelo aku la o Iosua i na mamo a Iseraela, pehea la ka loihi o ko oukou molowa ana i ka hele e komo i ka aina a Iehova ke Akua o ko oukou poe kupuna i haawi mai ai ia oukou?
4 E haawi mai no waena o oukou i mau kanaka pakolu o keia ohana kela ohana, na'u lakou e hoouna aku; alaila, e hoi mai lakou i o'u nei.
5 A e mahele lakou ia mea i ehiku mokuna; a e noho o Iuda ma ko lakou wahi ma ka hema; a o ka hale o Iosepa e noho lakou ma ko lakou wahi ma ka akau.
6 A e kakau oukou i ka aina i ehiku mokuna, a e lawe mai ia mea ia'u, i haawi aku au ia oukou maanei ma ka hoailona i mua o Iehova ko kakou Akua.
7 No ka mea, aohe aina no ka Levi iwaena o oukou; o ka ohana kahuna na Iehova, oia kona aina hooili: a o ka Gada, a me ka Reubena a me ka ohana hapa a Manase, ua loaa ia lakou ko lakou aina hooili, ma kela kapa o Ioredane ma ka hikina, ka mea a Mose ke kauwa a Iehova i haawi aku ai no lakou.
8 Alaila, ku iluna na kanaka a hele aku la: a kauoha aku la o Iosua i ka poe hele e kakau i ka aina, i aku la, E hele poai i ka aina, a e kakau iho, a e hoi mai ia'u, i haawi aku au ia oukou ma ka hoailona imua o Iehova ma Silo nei.
9 A hele ua mau kanaka la a poai i ka aina, a kakau lakou ia mea ma na kulanakauhale, i ehiku aina iloko o ka buke; a hoi mai lakou i o Iosua la ma kahi i hoomoana ai ma Silo.
10 A hoailon iho la o Iosua no lakou imua o Iehova ma Silo; a malaila mahele ae la o Iosua i ka aina no ka poe mamo a Iseraela mamuli o ko lakou mau papa.
——:o:——
KA HAAWINA NO MARAKI.
Ma r. 7—Na Puuhonua. Iosua XX.
1 Olelo mai la o Iehova ia Iosua, i mai la,
2 E olelo aku oe i na mamo a Iseraela, e i aku, E hookaawale oukou i kekahi mau kulanakauhale, i puuhonua no oukou, me a'u i olelo aku ai ia oukou, ma ka lima o Mose;
3 I pee aku ilaila ka pepehi kanaka, ka mea nana i pepehi aku me ka manao ole, aole oia i ike: a no oukou keia mau wahi, i puuhonua, i pakele ai i ka mea hoopai koko.
4 Aia pee aku oia i kekahi o keia mau kulanakauhale, a e ku iluna oia ma ka ipuka o ua kulanakauhale la, a e olelo aku i na pepeiao o ka poe luna kahiko o ua kulanakauhale la i kona mea, e hoonoho lakou iaia ma ke kulanakauhale me lakou, a e haawi lakou iaia i wahi e noho ai oia me lakou.
5 A ina hahai ka mea hoopai koko iaia, aole lakou e haawi i ka mea pepehi kanaka i kona lima, no ka mea, ua pepehi oie i kona hoanoho me ka ike ole; aole inaina oia iaia mamua.
6 A e noho oia ma na kulanakauhale la, a hiki i ka wa o kona ku ana imua o ke anaina no ka hookolokolo ana, a hiki i ka wa o ka make ana o ke kahuna nui o ia mau la; alaila, e hoi ua kanaka pepehi la; e hele oia i kona kulanakauhale iho, a i ke kulanakauhale ana i haalele ai.
7 A hookapu iho la lakou ia Kedeza, ma Galilaia ma ka mauna o Napetali, a me Sekema ma ka mauna o Eparima, a me Kiriatareba, oia o Heberona ma ka mauna o Iuda.
8 A i kela kapa o Ioredane ma Ieriko, ma ka hikina, hookapu iho la lakou ia Bezera, ma ka waonahele ma ka papu, i ka aina o ka ohana a Reubena, a me Ramota, ma Gileada, ma Basana, i ka aina o ka ohana a Manase.
9 E lilo no keia mau kulanakauhale i puuhonua no na mamo a Iseraela a pau, a ka malihini e noho pu ana mawaena o lakou, i pee aku ai ilaila kela mea keia mea i pepehi kanaka me ka manao ole, i make ole oia i ka lima o ka mea hoopai koko a hiki i ka wa o kona ku ana imua o ke anainakanaka.
OLELO HOAKAKA.
I mea e kokua ai i ka hooholo mua ana o ko kakou nupepa KA LAHUI HAWAII, e haawi aku ana makou i ko makou poe Luna, he UMI KENETA no kela dala a me keia dala a lakou e hoihoi pono mai ai i keia Keena. A ma keia, ua maopopo ina he Luna ikaika a eleu ma kana hana e loaa ana iaia na dala maikai, mai ka umi a hiki i ke kanakolu! Ina he Luna ikaika loa nona na inoa o ka poe Lawe Pepa he tausani, he mea maopopo, e loaa no iaia he HOOKAHI HANERI DALA!
Eia kekahi, aole makou e makau ana i ka luhi i ka imi ana i na mea i ku i ka makemake o ka lehulehu, o ko na aina e a me ko ka home ponoi. E hooikaika ana makou e hoolilo i keia Nupepa iwahaolelo wiwo ole no ka pono kaulike o ka Lahui, a i koo no ke ku lanakila ana o ka makaainana Hawaii maluna o kona kahua ponoi o na malamalama. O ko makou ake nui, e lilo keia pepa i mea hoonanea a hoowalea, hoakaka a hoonaauao no ke ola. O ka lawe nui ia o ka Pepa kekahi mea e ko ai keia manaolana, no ka mea, pela e hiki ai ia makou ke hoonui aku i na lilo no ka hookiekie ana i kona mau ano maikai a pau, a e lilo ka Pepa i makepono loa no kahi DALA HOOKAHI wale no. Nolaila, e ikaika! A e lawe lokahi i ka LAHUI HAWAII.
OLELO HOOLAHA!
OWAU O KA MEA NANA KA WAHINE mare, aole loa wau e hookaa i kekahi aie, he ole wau e haawi aku i kekahi hooiaio, mai a'u aku. Owau iho no. D. L. NAONE.
Kawaiahao. 7-4ts*
G. WEST!
HALE HANA KAA HOLO LEALEA ME na kaa hali ukana. E hana hou ia no hoi na kaa nahaha no ka uku oluolu. E kapiliia na kapuai lio, no ka uku kupono. Ma ka hale hana mua o Mr. Benfield, ma ke Alanui Alii. 7-1y
WIL DER & CO.,
(WAILA MA.)
AIA MA KE KIHI O
ALANUI PAPU ME MOIWAHINE!
Ua hoolako mau ia me ke kuai ana aku i na
Papa me na Lako Kukulu Hale
O NA ANO A PAU.
NA PANI PUKA!
PUKAANIANI,
OLEPELEPE,
LAKA,
AMI-LIILII,
AMI-LOLOA.
PENA o na ano a pau,
AILA PENA,
VANIKI, &c.
Na Balaki Pena me Puna,
Na Pepa Hale me na Lipine Pepa.
Aniani, Paakai, &c.
O na mea a pau maluna ae e kuai makepono loa ia aku no ke DALA KUIKE. 7-1y
HE PAPA KUHIKUHI MANAWA HOLO
O KA
Mokuahi Hawaii
KILAUEA!
KAPENA MARCHANT!
Poakahi, Feb. 15 ..... 5 pm ..... No Hilo, me ke ku ana i Kaunakakai malalo aku nei a maluna mai.
Poakahi, Feb 22 ..... 5 pm ..... Kaapuni ia Hawaii
Poakahi, Mar 1 ..... 5 pm ..... No Hilo.
Poaha, Mar 11 ..... 5 pm ..... No Nawiliwili.
Poakahi, Mar 15 ..... 5 pm ..... Kaapuni ia Hawaii.
Poakahi, Mar 22 ..... 5 pm ..... No Hilo a me Kaunakakai malalo a maluna mai.
Poakahi, Mar 29 ..... 5 pm ..... Kaapuni ia Hawaii.
Ma keia hope aku, o na huakai a pau a Kilauea, e hoi mai ai mai Hawaii mai, aole e haalele ana ia Makena mamua ae o ka hora 7 A. M., aole hoi ia Kamaalaea a hiki i ka hora 9 A. M.
Uku Eemoku mai Honolulu aku
A hiki i Kaunakakai, a pela maluna mai ..... $5.00
" Lahaina, " " ..... 6.00
" Maalaea, " " ..... 7.00
" Mahukona, " " ..... 10.00
" Kawaihae, " " ..... 10.00
" Kailua, " " ..... 10.00
" Kaawaloa, " " ..... 10.00
" Hilo, " " ..... 12.50
" Kau, " " ..... 15.50
Uku kaapuni ia Hawaii, ..... 22.00
A hiki i na awa o Kauai, ..... 8.00
Uku kaapuni ia Kauai, ..... 12.00
Uku ohua Hawaii oneki, ..... 2.00
Aole aie no na uku ohua.
Ma ka Hale Oihana e loaa'i na palapala.
Aole keena o hope e lilo, aia wale no a kaa mua mai ka uku moku- Aole e ili ka hewa no na paiki, ukana a puolo paha, ke ole e kakauia ka loaa ana mai.
E hookaaia ka uku ukana i ka wa e noiia aku ai.
SAMUEL G. WILDER, (Waila),
A gena.
Keena ma ka Hale Kuai Papa o Waila ma, kihi o Alanui Papu a me Moiwahine. 683 3m 696
Laau Ola, Laau Ola.
AIA MA KAHI O
DILLINGHAM & CO.
KA LAAU KAULANA A
BISHOP SOULE!
HE LAAU HAMO MAIKAI KEIA!
a ua kaulana iwaena o ka poe nana i hoao; he mea e ola'i
Ka Hui, Lumakeke, Kikala-hanee, Mau-i, O
a me na mai o ia mau ano.
UA HOAO IA KEIA LAAU A UA MAHALO nui ia. "He umikumamalua makahiki o ka oopa ana o kekahi mea, a i keia laau ua ola koke." Wahi hoi a kekahi, "He laau waiwai loa keia no ka hikiwawe o kona hoola ana." Wahi hoi a kekahi, "Ua pau ko'u hoomaloka, ua hoao au i na laau e ae a pau, aole i ola ku LUMAKEKE, he nui na makahiki o kuu kaa ana i ka eha, a i nei laau ua ola au, ola loa." Eia hou ka kekahi, "He nui na makahiki o ka waiho ana o kuu wahine ma kahi moe me ka mai, ua lapaau ia aole ola, a i ko maua lohe ana i keia laau kaulana, ua hoao ia, a ua ola koke ia iloko o na pule eono." E hoao ka poe mai i keia laau kaulana. Aia ma ka Halekuai o DILLINGHAM & Co., oia hoi ka hale o Kaimana.
Laau Kaulana
A KAUKA SUCH!
He laau e ola'i ke KUNU, ka eha o ka PUU, me ka HANO me na eha a pau e pili ana i ke AKEMAMA. Aia ma kahi o Dillingham & Co., ma ka Halekuai o Kaimana.
7-1 y