Ka Lama Hawaii, Volume I, Number 6, 21 March 1834 — No ka pono io o ka ke Akua. [ARTICLE]

No ka pono io o ka ke Akua.

Auhea oukou ena hoaluhi e luhi nei i ka hana i na hana o ke kula? Ke hai mai nei ka palapala o ka naauao; a me ka pono, a me ka ikaika, oia na mea e loaa'i ka waiwai o ke kino, a me ka waiwai nui e pono ai ka uhane. Nolaila e huli kakou ia mau mea e hai nei ia kakou. Auhea oukou e na'lii, a me na kanaka a pau loa, e hoolohe mai; mai hookuli ka pepeiao; ke hai aku nei ka olelo a ke Akua, o ka pono a me ka naauao a me ka ikaika o ka manao. oia ka mea e loaa mai ai ka waiwai o ke kino a me ka Waiwai o ka uhane, oia ka waiwai nui loa, ua oi aku mamua o na waiwai e a pau loa. Nolaila hoi, e hooolanakila kakou i ke aupuni o lesu Krislo maluna o ka hewa; a me ka ilihune, a me ka naaupo, a me ka pouli i ;alo ke alo o ka make, e huli ae kakou malaila. O ka naaupo a me ka hewa, ka mea e loaa ole mai ai ka waiwai. Ao ka mea ua lohe kakou ia Parao ke alii o Aigupita kona hoolohe ole i ka olelo a Mose i olelo aku ai ia ia. Nolaila e huli kakou e like me ka Mose olelo ana aku ia Parao, a me ka na kumu e ao mai nei ia kakou. E imi pu kakou e na'lii i ka pono o ke aupuni, a me ke aupuni o ke Akua nui o ka lani, o hoole mai auanei ke Akua ia kakou, a pau kakou i ka make maloko o ka hewa. E aloha aku i ke Akua me ka naau a pau, a me ka manao a pau e like me kana olelo ia Mataio. Eia kekahi, no ka hewa i kaua mai nei ka makuakane o Maria me la, aia i Potugala. Mai hana hewa hou, o kaua auanei kakou me ka make mau loa i ke ahi pio ole oia ka pahi kaua nui a ke Akua, oia no hoi kana pu u me kana o.