Ka Lama Hawaii, Volume I, Number 6, 21 March 1834 — No na hale a ka poe kahiko loa ma Asia. [ARTICLE]

No na hale a ka poe kahiko loa ma Asia.

I ka wa kahiko loa, aole i ike na kanaka i kela hana i keia hana, aole hoi i hiki ia lakou ke kukulu hale a maikai. Nolaila, noho no lakou me ka hale ole. A i ka wa ua, a i ka wa wela paha, komo no malalo o na laau nui; a malalo paha o na pohaku i oi ma ka pali, a ma na ana kekahi. A ua maikai no kekahi o ia noho ana Ke noho nei no i keia manawa na kanaka ma Mauna Tauro ma na ana. a ua oi loa aku no ke anu o ia wahi mamua o ke anu o Palesetina; a pela no ka poe kahuhipa ma Arabia pohaku, ma na ana kekahi, ma kahi nahaha o na pohaku kekahi, a ma ka malu o ka laau kekahi. Nui wale na ana ma na aina o Asia, a he mau ana nui kekahi a maloo. He mau wahi maikai no, ke noho. I ka hooilo ua mahana, i ka makalii ua oluolu. A mahope mai, i ka wa i noho ka nui o na kanaka ma na hale, nui ka makemake o kekahi poe i na ana. A mahope loa mai, lilo no na ana i ka poe powa a me ka poe hiki ole ke noho pu me ka poe pono. O ka poe i noho ai ma na ana a me na Mauna, a ua hoikeia mai no hoi ma ka Olelo kahiko a ke Akua, ua kapaia lakou ka poe Hora. 1. Mauna Seira kekaki. Noho nui lakou ma na mauna o Seira; a noho kekahi ma Parana ma Arabia pohaku. Kin. 14: 6. Kanl. ' 2:12, 21. Kin. 36: 20-30. 2. O ka poe Kapaima. Ma na ana noho ai kekahi poe, a ma na kulanakauhale i paa i ka pa kekahi Kanl. 2; 11, 12. 3. O ka poe Anaka kekahi. Kanl. 1; 28, a 10; 9. A inahope mai, kokoke pau ka noho ana o na kanaka ma na aua, ua lilo ia poe ana i wahi waiho ai ke kupapau. I ka manawa i hoomaauia

mai, a i ka wa kaua hoi, komo no ka poe powa, a i ole ia, pee aku no ka poe i hee i ke kaua malaila a pakele. los-. 10; 16.