Ka Lama Hawaii, Volume I, Number 6, 21 March 1834 — NO KA ELEKA. [ARTICLE+ILLUSTRATION]

NO KA ELEKA.

Ua like kekahi ano o ka Eleka me ko ka dia. Ua nui na ano o na dia, okoa kahi, okoa kahi. O ka Eleka ka mea nui loa o na dia a pau. Ua kiekie a ua loloa ke kino, pokole ko ka lio. He ano e ka helehelena o ka Eleka. No ka loihi loa o kona mau wawae, ua like ia me ka mea e hele ana ma ke kukuluaeo, ua pokole kona huelo, ua manoanoa ka ai, a ua like ka loa me ka loa o ke poo. Ua loihi loa kona lehelehe luna, a ua palahalaha, ua lewa loa ilalo. He nui loa kona mau pepeiaohao, a ua manamana loa me he lima la. Ua ahinahina eleele ka Eleka, ua loloa kona huluhulu, a ma ka ai ua loihi loa, a ua paa pu, a ua oolea.

He ilio kolohe ole ka Eleka, aole huhu iki He ilio nui no, aka, no kona makau wale, e holo no ia, ke ike mai ke kanaka, a he ilio uuku paha. Ma na ululaau ma Amerika akau kahi i ike nui ia ka Eleka, ua ikea no hoi ma ka akau o Europa. O na lalalaau, a me ka nahelehele a me ka mauu, a me na mea uliuli, oia no kana mea ai. O kona lehelehe nui ka mea e lawelawe ai, a no ka loihi o kona mau wawae, e hiki no ia e lalau i ka ai, ma kahi kiekie. Ina elua anana, hiki no. He mea lokomaikai, a he mea kolohe ole, ka Eleka, aka, ina i hoopaaia, aole oluolu. Ina i hoolakaia i ka manawa opiopio, e hiki wawae no ke ao aku ia ia e hahai i kona kahu; a e hoolohe no i ka leo o ke kahu; aka,

ina i kauia ka mea hana maluna ona. alaila, lele oia, a imi ino, a paupauaho koke, nolaila aole i hoohanaia ka Eleka. Aole he mea waiwai ka Eleka, ma kana hana ana, aka, he mea waiwai no kona kino keloaa. Oia kekahi mea i ai nui ia e na Inikini, a me na kanaka hele ma kahi loihi iloko o ka ululaau. He mea ono loa kona io; a he maikai kona ili, i mea kamaa, a oia hoi ka waa e holo ai kekahi poe Inikini. He mea waiwai kona pepeiaohao, i mea ao pahi, a i mea puna, a me na mea e. Ua manamana loa na pepeiaohao o ka Eleka, a me ko ka Eleka kane, ua nui loa. I kaupaunaia, he kanaono pauna ke kaumaha o kekahi. E hemo wale no kona mau pepeiao hao i kela makahiki, i keia nakahiki, i k

malama o Novemaba, a i ka ulu hou ana, mahuahua ko laua nui a me ke kaumaha. I ka holo ana o ka Eleka maloko o ka ululaau, iluna no ka ihu, alaila, moe na pepeiao ao ihope, a hihia ole i na lalalaau. Aka, ina he wahi pilikia, aole ia e pakele. I kekahi manawa, hihia no kona mau mea manamana loa, i na lala laau, a i ka laau waina paha, a paa loa ia, aole hemo, a loaa koke no i ke kanaka ilaila.