Ka Lama Hawaii, Volume I, Number 3, 28 Pepeluali 1834 — He Olelo Hooikuika. [ARTICLE]

He Olelo Hooikaika.

Auliea oukou, e ka poēee lohe mai nei i ka makou hana ma keia kulanakauhale. Ke hai aku nei makou i kekahi a makou i ike ai i ka pono a i ka maikai o keia mau oihana a makou e hana nei. Ke ae aku nei au i ka pono o keia hana a'u i ike ai. Ina paha e noho pono kakou e like me keia palapala la a'u i ike ai a i lohe ai no noi, ina paha ua pono. E hoolohe mai oukou, e ka poe a pau aina, i ka hana a kakou i makemake nui ai a i imi nui ai no hoi, e huli pu mai kakou i ka mea e paa ai keia pono. Eia ka pono a keia hana a kakou i ike ai. O ka imi i ka mea maopopo ai ka pono a me ka maikai. I ka wa a makou i noho ai me ka naaupo, aole i hoike ia mai ke ola. Ke hai aku nei makou ia oukou. e ka poe e hana mai nei i na hana ino; ke olelo aku nei makou ma keia mau palapala a makou e hai aku nei, e haalele kakou i keia mau hana ino. Ke manao nei makou e noho kakou a pau ma ka noho maikai. Aloha wale kakoua pau ke haalele aku i ka mea pono i haawiia mai ai no ko kakou mau uhane. A pehea la kakou e hoopakele ia mai ai, ke paa i ko kakou mau lima ka hana ino no ka make? Ke ike nei makou i ka pono o keia mau oihana, maloko o keia Kulanui. Ua ana ia ka loa, ka poko, ka huina, ka loihi, ka laula, na poo a me ka oi. Aole anei e pono keia mau oihana ke noho kakou malaila? Aole kakou i ike i ke ano, mai ko kakou poe mai; aole. Eia ka wa pono i ikeia mai: i keia wa hou i ikeia ka pono. A pehea la kakou e hana nei me ka uhauha, a me ka hana ino? Eia makou, ke hana nei i ka mea a kakou i ike ai. Ke manao nei makou e hoomahui like kakou i keia pono, a paa ia kakou keia pono, alaila, @o kakou i poe ike.

Auhea oukou, e ka poe e paa nei ma keia palapala e hoohikilele mai kakou i keia mea a paa, a e hoomahui mai kakou i keia mau mea e pono ai. No ka pono ke Kulanui Ina aole i kukulu ia ka hale kulanui ma kekahi aina, he kakaikahi ka pōe naauao ma ia aina. Eia na mea i maopopo loa'i ka pono. Ma ka hale kulanui i ao ai ka poe Holo moku, a me ka poe kamana, a me ka poe amara, a ine ka poe kahuna lapaau, a me ka poe kauna pule. Oia hoi ka poe e pomaikai ai kela aina naaupo, keia aina naaupo. Na ka. poe kahuna pule e hai mai ka pono o ke kino, a me ke ola oka uhane. Na lakou no e hoike mai i ka inoa o lehova ke Akua maoli, a me ke kala hala. Na lakou lio e ao mai i ka palapala, a me na mea a pau e pono ai keia noho ana a me kela noho ana aku i ke aupuni o lesu. Oia na mea i manao ia'i he pono ke hookumu ia ka hale kulanui ma kela aina ma keia aina, aia nae i ke kokua ia e ke Akua, alaila, pomaikai io no.

No ka hewa mua, a me ka loaa ana ka pono. Ua hana mai ke Akua i ke kanaka he maikai, he pono, ma ko ke Akua, ano kona maikai a hemolele. Aka, ua hewa oia ma kona hookuli ana. Heaha kona mea i hookuli ai? Aole nana, na kana wahine no i hoowalewale mai ia ia. No laila i hewa ai laua. Mahea la i komo mai ai ka hewa i ke ao ne? Ma owai la la ? Ma ua kanaka hookahi la anei? Ae; nona mai ka hewa. Eia ka hewa mua: O ke kuko o ka naau 1 ka mea i hookapu ia. Nolaila, komo mai ka hewa iloko o ke ao iiei he nui loa. A pepehi kanaka ko laua hua mua. nolaila, ua piha loa ka honua i ka hewa. Pehea kakou? E imi kakou i Akua no kakou. Owai auanei?

Eia; ua lohe au; ua haiia mai e ka poe kaula kahiko ke Akua. 0wai ke Akua? 0 Iehova, o Iesu Kristo, o ka Uhane Hemolele Pehea ia e akua ai no kakou? Eia ua lohe au; ua haiia mai e na misionari. E pule i ke Akua me ka oiaio; e mihi me ke ku pono o ka manao i ke Akua. Mai hoi hope i ka manao; mai kanalua, mai kuihe, mai molowa, mai palaka; ina pela kakou e like me ka palapala Hemolele, "O ka mea e Hoomanawanui a hiki i ka hopena, e ola ia. Mat. !0—22.