Ka Lama Hawaii, Volume I, Number 2, 21 February 1834 — Kaua ma Potugala. [ARTICLE]

Kaua ma Potugala.

I ka makahiki o ka Haku 1807 kaua aku la o Bonepate i ke alii 0 Potugala, a hee ia aina ia ia. Alaila holo malu ke alii a me kona poe hoahanau a me na kanaka a pau i piii ia lakou, a Berezila, ma Amerika Hema. Ua lilo mua o Berezila i ke alii o Potugala. A i ka wa i pio ai o Bonepate, alaila hoihoiia ka aina o Potugala i ke alii kahiko ia Pedero. Aole nae ia i hoi aku, noho paa loa no ia ma Berezila; a haawi iho la ia, i ke aupuni i kana kaikamahine uuku ia Maria. A hoonoho iho la o Pedero i kekahi hoahanau ona ia Migaila i kahu no kana kaikamahine, a nana i malama i ke aupuni i kona wa uuku. Noho no O Migaila a malama no i ke aupuni. a malama no hoi i ke kaikamahine a ke alii. A hiki i ka manawa i oo ai ua kaika mahine nei, aua kona kahu, o Miguila aole i haawi i ke aupuni ia ia. Nolaila, kaua iho la lakou, a hee o Maria. Ao le nae i make; holo no i ka aina e a pakele. A lohe kona makuakane o Pedero, aloha iho la ia i kana kaikamahine; a kauoha ae la ia i kona aupuni hou ma Berezila, na kekahi keiki kane ana, a hoi hou aku la ia i Europa, e kokua mamuli o kana kaikamahiine. Aole ia i holo pololei i Potuga la; holo oia a pae ma kekahi aiii; nia Europa, a o ka poe a pau aloha aku ia ia, a me kana kaikamahine, hele mai la lakou i ona la. A i ka wa i nui ai kona poe koa he 10,000 paha a keu, alaila holo nui lakou a pae ma Oporeto, kekahi kulanakauhale nui ma Potugala. Hoomakaukau koke iho la

o Pedero i na papu a nui loa. Hele no o Miguila a me kona poe koa e kaua aku, a ku paa no o Pedero ma aole i hee. Ma ka moana kekahi kaua ana o lakou, aole nae i hee kekahi.ao!e i hee kekahi. Aneane like ko lakou ikaika, nolaila loihi ke kaua ana I ka wa i holo mai ai na moku. e kaua ana no. A lohe hou kakou. alaila, maopopo paha ka hope o ia kaua ana Auwe hoi ka honua nei, no ka nui o ke koko i hookahe wale ia i ke kaua ana. Ahea Ia e hoolohe ai na kanaka a me na 'lii i ka olelo a ka Haku, a e aloha i kekahi i kekahi! E Iesu e, o kou aupuni ke hiki mai, i malu na aina malalo iho o kou kanawai maikai. KULANUI Hudesona, Ohio. ma Amerika huipuia. [Ua laweia ka glelo malalo nei mai loko ae o ka palapala i kakauai e na haumana o ua Kulanui la, na na haumana o ke Kulanui o Hawaii nei Hudesona Ohio, Feb. 1833. "Auhea oe e Aneru, Eia ko makou manao i kau poe haumana; i hui pu lakou 1 keia manawa. (aole paha lakou i hui pu mamua.) i aha ao misioinari, me ka makemake e ao i ke ano o ka ka poe misionari hana ana i kela aina keia aina, a e hoolaha hoi ia ike i mea e pono ai lakou iho a me na kanaka e ao. E ikea mai i kela ao mahope aku nei wale no ka pono i loaa ai ma ka hui like ana. I ka hui like ana, kupu mai no ka manao ikaika loa a hoomaha ole maloko o ka naau o kekahi poe kanaka, e lilo i poe misionari, a i keia manawa, ke hoohuli nei lakou i na kanaka he nui

loa, mai ka aoao naaupo mai a i ka malamalama o ka olelo maikai. Ina e loaa ia makou ka palapala i na kekahi o kau poe haumana mai, a na kekahi oka poe misionari mai paha,ina, ua olioli ko makou naau, a e palapala hou aku makou ke makemake mai oukou pela." Na makou no Na S. H. Whittlesey i kakau. No ka Pono kahiko a me ka pono hou. He pono no hoi ka wa kahiko, a he hewa no hoi. a he pono no hoi ka wa hou, a he hewa no hoi. Eia na hewa o ka wa kahiko; o ka naaupo, aole ike i ka wahahee o ko lakou akua. He lehulehu ko lakou akua He moe papalua ka wahine i ke kane. papakolu papaha, papalima. Pela no ke kane i ka wahine. O ka hula kekahi, o ka pili kekahi, o ka pa puhene, o ke kilu, o ka pahee a me na hana lealea e aku no he nui loa. O ka moe kolohe. oia ka mea nui i pili i keia niau hana lealea a pau. Eia ka maikai o ka wa hou; he ike i ka palapala, a me ka heluhe- • lu, a me ka palapala lima, a me ka nana i na oleloa ke Akua, i kela palapala i keia palapala a naauao loa. He hewa hou no hoi kek:ihi: o ka rama. o ka paka, oia na hewa hou, ua make kekahi poe kanaka ma ia mau hewa. Eia ka pono nui loa o ka manawa hou, o ke aloha ana mai o ke Akua, a hoouna mai i kona poe haipule. Na lakou no i hai mai ka inoa o ke Akua nui o ka lani; hai mai lakou penei; Aia ke Akua i ka lani. o lehova, o Iesu Kristo, o ka Uhane hemolele. Oiaio no, he Akua oiaio ka lakou i hai mai nei.