Ka Lanakila, Volume I, Number 14, 14 ʻOkakopa 1909 — KA MEA KIEKIE KE Keikialii Hesisina=hesi=no AME Ka Nunui Ahelamisana Ka Lawakua Noho Mauna o na Puu Pualu AME NA AWAWA KINIKINI O ANETE [ARTICLE]

KA MEA KIEKIE KE Keikialii Hesisina=hesi=no AME Ka Nunui Ahelamisana

Ka Lawakua Noho Mauna o na Puu Pualu AME NA AWAWA KINIKINI O ANETE

He Moolelo Pategonia no ke Keneturia Umi-kumamalua o ka A. D

(Kakauia e Puuwai-mae'ma'e) MOKUNA IV Hooko ke Keikialii Hesisina-hesi-no I NA Kauoha a kona Kahuhanai, Mamiona. Lana loa mai la ko Hesisina-hesi-no manao no ka loaa iaia o ka lanakila mamuli o kona ike maka ana i keia mau hana aiwaiwa a kana mau kauwa hoolohe, a ike pu iho 4a no hoi ia aohe mau enemi e lanakila maluna ona ina he mau hoouka kaua hahana ke hooili ia mahope aku o ia manawa me ia hookahi ma kekahi aoao. I ka pau ana ae o keia mau uluaoa weliweli a nalo aku la kana mau kauwa hooko kauoha no ko ko lakou horme pahaohao i ka maka o ke kui pine, ua lalelale ae la keia no kona nee hou ana aku no mua, paa ae la oia i kana pahikaua ma kekahi lima, a o kana wahi ekeeke kupanaha nohoi ma kekahi lima. Maanei e huli ae ai kaua e ka makamaka helu helu a nana aku i ka hana a na poe nunui i ko lakou wa i lohe ai i ke kani u-i-na kohu hekili a me ka leo uwe wi o ka moo, a e hookuu malie aku kakou ia Hesisini-hesi-no e ku ana me ka makaukau nui ma ka ipuka komo o ke anahuna o na poe pilikua. Ua uwo leo nui ap la ua poe'pilikua nei me ko lakou manao kuhihewa, aohe eu, aohe kupua ikaika e lanakila maluna o ke kupua moo kua wakawaka, oiai he nui wale na poe kapua mana a piha ikaika i hoonahoa aku imua o ua kiai la, aka, ua pau loa lakou apau i ka ulupa ia me ka loaa ole o kekahi wahi ahai lono. Mahope iho o ko lakou hooho ana me na leo hauoli he nui, ua hele mai la lakou no ka makaikai ana i ua hueu nei a lakou, me ko lakou haupu ole

ae ua lilo ua moo la i luahi na ka opio Hesisina-hesi-no, ua kaawale kona poo mai kona apahu kino aku no ka wa mau loa. I ko lakou koJcoke ana mai ma ka waha o ke ana lohe ae la lakou i ka halulu o kekahi mea mawaho mai e hahau ana i ke pani pohaku, a na ia mea i hoonaueue ae i na paia pali pohaku o ka h©~ me o ua poe nunui la elike me ka hooni ana a ke ola'i, a he u-i-na ana waiho ana ua pani puka la ilalo. He mea oiaio, eia o Hesisina-hesi-no ke hoohana nei i kana pahikaua punahele me na olona wikani o Kona mau lima, a 1 ka lua no o kana hahau aua, ua weluwelu liilii ae la ke pani pohaku o ua ana la } a ikeia aku la na poe nunui e holo mai ana me ka mama nui me na leo hooho o ka inaina e puia ana i ka lewa: ' f E pepehi i ke kipi! pepehi i ke kipi 5! E anai aku iaia mai ka honua aku. ,J I ka wa i leleHiilii aku ai ke pani puka me kona mau apanapana, ua hoomaka mai la na paia o ua ana !a e hiolo, o kekahi maluna o ke poo o ua koa opio nei, a oia kana i koo ae ai me kana pahikaua. He kulana kupilikii hou no keia i halawai mai la me ua keikialii opio nei, aka, aole oia i hopohopo ae no keia mau popilikia, oiai aole i ku nana wale mai no kana mau kauwa hoolohe iaia, aia hoi iloko o ka imo ana a ka maka ua kikoo mai la o Dasona i kona haku a hapai aku la ma kahi kaawale, a ia wa no i hoowa ia ae ai ka honua ma kahi i haule iho ai o ka pali pohaku, a lilo ihb la ia wahi o ka honua i lua meki hohonu i uhiia me ka pouli aaki. Oiai hoi na nunui e holo paukiki mai ana no kahi a Hesisina-hesi-no e ku aku ana, ua ike pono aku la ka kakou koa i ua poe pilikua la me ko lakou mau kino ku i ka hoomaka'uka'u, o kona wa no ia i oni pono iho ai kona kulana me ke keekeehi paa ana o kona mau kapuai wawae i ka ili honua. No ia mea, ua kahea aku la oia i na kiai naue ole o loko o ka onohi o kona komo ame ke pine omau, a kauoha aku la i kela puali nui hewahewa e hiki mai lakou no ka ulupa ana i na poe nunui mai ka papalina aku o ka honua. I ka lohe ana o ua poe Feare la i ka manao o ko lakou* haku, ua pane like mai la lakou me ka leo hookahi: "E ko makou haku, he hana paakiki loa na makou ka hooko ana aku ia kauoha au, oiai ua kau ia he kanawai paa no makou aole loa e hiki ia makou ke hakaka me na kino maoli elike me kou.

a ina makou e hana ana pela, alaila, e nele ana makou i ka mana, aole o makou wahi lihi kuleana iki ia mea, a e oki pij ia no hoi makou a kaawale mai ia oe mai. Eia ka mea i palapalaia e na kaula kahiko, Aole ke koko ame ka uhane pu e paio i kekahi a me kekahi, aka, o ke koko ame ke koko wale no e pono ai, a pela nohoi ka uhane ame ka uhane. O ka makou wale no e ao ikaika aku nei ia oe, E ikaika oe, a e koa hoi. Oiai, ma ou wale ala no i waihoia mai ai keia hana nui, a ma kahi hunahuna uuku hiki ia makou ke kokua aku ia oe, oia wale no kahi hana hiki ia makou ke lawelawe aku. Ia a lakou e kamailio anā, ua loheia aku Ia ka haluku mai o loko o ua ana la i na kapuai wawae lehulei.u, a oili ana ua poe nunui la me ka lakou mau mea kaua o na ano like ole. XJa lele like mai la ua poe nunui la me ka )akou mau laau ihe maluna o ua kanaka opio nei, a oiaJta wa a ua o Hesisina-hesi-no i palepale limakahi mai ai me kana pahikaua kupua i ua mau elele ala o ka- make ? a e like me ka makani puahiohio e kiola ana i ka opala i o a ianei, pelā iho la ka puehu liilii ana o na laau ihe a ua poe nunui la imua o ka pahikaua a Mamiona. J ka hala ana ae o keia puu make a ua poe nunui la, ua hoopiha loa ia ae la lakou me ke kuaki nui a lele mai la e lalau lima maoli ia Hesisina-hesi-no, aka, mamuli o ka mana o ka pahikaua, ua niniu koke ae la kona mau lima me he wili ana 3a na kekahi ane-makani, a elike me ka hina ana o ka huita imua o ka pahi kakiwi a ka mea oki, pela iho la ka lele kauliilii ana o na apanapana pauku kino o ua poe pilikua nei i na hauna pahi niniu poahi a ua opio la. Eia o Hesisina-hesi-no ke lele nei ma o a maanei me ka mama lua ole, me~ ka hili pu ana hoi i kana pahikaua maluna o kona mau enemi, ama kahi ana e hoomoe ai i ua kupueu la, ua waiho a lala kukui aku la ka mak-e maluna o ua poe pilikua hoomaka'uka'u nei. Iloko o hookahi hora a oi o keia hoouka kaua weliweii ana maloko o ke ana hora a ke kupua Ahaza, ua like hoi ia me umikumamaha hora ia kakou (aole i kana mai ka loihi), ua pau loa iho la ua poe nunui la i ka luku ia, a koe wahi hueu ole, ka wa i haule aku ai o Hesisina-hesi-no hiamoe iluna o ka ilihonua no ka hoomaha ana i ka maopaopa o kona mau lima i hele a piha me ka mauluulu, oiai e oniu ana ka akau wili ka hema, a pii hoi ka hema iluna e kiani ai, iho ka akau ilalo e komi ai ina ai ka-make loa. Nawai hoi e oleka mauluulu.

I k» pili ana iho no o kona mau maka, hoala koke ana>no o Dasona kana kauwa hooloJie loa a oolalelale koke iho la no ja ianei me ka olelo ana iho: "E neho oe e ko makou haku me ka makaala ame ka hoomakaukau mau, oiai, ina aku ke alii o na nunui a hoea mai no ka paio ana me oe he alo no a he alo. ,> Ia laua no e kamailio ana lohe ia aku la ka hu mai o kekahi kikiao makani ikaika a ha'iha'i liilii na lala laau, a iloko o ka imo ana o ka maka, ku ana ka pilikua Ogena ke alii o na nunui imua o ke koa opio, ame ka leo nunulu elike me na ale o ke kai, poha mai la ka leo o ua nunui la me he hekili ku'i pamalo la: Heaha ke kumu o kou luku ana iho neiikeia poe hewa ole? A heaha koij kuleana o ke komo hewa ana ma keia wahi e nei bebe omo waiu, a hookahe i ke koko i kupono ole ke hopkāheia? 'Aole anei ou ike o Majo oia hookahi wale iho no ke alii ikaika hookahi ma ka lani ame ka honua, oia hoi ka mana māluna o na mea kino a me na kino uhane, a nona hoi keia poe au i luku iho nei. Amao ka mana hea i loaa ia ai oe ke ku leana e hana pela?" Pane aku la hoi o Hesisina-hesi-no: "Aole au i ike ia mea o Majo, a aole nohoi o 7 u kuleana e pane aku ai ia mau ninau. Eia kuu pahi ke kukala aku nei imua ou, a ina he poe aku koe mahope ou, a o na paalalo paha o Majo ame ka lakou mau pua e ola nei, Elike me ka hiki ana i kuu pahi ke mahae lua ae ike kino pakapaka o kela moo, ka mea nana e kiai i ka ipuka o keia ana huna, a hookau aku hoi ika hoopai weliweli o ka make maluna o na kino o kela poe nunui e muu mokaki mai la, pela no au e anai aku ai i na mea apau o loko o keia ana e ku mai ana e paio imua o'u. "Maloko o keia home lua i lawelaweia ai na hana hoaloha ole i ka hoa kanaka, a he nui wale na poe i pepehi mainoino ia a i hoopaa pio ia, ame ka hana ia aku ma ke ano o na holoholona, nolaila au e luku ai i na mea pau a hoea loa aku imua o Majo. I ka lohe ana o Ogena i keia mau huaolelo mai ka waha ponoi aku o H|esisina-hesi-no ; he mea e ka nui o kona piena me ka huhu pu, a ke hele la a paki liilii ka wai o ka waha. Aole nohoi i hoopau manawa wale iho o Ogrena ma ke kakaolelo ana, aka, ua hoopuka mai la no nae oia he mau huaolelo e kau ai ka li i na i'o huki o kekahi mea hanu ke lohe pono ia mai 1 huaolelo;

({ Owau o Og"ena ke alii o na Nunui, a he kauwa laweiawe hoi malalo o ka mana ame a Majo. Ano, e pale nou iho e kahi keiki kuewa, malaila wale no e ikeia ai kou lanakila ame kou au aku i na kai paiahaa a ku aku imua o Majo kuu alii no ka paio pu ana me ia. "A ina oe pakele io ana mai kuu laau newa aku o "Hukamakani," alaila, he mea oiaio e kipa }o aku ana oe no Mokupuni Uliuli kahi o ua haku 'la o'u e noho mana nui mai la, a e hooipo io auanei oe me ka nani o ka hua ohia pomejaita e puiamalaahia ia ala eua alii nei. Oia ka Ui Bisia, ka Nani ona Nani. Ano, e pale oe no kou ola e keia hupo." I ka pau ana no o ua mau huaolelo la i ka hoo pukaia ae e ua Nunui Ogena nei, o ka wa no ia a ua pilikua nei 1 ho'omee mai ai i kana hauna laau newa o Hukamakani maluna pono o ko ianei poo, a o ka inoa o keia hauna laau oia no o Kaukaiwa, aka, me ka eleu nui i kau aoao ae ai ua opio la i kana pahikaua ia Kauilaokamake, a pa mai la ua laau newa nei a kapalulu ana iluna o ka ilihonua, nana i hoonaueue pu ae ka papaku o lalo o kahi a laua e ku ana. Me *ka hikiwawe loa me he imo ana ala na ka maka, ua hapai hou aku la ua pilikua nei i kana newa a hahau ii)ai la ma ka aoao me ka ikaika nui, ke hele ala a hu ka makani mae ka lau laau, a ina eloaa pono mai aohe nao ai ilea papaa, aka, me ka eleu nui o Hesisina-hesi-no i lele aku ai imua a komo aku la maklo o ka poae,§e o ua pilikua nei a ōili mahope, a haawi mai la i kekahi pa'i oolea mahope pono o ka hono, a kuwalapoo ana ua nunui la, haule iho la kana laau newa a lilo mai ia i ke koa opio. I ke ala ana ae o ua piiikua nei a ike iho la i kona hemahema aohe kana laau newa, ua lalau koke iho la oia i kana laau ihe a oniu ae la i ka lewa, a oia no ka wa a llesisina-hesi-no i owili ae ai i kana pahika'ua a hahau aku la ma ke poo o ua pilikua nei, a kaawale ana ka apahu kino ame ke poo i na mahele elua. I ka ike ana mai hoi o ke koena aku o na nunui he mau haneri ko lakou nui i ka make ana o ko lakou alii, ua hoopiha loa ia aku la lakou me ka inaina nui, a oia no ko lakou wa 1 lele like mai ai maluna o ka opio Hesisina-hesi-no me ka manao e pepehi iaia a make. Aka, me he olapa ana la na ka uwila, pela ka emoole o ka hoohana ana aku a ka kaua opio i ua pahikaua la me ka ikaika, e haawi ant i ka make ahulau ma kela ame keia wahi, a iloko o ka manawa pokoie aia he ewalu haneri a oi na kino heana e waiho ana.

Me keia mau haawina i ulupaia aku ai ua poe nunui la a waiho a lala kukui ana i ka honua, alaila, kauoha ae la ua opio la i kana mau kauwa ht>o lohe o loko o kona komo daimana no ka hookaawale ana i na heana o na kino make, a he manawa pokole wale no, ua lilo ae la ua mau heana la i mau puu lehu. I ka nele ana aohe hoa paio e ku hou mai ai no ka hoapapa ikaika ana me llesisina-hesi-no, ua manao loa iho la no oia ua pau loa no ua poe nunui la i ka make, nolaila, komo loa aku la oia no loko o ua ana la no ka hele ana e nana i na poe i hoopaa pio ia a no ka hookuu ana hoi'ia lakou mai ka ehaeha mai. Aka, iaia i komo aku ai ma ka waha o ka lua o na poe pio i hoopaa ia ai, ike aku la oia i ka maalo ana ae o kekahi umalu aka e pili ana ma ke pani puka maloko. He poha ana o kekahi mea ka ua opio la i lohe ae ai, pa ana kona lima akau, a i aana iho kona hana ike iho la ia ua hai pu ka peahi 0 kona lima, a ia wa no ua pa hoū mai la no oia i kekahi hauna laau ma ke kipoohiwi a he hookahi ma ka iwiaoao, a waiho oni ole ana oia iluna o ka ilihonua. I ka hina ana o Hesisina-hesi-no ilalo, ia wa i uwa ae ai ua mea kino aka la me kona leo nui, a akoakoa mai la he aluka nui o na poe nunui ma ua wahi la a noke ae la lakou i ka lelele me ka uwa ana, mamuli o ko lakou hauoli i ka waiho oni ole ae o Hesisina-hesi-no ka mea a lakou i manao ua make. A i ko Hesisina-hesi-no ike ana i keia hopena 1 ili iho maluna ona, hoomanao ae la oia ina e pepehi hou ia iho ana oia, alaila, o kona halawai no ia me kona hōpena, nolaila, noonoo iho la oia he oi aku kona pono o ka moe hoololo ana, i manao maoli ai no ua poe nunui la ua make loa no oia, a malia eia aku no he wa e hoea mai ai o kona mau kokua a o kona pakele no ia. Me ia kno ua moe hooloio loa iho la oia, a aole nohoi he wa a ua poe nunui la i pepehi hou iho ai iaia, koe wale no ka lalau ana iho o kekahi o lakou i ka pahikaua a Hesisina-hesi-no a lawe aku la mai kona lima aku, Lelele ae la ua poe nunui la me ka hauoli nui me ka hoopuka ana ae i keia mau huaolelo: f< E kii aku kakou i na isio e hookuu mai, a lawe mai ia lakou a maanei, hookahi ka pepehi pu ana me ko kakou enemi." "Aole!" wahi a kekahi leo i pa-e mai ai, "e haawi mua ae kakou ia ianei i na ai hoolana i ka wai a Kamakeloa, alaila, kii aku kakou no ka hookuu ana mai i na pio. ,? A hui hou kakou me Ka Lanakila!