Ka Lanakila, Volume I, Number 14, 14 October 1909 — KA HOOKAUWA KUAPAA KA OLELOIKE MA KA OPU O KA MANO. [ARTICLE]

KA HOOKAUWA KUAPAA

KA OLELOIKE MA KA OPU O KA MANO.

Eia ke waiho nei ma ke Keena Hoikeike o na Ilana Huiia o ke kulanakauhale o Ladana ke a iuna ame Jalo o kekahi mano no ko ka lehulehu makāikai ana. Ahe moolelo hoi kekahi i pili i keia mau papaniho. E holo ana he moku no Inia Komohana, a ma kona alahele moana, ua halawai aku la ua moku la me ke,kāhi moku uuku i manaoia aku he moku halihali kauwa kuapaa. Oiai e alualuia aku ana ua wahi moku uuku la, ua hoohuli aku la kona kapena i kekahi wahi pahu uuku iloko o ke kai, a mahope o kona uhailoloia- ana ua paa iho la ua wahi moku la, a laweia aku la, no Pota Roiala. Ua huliia o luna o ua wahi moku la no ka manaoia e loaa aku na pepa ame kekahi mau mea e ae ma ke ano i oleloike no ke ku o ka hewa i ua wahi moku la, aka, aole he mea i loaa aku no ka hooia aua mai, a ua makaukau ke kapena o ua wahi moku la e lawe aku i ka hoopii koi no ke po-ho o ka paa hewaia ana. Oiai e noonooia ana keia kumuhana, ua komo mai la iloko o ua aw.a la kekahi moku, a maluna o kona oneki e waiho ana ke kino o ka mano nona ae la keia mau iwi-niho, oiai nae ua huaiia kona opu, ā mailoko mai o laila i loaa aku ai he tini me kekahi mau peipa lehulehu o kahi moku uuku i hopuia ai. Mao keia ae la i kauia aku ai ka hoopai maluna o ke kāpena o ua moku la.