Ka Lanakila, Volume I, Number 14, 14 October 1909 — Waihona Aila Poni. [ARTICLE]

Waihona Aila Poni.

Ka Popilikia.—O Karistopera Kalamebia ke keiki ilihune auau kai a kekahi kanaka hana hulu 0 Genova, ua halawai mai me ia na noonoo paakiki ana aia he mau aina puniole ma keia aoao o ke kai nui o ka Atelanika, a i kalele pau hoi no ka oiaio oia manao ona. Ua hookuli mai na pepeiao o kona aina iaia. O ke aloalii o Potugala ua hoohulikua mai, a o ko ke kulanakauhale o Vinika ua palulu ae i kona maka no ka ike ana mai iaia, a o ka hope loa ua waiho aku oia i kana noi imua o ka Moi Fadinano ame ka Moiwahine Isebela o Sepania, a maanei ke kali hoomanawanui ana no ka loaa o na moku ame na kanaka no kana huakai imi aina hou. Ua hele aku oia no ke Aupuni o na Palani, aka nae, ua loaa aku la iaia he kauoha no ka huli hoi ana mai i Sepania. O na pono makamae ame na lako waiwai nui o ua Moiwahine la ua kuaiia aku, a o na dala i loaa mai ua hooliloia aku i mau moku ame na lako o kana huakai. Me ka manaopaa no ka hiki i ka hopena o kana mau upu loihi ana, ua huli aku kona alo no ka moana akea o ke komohana, a iloko o ka hoomanawanui ana i na inea o ka holo moana ana ame ka ohumu o kona mau kanaka, ua hiki a pae aku la lakou iloko o na leo hooho o ka hauoli. u He Aina, he aina! 55 He honua hou. O keia ka popilikia i hoomanawanuiia, a i lanakila hoi. "Hiki anei ia oe ke pii iluna?" ka ninau a kekahi kapena moku i kekahi wahi keiki i makemake no ka holo moana ana. Ua pii aku wahi keiki la elike me ka makemake o ua kapena'la, a i kela ame keia manawa a ua wahi keiki la e hehi aku ai 1 na kaula alapii o ka rigini no luna, aia ka maka'u ame ka kje hookana-ka ae la iloko ona, a i keknhi wa e ku malie loa iho ana ua wahi keiki la no ka nui o ka maka ? u. "E nana mau aku ilunawahi a ke kapena me ka Jeo oluolu a hoolana, a o ka hopena ua hiki aku la ua wahi keiki la no luna o ka huini o ke kiamoku. Pela no kela ame keia ma kana hana iho. E nana mau aku iluna me ka manaolana ikaika no ka puuhonua oi aku, a e oni mau imua i kau i ka piko o kau mea i makemake nui ai elike me ka hana a keia keiki opio. Ala ka olelo hoolana ke ku nei imua ou, a nau e hoohua nui aku, a o ka alo no ia o na popilikia mai ia oe aku. E apo aku kou mau lima i na lima o ka palau, a e hawanawana aku ma kona mau pepeiao e nali kona mau papaniho i ka honua. He pilikia keia, he luhi, a he hana kaumaha. A hiki mai i ka wa

no ke kalepa ana 1 na hua 1 ulu mai, alaila, a'oia mai oe i ka waiwai o na kulu hou i hanini. Ke Kokua Ana.—Ua maluhiluhi maoli ka lio a aneane e lilo i pio na kekahi dia mamuli o ko lauahakaka ana. Ua maalo ae he kanaka ma kahi a keia mau holoholona e hakaka nei, a oia ka ka lio i noi mai ai i ua kanaka la no ke kokua ana aku iaia. Ua kau aku ke kanaka maluna oua lio la eJi ke nie ke noi, a aole i emo ua holo aku 'ke dia, aka, pka lio aole e hiki kiola aku iua kanaka la mai kona kua aku, aole hoi i ke kaulawaha mai kona waha ae. Aole anei me keia iho la n ° ke ano maoli o kekahi poe i loaa na kokuaia ana mai e kekahi. E noho like ana ke kanaka makapo ame ke kanaka wawae muumuu maloko o kekahi hale, a aole e hiki i kekahi o laua ke kokua iaia iho. Ma ke kau ana o ka wawae muumuu ma ke kua o ke kanaka makapo e hiki ai ia laua ke hana no ko laua mau pono like. Pela no, mai oielo iki oe he hiki no ia oe ke hana me ke kokua oleia. E makaukau mau no ke kokua ana aku i kela ame keia ke noiia mai kau mau kokua ana, a e loaa no auanei na kokua ana mai i kou wa e makemake ai. "Aole e hiki ia oukou ke hana i kekahi hana, ke ole Owau pu me oukou," ka olelo hoolana ikaika keia a ka Haku o na haku. Ka Home.— u Aia mahea kou home?" wahi - a kekahi kanaka i kekahi wahi keiki liilii mawaho o kona hale. Ua nana aku na maka aloha o ua kamaiki opio la i ka nt)ho mai o kona makuahine ma ke alo o ko.lakou hale a .pane aku la: 4< Aia ma kahi o kuu makuahine!" E kukulu i kou home ma ka piko kiekie o ka mauna o ka hauoli, i ole e'kauia e ka maluaka o ka luuluu. Maluna fcna e olino ai na kukuna oka La pumehana, a ma kona kumu ke mele olioli mau ana ana leo hooho oka malu. E nana i na awawa haahaa i uhi mau ia e ka maluaka o ke kaumaha, nona na po loihi ame na ao pokopoko. E kapu, mai hoomoe i hookahi kua no ke kukulu home ana malaila. Oka home ke kikowaena o ka hauoli, ka ulumahiehie ame ka mohalapua lupalupa o na manao. O ka home oia wale no kahi o keia honua i hoolakoia me na maawe kaula gula no ka hikii mau ana i na puuwai lehulehu i hookahi. Ma ka auina la Poalua nei i huluia mai ai no Kuapapanui e makai Apana, he poe lulu piliwaiwai no Alanui Dowsett, he elua mau wahine i hu-hui-a-kolea pu ia no ka hookokoke malaila, he hookahi ua hapai, a o kekahi he bebe uuku kana ua haaleleia no i ka hale e uwe ai,