Ka Lanakila, Volume I, Number 13, 7 October 1909 — MAI NA PAPANIHO MAI O ANANIA NA OULI HIKIMUA NO KA HOEA MAI O KEKAHI MAU MEA. [ARTICLE]

MAI NA PAPANIHO MAI O ANANIA

NA OULI HIKIMUA NO KA HOEA MAI O KEKAHI MAU MEA.

Li-KAKiNi.—Oiai oe e hele ana a hemo kou li-kakini, alaila, e loaa ana oe i ka iniki hoeha puuwai, a no ka mea, o ka mea e pilipu ai ka hanu, eia la ke wehe nei i na ki a kaunu a poloke ka laka, a paa ole i ke pahonohono hou aku; au no e kumaka ka ike'na i ka ialajnele Ua pavT ko'u lihi hoihoi I ka nan.i o Poka Ailana Eia au me Neti Mela He moku kia hilala i na ale He kaupu au no ka moana Ua pau ka pili'na aina. Aniani. —O ka no-ha ulia wale ana o kekahi aniani keokeo, he hoike ana mai ia i kou laki. He laki keia nau e kaena iho ai, 4t he haku aina konohiki," a no ka mea, o keia ke ano ulia i makemake loaia e ko Tubelina mau olohine o kanawalu makahiki ma ke ano o ka lakou pa-ko-li ana: Aniani liilii o Tubelina Kuu hoa ha'iha'i lau olelo Aniani nuinui o Tubelina Ka Ui i maalo i ke aumoe Aniani momona o Tubelina Ka nohea hololio o ke kupulau Aniani loihi o Tubelina Ke kihapai pua a o Erenale. Lauoho.—O ka hooliloia ana o kou lauoho hookahi i lopi humuhumu no ka aahu o kekahi wahine e mareia aku ana, he moani aala pua ia e pa leo mai ana ia oe iloko o na malama he umi ame elua, e pehiia ana oe e Io i ka pohaku, a e hei ana oe i k-a makau kaulana a ke keiki a Hina ia Manaiakalani; ae lohe ana hoi oe i ka leo ogana pii anuunuu a iho kawalawala a Maui, a i ka leo hoi o ka hano pu ihu a Kaililauokekoa e kani wi ana, a i ka nu leo hanuna a ka moopuna a Kamaunuaniho e hu ana: Hiu no au a na 7 u oe Lawe no au a lilo Hiu no au na'u oe Ua u-o ia ua paa. Omau-Lauoho.—O ke pine, kahi ame ka ribine hoopaa lauoho i haule mai kou poo aku, he kukuna La ia e hoowela mai ana ia oe, a e i maiana, eia he eu e nolio pu nei ma kou home i paila loko i ka maopuopu a ke aloha nou. He iini i ko puuwai; he hoohihi awihi \ ou mau maka; he hia-a i

ka lupalupa ou mau oho uliuli; he makemake i ka nohea pua leihala ou mau papalina; aua kupouli a pohina loko ika wai-meli oko leo. Ano ka 01aio o keia, e lohe no auanei oe iaia e mele hauoli ana i ka himeni o na mele, ia— Hoohihi ka manao Ia Sweet Violeta Puā ala huihui 0 ke ano ahiahi Ahiwela mai nei loko E lalawe nei i kuu kino Kuu kino ka i alo aku 1 ke aloha o kaua. Kaula-Li.—Ke hoike nei ke kilo wahine kaulana 9 na Palani ka Madame de Barose i ke ano o ia mea be kaula-li-kanaka penei: Oke kaula ili ai kekahi kanaka iaia iho a make, a i loaa ia oe, mai ae oe ia mea e lilo i kekahi kanaka okoa aku, a no ka mea, o kou malama mau ana i ua kaula la, sila ia no ka hoopaa ana i na pomaikai me oe. Kua O-HUi —I ka halawai ana ou me kekahi kuapuu me na helehelena minoaka ma ke alanui, e hoomanao iho oe ua hanau ae kou kikina laki ia manawa. O kona halawai ana me oe a ua ike aku oe ia manawa hookahi no he kanaka iloko o ka aahu koa, a ua maalo ae hoi he lio keokeo ma ia wa, he aniani kilohi ia e hoaka e mai ana i na pomaikai lehulehu e nee mai la mamua ou no ka halawai pu ana me oe. Kaa-Kupapau.—l maalo ae keia ano kaa ma kou alahele, a aole nae he ukanao luna, alaila, e halelu, halelu ae oe i ekolu mau manawa me keia mau huaolelo: "Ola. Hauoli, Pomaikai," me ka moe ana o kou mau maka oiai oe e puana ana i keia mau huaolelo. He laki 0 na laki ke noho aloha mau ana ma kou home a pau ia makahiki. Pela anei? Hoao ana. Makahiki Hou.—E ka uhu nui maalo i ka maka, pehea keia? Ma ka La Makahiki Hou,ina he kane ka mea mua loa i hele mai e haawi i na hoomaikai ia oe elike me ke ano mau oia la, alaila, e hoomanao oe he makahiki laki ia nou; a o kona mau po, mau la, ua kahinu waleia no me ke derama laa o ka pomaikai. A ina o ko oukou welo no, alaila, he makahiki ia e halawai mau aku ai oe me ke keilp kaulana o Malama o Hoinele; nana kela pu-puhi'— Akahi la hoi nele I ke kulanakauhale hoi nele Akahi po hoi nele I ke kula o Malama hoi nele Akahi k}si hoi nek

Ma ka puka aniani hoi nele Akahi ka naue hai nele Ma ko kauoha hoi nele. Eia aku ka Nu Ia a hoea mai. Hoao aku. Ihu Koni. A koni na aa o (eou ihu, e hoomanao eia aku he pupu kahiko me kona ihu no ka honi ohana ana me oe. Ina hoi e koni a kapalili iloko o knnahakumamawalu hora, alaila, nau no ia e ike iho i keia: Ko maka onaona Ko ihu waliwali Ko leo waimeli Ko poli pumehana. Inika. oka hanini ana o kau inika kakau a inika hoohinuhinu kamaa paha, o ke pookela aku ia oke pakalaki ona pakalaki. No ke aha la? A no ka mea. Kau iluna ke ao-opua He opua na ke kanaka haliwai E manao ana au o ko'u kikina O ka liki ana mai no'u ka pono, Ae—oia paha—la. Ihu Koko.—O ka paina ana o kou ihu a kahe ma[ke koko ma ka Poalima. he laki kona ano, Hoomanaoia. Ke Ala Ana.—O kou hehi mua ana ika papahele me kou wawae hema ma kou wa e ala mai ai mai kou hiamoe ana, he maikai ole ia ano, no ka mea, he makua ia no ka pakalaki, nolaila, i wawae akau mua ka pono.