Ka Lanakila, Volume I, Number 13, 7 ʻOkakopa 1909 — NA WAI AIAI O IOREDANE. [ARTICLE]

NA WAI AIAI O IOREDANE.

Ka Wahine. —O ka La maluna o na mauna, a o ka Mahina ma na awawa, o keia mau olino elua na onohi maka o ka wahine. E ka wahine. E hoomanao i keia mau makana makamae a ko luna Moi i haawi kumukuai ole mai ai ia oe. E kapu, mai hooni oe ma ka oleha ana i ko laua nani no ka pouli. E ka wahine, ua hanaia anei oe no ke kane? Ina pela ka oiaio, alaila, e hoomanao i kou mau mai ka hele ana ma ke ala o Hiolonawainaoaakekehau. Aole keia Honua ke nele ia mea he wahine, pouli ka La ke ole kona mau owili lauoho, a hehee wale na kumu hoopaa o ka mahina i ka pio ana o kona leo, nolaila, he kumu like ka wahine no na anela, a o na anela ke ana o ka wahine maemae. Keu ka pakeu pali ana o kona nani. Mai uhauha. A komo oe e ka wahine ma ko ke kane kuleana, he kane oe. O ke kane ma ko ka wahine kuleana, he wahine ia. O keia ka pulupulu ho-a no ke ahi o ka haunaele ma ka home. Ke Kane. —Ke nee na puu, a naue na a]e, o ka mana ia o"ke kanē e imi pomaikai ana. Ke pohu ka makani, a lana malie na wai o ka hurie, o na hua ia i hanauia e ka ikaika o ke kane. No ke kane i kanuia mai āi na lau uliuli o ka Honua, a nona i kupaluia mai ai kona mau lepo. He pohaku pa-ea ka Honua ke ole ke kane me ka hou ma kona lae. He keleawe lenalena aole mea ohi ma kona waena. He imu ahi enaena aole he mea ola ma kona ka ? e, E ke kane, e naue pu oe me kou lima no ka hana, a na na wai aiai o ka Hoku Kakahiaka e holoi i kou mau ehaeha. Owai e hai mai ua ike oia i ka wa i halawai ai keia Honua me ke kane ole? Ka Inaina. —Ua hanauia mai anei keia Honua me ka owili puia iloko o ka aa-hu o ka inaina? Aole. Na ka Haku o na Muliwai Ahi Pau Ole i halihali mai iaia ma ka makamua loa o na makahiki o ko ka Honua hanau ana. E ke kanaka, ka pua ulu nani o ka Honua, e moani kou ala kupaoa iloko o.ke Ao o ke aloha, ka oluolu, ka lokomaikai ame ka launa O keia ke koena, e waiho na ko luna mau kuluwar e kipulu. Ina e hiolo na Puu Mau Loa i ka oni ana a ke olai, he aha anei ia ke hoohalike aku me ka la nui weliweli a ka inaina i hanau ai ma ka home. Na ka inaina e wehe i ke kalaunu mai ke poo ae o ka Moi, a na ka lalapa ana o kona ahi, e ha-

mu ae ia mea» E noonoo nui no k& helu ana mal ke i a ka ioo. Ke Aloha.—Me he o-o mahi honua la e nali ana i ka lepo no ka lulu hua ana, pela no ke aloha ika mea akahiakahi. Milimili iho oia ia mea a hoolei aku, a maloko ona na kahakaha o ka hoomanawanui e kali ana 'o ka hua mai no ka pa-ha-neri. Ke kau nei ke aloha ma ka piko pookela loa o ka 'mauna, a ke loaa ke aloha ia oe e kali ana ma kona kumu, alaila, ua haule mai oia ilalo no ka hoopunipuni ana ia oe. Oke aloha ia i lilelile me ka aahu oka hookamani. O na papalina o ke aloha, oia ka piko poo i uluia e na ohohina o ka hoomānawanui. E hoopumehena mau i ke aloha me ka aahu o ka Manaolana. E hele mau oia no mua, aole no ka la i hala. M® ka leo nui i kaapuni ai kekahi i ko keia Ao, aoie nae i loaa iaia ke Aloha. "E ka Makua, e aloha ia -i kona enemi ana ia'u, a e huikala inai iaia," wahi a kekahi. Oka loaa no ia o ke aloha. O kahi lau keneta ma ka lima o kamakuahine i hookaokoāiā no~ka~ne ana mai o kana kamalei, ua miliona kona ko'iko'i ma ke ana paona o ke Aloha, mamua o ke tausani i hooliloia e ka makuakane no kona mau lealea iho. E ka makuahine, e kiai mau i ke Aloha. «$♦