Ka Lanakila, Volume I, Number 11, 23 Kepakemapa 1909 — Ko ke Ao mau Minelala [ARTICLE]

Ko ke Ao mau Minelala

Garanada, Sepania, Sepatemaba 19 —Eia keia kulanakauhale iloko o ke kulana kupilikii mamuli ona aha hulahula ake ola'i. Aole no nae he mau poino. Nu Olina, Sepatemaba 20—He ino nui na ka ua ame ka makani ka i pahola ae ma na kapakai o keia kulanakauhale ma keia la. Ua pii ae na wai o ka muliwai Misisipi a ka ekolu kapuai maluna ae o ka iliwai maa mau. Wakinekona, Sepatemaba 20 —E lawelawekoke aku ana ke Keena Oihana Kaua i ke kukulu ana ike kahua oihana kaua aina ma Honolulu, Hawaii. Nu Olina,* Sepatemaba 21—He eha make, a he haneri tausani dala, oia na poino a ka ino i pahola iho ma keia kulanakauhale ma ka la inehinei. Nu loka, Sepatemaba 21—Ma keia la iku mai ai o Kauka Kuke maluna mai o ka mokuahi Oscar 11. Deneva, Sepatemaba 22 —Ua haiolelo ae o Peresidena Taft maanei ika po nei. Ua hai ae oia ma kana haiolelo, ua manao oia o ka auhau hui imi waiwai oia ke kulana maikai o ka auhau loaa e kauia. Nu loka, Sepatemaba 22—0 ka ulumokukaua 0 ka Atelanika ua ku nui mai maanei i nehinei. Ma keia la e komo mai ai lakou noloko nei o ke awa. Kikane, Nova, Sekotia, Sepatemaba 21—Ma ka la inehine» i hui akii ai ka huli welau akau kaulana Kapena Pere me kana wahine ame na keiki. Norewai, Suedena, Sepatemaba 21—I keia la 1 hoea mai ai 0 George Swintons kekahi o na kanaka akeakamai, no ka huli aqa i na mea hana no kekahi moku ea nui e iele ai ika lewa, i hiki ai iaia keia mua aku ke pii pu me kana ohenana nui i ka lewa no ka okilo ana i ka aina ame na kanaka o loko o ka mahina. Nu Olina, Sepatemaba 21—I keia la i hoikeikeia ae ai ma na alanui o ke kulanakauhale kekahi lio wahine i uluia me na lauoho eleele apiipii oke kanaka ma kona poo. Ua nui na kanaka i puuluulu aku me ka lulu pu ana i kekahi huina ala nui. Kupanaha.