Ka Lanakila, Volume I, Number 11, 23 September 1909 — NA LUNAOLELO. [ARTICLE]

NA LUNAOLELO.

Ka Hoomainoino ame ka Make Ana. E nana nae ka hoomaopopo i keia mau hoike ana malalo iho nei, a e hoomanao iho i ke ano o na hana hoomainoino ame ka make ana o kela ame keia haumana a ka Haku nui o na haku, ke Alii Pau ole o na 'lii pau wale, i ko ai kana i hai e aku ai ia lakou: "No'u nei e noomaauia |nai ai oukou e ko keia Ao." Ua make o Mātaio ma ka maka o ka pahikaua mahope iho o kona hoomainoinoia ana ma kekahi kauhale o Etiopia. Ma ke kulanakauhale o Alexanadaria, mahope o ka hoomanainoinoia ana ma na alanui oia kulanakauhale i make ai o Mareko. No Luka, ua make oia mamuli o kona kauia ana maluna o kekahi lalalaau 01iva ma Helene. Ua pailaia o loane iloko o kekahi barela aila wela, a pakele mai ka make mai, a mahope ua kipakuia aku oia no kahi Mokupuni mehamehao Patemosa. O ka Lunaolelo Petero, ua kauia oia maluna o ka laaukea me kona poo ilalo ma ke kulanakauhale o Roma a hiki i kona make ana. Ma ke kulanakauhale o lerusaiema i okiia ai ke poo o lakoba ka Nui. A o lakoba ka Liilii, ua make oia mamuli o kona lele ana mailuna mai o ka oioi o kekahi luakini, a hahauia me ka newa e kekahi kanaka. Ma kekahi ona ku o Heliopoli ma Perageia i kauia ai o Pilipo a make. Ua make o Batolomaio mamuli o kona okioki olaia ana. Maluna o ka laaukea i make ai o Anaderea me kona hai ana i ka Evanelio imua o ka poe i hoomaau iaia a. hiki i kona make a.na. Ma ka maka o ka ihe i make ai o Toma ma Koromanadelā, Inia Hikina. Ua make o luda ma oka pana ia ana me ka pua pana. Ua hailukuia o Matia me ka pohaku, a mahope ua okiia kona poo. O Barenaba o na Genetile ua hailukuia oia i kā pohaku ena ludaio a make ma Salonika. No ka . Lunaolelo Paulo, mahope iho o na hoomainoino lehulehuia ana, ua okiia iho la kona poo ma Roma, mamuli o ke kauoha a ka Emepera Nero.