Ka Lanakila, Volume I, Number 10, 16 September 1909 — Ka Huakai Kaahele I KA Papaku o ka Hohonu KONA MAU HIOHIONA A ME KO LAILA MAU KINI LEHULEHU KA MEA HUNA O NA MEA HUNA [ARTICLE]

Ka Huakai Kaahele I KA Papaku o ka Hohonu

KONA MAU HIOHIONA A ME KO LAILA MAU KINI LEHULEHU

KA MEA HUNA O NA MEA HUNA

[Kakauia e ka -ANELA o Mekiko] MOKUNA X Ka Hiapaiole o ka Hohonu

A pela me Cosila-ko'u keiki lawelawe ame Nede Lana hoi ka mea o i'a o ka moku kaua Aberahama Linekona o na aumoku kaua o" Amerika Huipuiia, ke ku nei makou e hoolohe i kana kamailio ana, a i ka pau ana kunou aku la au ma ke ano e hooia aku ana he pololei wale no kana mau oielo apau loa. A oiai aole he ninau mai ana ia'u, nolaila, aole a ? u mea e pane aku ai. .0 ka olelo ana a keia kanaka e kamailio nei, he nee pu wale no aole oia i hookiekie ae i ka puana ana ma kekahi wahi a i ole hoemi iho la hoi ma kekahi wahi, aka nae, ua mahele pono ia na hopuna olelo me ka puka pono o na huaolelo, ame ka pahee maikai hoi o ke kamailio ana ? aka, ke haohao ala nae au, aole au' i ike iki i kona mau helehelena, i na luhiehu o Parisa a i ole la hoi o kekahi o ko Farani mau okana aina. Ake hoomau ala no kela i ke kamailio ana me keia mau olelo. He mea maopopo ia'u ua kakali Joihi oukou e halawai pu me a'u, aka, o ke kumu o ko'u noho liuliu ana a hiki i keia wa, no kuu makemake nui e kaupaona like i ka mea pono e hana ia ai no oukou. Ua kuihe mau au no ka'u mau mea kupono e hana ai no oukou, pehea I3 aue hana aku ai e kupono ai iko oukou noonoo? He elua a'u mau mea nui i noonoo ai e hana aku no oukou. O ka mua, o kuu hookaawale ia oukou mai ka moku aku nei, a o ka lua, o kuu hoolilo aku ia oukou i poe kupa no luna nei o kuu moku. A no ka mea hoi na na ouli hiki wale mai o ka mauawa i halihali mai ia oukou imua o ; u, ke

kanaka i hookaawale iaia iho mai na hipuu mai o ke aloha kanaka. Ua hiki mai oukou e hoopilikia wale i ko'u aupuni ame ko'u noho kuokoa ana. E ke kapena maikai, e kala mai oe ia'u ke hoakaka aku ia oe me ka pololei. 0 ka huakai hele o ko kakou hui ana iho la he mea ia i man;io mua ole ia, wahi a'u, alaila, aole anei i manao mua ia i pane mai ai ke kapena me ka hookiekie ana ae i kona leo. Alaila, i holo wale mai anei ka moku kaua Aberahama Linekona e huli ia'u ma na kai apau me kona manao mua ole e ukali ma ko'u meheu a e ulupa maoli? 1 kau anei oe iluna o ua moku ala uie kou manao mua ole e alualu ia ? u a e hopu pio? I ki wale mai no anei oukou i na pu nuūui o oukou a ku ai na poka i na papaahao o kuu moku me ka manao mua ole? A no ke aha la hoi i hou ai o Nede Lana ia'u me kana o, ina aole oia i manao mua e paa ana au iaia, a e lilo ana i pio na ka moku kaua Aberahama Linekona o ke aumoku kaua o ke aupuni Amenka? E olelo hou ia mai ana anei au aole i manao mua^ia. Mamuli o keia mau olelo i kukai ia, ua ike au i ke ano ikaika maoli a hoomaopopo aku la nohoi au i kona hooili okoa ana mai i na ahewa ana ia makou, a ua panai aku au me ke kupono ame ka leo oluolu a haahaa o ke ano kuoo. E kala ia mai au, ke hoike maoli ak u nei au ia oe me ka pololei. Aole io no au i ike a mahuihui iki i na mea i noonoo ia e ko Amerika ame ko Europa nou. Ame he ala, aole paha i maopopo iki ia oe ka ulupuni ana o na manao pihoihoi o na aina puni ole elua no ka nui o na moku i poino ka hookui pu ana me kou moku aumoana. A iloko oia wa ua hooponopono loa iho la au i ka manao o ka'u mea e olelo aku ai iaia, a nolaila, ua kapae ae la au i na manao koho wale o ko ke ao holookoa e noonoo nei no keia mea huna hookahi i loaa ia oe, nolaila, he mea pono ia'u e hoike aku ia oe i ka oiaio, oia keia. I ka manawa i holo mai ai o ka moku kaua Aberahama Linekona e huli ma na kai apau, aole i manao iki ia nōu, aka, no ka manao loa ia ana a puni ke! ao he a-u nui ikaika maoli no no ka moana nei, i oi aku mamua o kekahi mau kupua o ka hohonu i ike ia, oia la ka mea nana e h«opoino nei i na moku ; a e hookau nei i ka weli ika hapanui o ka pōe au moana. Ia wa ike aku la au i ka minoaka ana iho o ua kapena ala, a pane mai la ōia me ka leo oluolu, aole hoi elike me ko ka wa i hala ke kalakalaihi.

EMr. Aronaka, e hiki anā anei ia ,oe ke hooiaio mai imua o'u no ka i'a wale no oukou i alualu ai a o hoi, aole anei hoi e alualu pu ana oukou i kuu moku, a i ole, ki pu paha, ina oukou i ike mua he moku holo loa keia o ka moana? Mamuli o keia mau pane i waiho ia mai, ua ku a hoka maoli au, a no ia mea ua noho mumule iho la au a hakanu pu, a ua aneane no au e hiki ole ke pane aku, a ke hooulu mau ia ala ko'u noonoo ua akaka ia u aole e kuihe iki ana ua kapena Faraguta ala o ka moku kaua Aberahama Linekona, ina no oia e ike ana he noku holo moana io no keia mea e kuhihewa nui ia nei. Alaila, ua maopopo loa e alualu ana no oia e hopupio, a no ka mea, ua ike au o kana hana ia i hoouna ia mai ai e hoopio i na enemi hoopilikia wale o ke kai o keia ano ina no paha he moku ia a i ole he i'a paha. No kekahi mau minute ko makou pane leo ole ana, alaila, kaa mai la na ke kapena ka wehe mua ana me keia mau huaolelo. Nolaila, ua maopopo ia oe he kuleana ko'u- e hana aku ia oukou ma ke ano he mau enemi ou u kou no'u. Ke mau ala no kuu mumuie me ka pane leo ole, oiai au e noonoo ana heaha la ka waiwai o ko makou hoopaapaa wale aku no i keia manawa, oiai ka wa e hoopepe ia ana na manao maikai e ka ikaika o keia oielo. Noonoo pu iho la nohoi au ina no au e pane aku ana, alaila, oia iho la no ka poka mua loa no ke kukala kaua, a e ala mai ana he paio ikaika, nolaila, noho malie loa iho la au, a i ko'u manao ua oi aku ka pono e lilo au i mea hoolohe akū, aole hoi i mea paku'iku'i olelo. A hoomau mai la no oia i ke kamailio ana» No kela mau manawa i hala ae nei" ko'u noonoo ana, a i hai akii au ia oukou, ua kanalua loa au me ka maopopo pono ole ia'u o ka'u mea e hana aku ai no oukou. E kala ia mai au e oukou, aole loa kekahi mea i a'o mai ia'u a i ole i kono mai paha ia'u e hana aku i ka mea i ku i ke aloha ia oukou. Ina au e koho ma ka manao e hookaawale ia oukou mai kuu moku aku, a e hookau hou wau ia oukou mawaho o Jcuu moku me kuu.makemake ole e ike hou aku ia oukou, alaila, o ka'u e hana aku ai oia no kuu lawe aku ia oukou a hiki i ka iii o ke kai, alaila waiho aku ia oukou ilaila, alaila, luu hou mai wau ilalo nei o ka papaku. Alaila, huli aku oukou i kamaaina no oukou, a ia wa au e holoi loa ai mai ka papa aku o kuu naau no oukou, alaila, ua poina iho la oukou mai

kuu hoomanao ana, aole anei he kuleana ko'u e hana ai la ouko;; pela ke niakemake au? Keikealaauikaawahiao keia hopena ina i hooko io īa mai ia makou pela, nolaila, ua pane aku la au m e kuu ike no e oili ae ana he okooko ahi 1 ka wa e koe ia aku ai oia mau huaolelo. Ae, oke kuleana ia o ke kanaka hupo. Ia wa koke no i pane mai ai ua kapena ala me ka le° mua loa no ka makaukau e kukara ia ke kaua. E ke kumu aole au o ka au i kapa mai la, he kanaka naauao au? Ua pale aku au i ka hui pu ana me ko ke ao nei apau no na kumu nae a'u e minamina nui nei i ka hiki ole ta'u ke hai aku ia oukou, a i kuoono loa hoi ow»u wale no ke ike. A no keia mau mea la ua hooholo iho au i kuu manao paa, aole loa au e hoolohe i ko lakou mau kanawai, nolaila, ke hoihoi -ole nei a-u i ke ano o kau olelo a aole hoi o ? u makemake iki e hoopuka hou mai oe ia ? u i kena mau ano olelo, Ua hai maopopo mai la kela me ka hunahuna ole iho, a ia wa nohoi au i ike maopopo aku ai i ka naho]o ana ae o ke koko ina na aoao o kuua lae a hulili ae la na maka o ua kapena nei e hai maopopo mai ana, ua hekau iho ka uhane lapu o ke kuakoko huhu ame ka inaina maluna o kona hokua, a ua aneane maoli e pahu kona enegini hoonee mahu, aka, o ka 7 u e nalu ana ia- wa, nowai oia i inaina ai? No u anei, a i ole no kekahi mea e ae ]jaira, no kuu mau hoa aukai anei? Eia ka aole ia no'u a aole pu nohoi no ua mau hoa nei ou, eia ka he mea okoa no a nona keia kuakoko ona. Ia wa au i heluhelu £ku ai ma kona mau helehelena a ike aku la au i kekahi mjea luaole o ka weliweli e moelolii ana iloko o ka moolelo o na la i newa aku la o kona ola ana. Halalo iho la au a ike aole o na kanawai pili lahui wale no kana i kaupale aku ai, aka, ua hoo)ilo maoli iho no oia iaia iho i haku no kona mau manao ponoi iho, a aole hoi he kanawai a jīiana lAana e ahewa iaia, a i kaa loa aku hoi mawaho o ka palena kupono a ke ao holookoa i apono ai, a mawaho aku hoi o »a poai o ko lakou mau nianao, Ao ka ninau nui oka manawa. Owai ka mea hiki ke aa e alualu aku iara uoko" o~ Ica opu o ka hohonu? A owai hoi i kōna wa ma ka ili hualala oka moana? Oiai aole loa i hopo a kuemi hope 1 na ano mana e uhai aku ana iaia. Owai hoi ke kupua e pakele ke hookui ia aku e na kiwi pepeekue o kona moku pua.

Nana mai la ota ia'u me na nanaina mohaha maikai, me he ala, aole mau mea nui a kona noonoo i hana ai i na minute i newa aku, ame ko'u ninau ole aku iaia i hookahi manawa. A oiai hoi au e nalu nui ana no kekahi kumuhana ano nui, oiai oia,e kukahalake ana, ua kiloi aku au i ka hoomanao ana a ko ? u waihona noonoo ipaluna o ke kupanaha o na mea ai, oiai i keia manawa a makou e hoohialaai ia ala i ka iala mau kiina olelo i ku i ka mikalolohua, aia no ke hoomau ia mai la ka hoopiha ia ana mai o ke pakaukau me na mea ai like ole i loli ae i ko kapapaaina mua a makou i kunewa aku la, a me keia mau mea la i kiloi ai au i ko'u noonoo i kekahi hapa o ko iala manawa e kamailio mai ana ia makou. A oia ka'u i pahaohao nui ai me ko'k hoopuka ole aku i huaolelo ninau, eia ka ke heluhelu ia nei e iala ka'u hana, a o ko\i mea i maopopo ai, o*a no ko iala hoololi ana mai i ke ano o kana kamailio ana me keia mau olelo. E ke kumu Alonaka, me he ala i ko'u hoomaopopo aku, aole paha oe i ike i ka hapanui o keia mau mea.ai, aka hoi o ka'u e olelo aku nei ia oukou e' ai oukou me ka hopqbp£p_olje. Ua hoomakaukau wau i keia mau mea ai i kupono loa no ke ola kino, a he maikai maoli hoi au e manao nei la he mau mea keia mai ka aina maloo mai. He mau manawa loihi i aui ae nei o ko ? u ai ple ana i kekahi o na mea i hooulu ia mai ka lepo mai o ka aina moloo, ame na io hoi o na holoholona ola mai laila mai. A nolaila, aole loa he manawa i loaa iki ai ia'u 0 kekahi la i mai ai a pela pu hoi me ko'u poe kanaka, a he poe kino ikaika maoli lakou o ke kulana maoli no i loaa ia makou o ke ola hou, a he ola kupaianaha paha ke olelo ae, o keia wale iho la no ka makou mau mea e ai ai. Ninan aku la au iaia, alaila, mai ke kai nei wale ae no ka oukou mau mea ai e ai nei? Ae e ke kumu, i hai akii au ia oe, na ke kai nei wale no i hoolako mai ia makou me na mea ai, a na ke kai pu nohoi i hoolako mai i ko makou mau makemake apau loa. He maalahi loa ko makou hoolako ana ia makou me na mea ai, a he luhi ole nohoi, a penei makou e hana ai ina makou e makaukau ana e ai, alaila, hookuu aku la au i ka upena a hei mai la na i'a. Aole i kana mai na ano i'a like ole; alaila, ohi aku la makou ma na i'a a makou i makemake ai. No ia ai ana wale no, a hookuu aku la no hoi ke koena i'a aku i koe. Pela aku ana ua ai ana, me he'la o ka'u i hana ai elike me kau e hana ai 1 waena o kau ohana moa. Kou wae ae mai loko p kau i kau i makemake ai, a o ke koena.

hookuu aku; aka, ina no oe e hana i kau ohana moa, e hoohoka ia ana no oe e lakou i kahi wa ma o ko lakou holo ana, a i ole, lele paha mai ia oe aku; aka, o keia ae la, me he ala, na'u ponoi no keia i hanaiahuhu, ka laka maoli. I kekahi manawa ua hele kino aku no au i waenakonu o ka moana akea e huli ai i ka'u ano i'a i makemake ai, a oia hana a'u e hai aku la ia oe, ke manao ala paha oe he hana kupanaha ia, a pela io no, oiai, oia hana a'u i hana ai, he hana ia aoie loa i hiki i kekahi kino kanaka ke hana. A i kekahi manawa ua waiho iho au i kuu moku nei ma kahi a'u i makemake ai e waiho iho, a hele aku wau iloko o na ulu laau o ka moana nei, a hue mai i na waiwai i hunaia iloko o ka papaku o ka hohonu* Aoua meheu ala a'u i hoomoe aku ai aole loa he mea hanu ola e hiki e hookolo mai. A o xa'u mau pu-a holoholona e noho mai nei ma na wahi like ole o ka moana laula nei f ua like no ko lakou laka ia'u elike me ka laka o na hipa i maa i ka leo o ko lakou mau kahu e hanai mailani ia ana ma na kula weuweu uliuli ma ke kapa o na wailana malie. He nui kuu waiwai ma ka moana nei, malia paha o olelo mai oe i kuu paikano ia'u, aole paha pela, oiai na'u ponoi no i mahi keia moīina, aka, na ka lima nae o ka Mea Mana Loa, oia hoi ka mea nana i hana i na mea apau loa i lulu, a nana nohoi i kanu. Nolaila, pehea la ia i kou manao, ua pololei anei a i ole ua kuhihewa paha au? Mai weliweli oe a hopohopo hoi, ua pane aku au me ko'u manao i akaka loa ke ano oka manao 0 kana mea i kamailio mai ai. Oiai ke maopopo ala no ia'u kona maiiao, ua hookamaemae wale aku la no au me ke ano hoopohala, me ka i ana aku; aole hej mohala pono ia'u ke kaona o kau olelo e ke Kapena. Akaaka iho la oia a pane mai la, aole ka hoi oe 1 hoomaopopo e ke kumu, o keia moana nui akea, oia ka mala holookoa, a ua waiho ia mai ia na kela ame keia i makaukau me na mea hana e paeli a hue ae i na mea huna. (A hui hou aku me Ka Lanakila)

E nana ae e na makamaka i ko kakou Keiki makaukau ma ka lawelawe ana i na kino o ka kakou mau mea aloha i hala. No Hawaii oia ano kona lahui. Nani ka loaa ana o keia momi makamae iloko ou e Hawaii. He puuwai olu a nahe* He ike ia kaua oiai na ao omamalu o ke Kaumaha e haawe ana. E hea no kaua "Manuela E. SIIva M —*"E-— *'