Ka Lanakila, Volume I, Number 7, 26 ʻAukake 1909 — NA WAI AIAI O IOREDANE. [ARTICLE]

NA WAI AIAI O IOREDANE.

Ka Manawa. O keia mea o ka manawa i hoowaiwaiia me ka hana, ke koo mau nei oia i ke kanaka i lele pau kona mau manao maluna ona. Iloko o ka hamau ame ke aheahe malie, ke ao mai nei oia i ke kanaka i ka ike. Aia he manawa no kekahi'hana, aia he manawa no na hana a pau; aia he manawa no na hana nui, aia he manawa no na hana liilii; nolaila auhea la ka manawa i koe nou e paani wale ai? E hanai aku i ka manawa me ka hāna, a na laua e hanai mai ia oe, a piha, lawa » hu ka hauoli ma kou mau ipuka. Ina he mama kou mau wawae, a he ikaika hoi na mea paahana o kou mau 010010, alaila e kukini mama oe me ka manawa; a i eo oia ia oe, alaila ua eo ia oe na mea a pau. Ma ka hoonanea wale ana, e ike auanei kakou i ka lele puahiohio ana o ka manawa maluna ae o ko kakou mau poo; a o kona aka, he mea ooi ia maluna o ko kakou mau poohiwi. Heaha la ia mea he manawa? O na huahelu ma ka papalina o ka wati, ke ao ame ka po, ka ipakalii ame ka hooilo, ka la, ka hebedoma, ka malama, ka makahiki ame na keneturia, he mau hoailona kuwaho wale no lakou apau no ka manawa. Oka manawa he mesl pau-ole ia, a oia no ke ola no ka uhane. Hoomaunauna wale ka hoakanaka noonoo ole i ka manawa, a o ka hoakanaka naauao a akamai hoopukapuka aku oia ia mea me he waiwai kalepa'la. O ke kino. maoli o ka manawa i hiki ke hoapoia me na lima o na kanaka, oia no na mea a na kanaka i hana ai, ko kakou mau maka no hoi e ike nei. Ka Manao. O ka manao i hoala mauia eka hana, aole ona manawa e hiamoe ai. Ma kahi aole na lani aole ka honua, malaila ka hiamoe ana ona manao. Ina he mea kekahi eia iloko o keia honua me na anoano o ka manao hiamoe, alaila ua kipa mai oia me na lako- kaua no ka hoohaunaele ana i koonei mau pono. O ka manao, ke halihali nei oia i ke kanaka mai ka pupupuhale o ka hookauwa-kuapaa, a ke kakela alohi o ka noho lako ana iloko o ka lanakila. O ka moanawai i hoohulihuli mau iaia iho, t lilo ana kona mau hunawai i mea hoopomaikai mai ikoonei mau menehune; aole anei e lilo ana ka manao i hoohulihuH mauia~i kia mahala no ka ka* kou mau hana?

Aole anei no ke kupali ana o ka manao i ikeia ai na heiau no ke Akua Ola? E kukuli kal<fou a e puana malie i na mamalaolelo oka 'Pule aka Haku me ka noonoo. O keia hookahi wale no ka manao o keia honua i manao olioliia e ko ka lani lehulehu. Ke hanau ole ka manao, alaīla, aole i pono ke kanaka no kona Akua, kona hoaloha a nona iho no hoi. Ke i mai nei ka ; Buke o na olelo Hemolele, "Maikinai ika uhane." Aole anei o keia ka manao e pipii waipuna ana i ke ola mau loa? E ka makamaka, e iini kaua i Na Wai Aiai o loREDANE.