Ka Lanakila, Volume I, Number 6, 19 August 1909 — KA UI NOHEA TAKAHONE=SU=I Ka Huihui Hoku Olino o Pekina a i ole O ka Mahina Kau Ahiahi o na Kapawai o ka Muliwai Ialu. [ARTICLE]

KA UI NOHEA TAKAHONE=SU=I

Ka Huihui Hoku Olino o Pekina a i ole O ka Mahina Kau Ahiahi o na Kapawai o ka Muliwai Ialu.

Ka La Hiki Aumoe o Pin-īana-Ho ame Anuenue Olino Wanaao o Sana-Hei-Wei

MOKUNA 111. Haalele ka Mokukaua Pelekane no na Kai o Kina —Mare o Auso i ke Kama c liiwahine ka Ui Kaili Puuwai o ka Aina Pua. I ko laua nei lohe ana 110 nae i ka leo u-u-u, hoomaopopo koke iho la no laua nei o Wai Fu no keia, kekahi o na keiki a ko lakou moi i make, a i hakalia no ko laua wehe aku ika puka i ka pau pono ole mai o ka ianei mau kamailio ma ka olelo Kinikiu. Mahope iho o ka pau ana o ka ianei pane ana aku, o ko laua wehe aku la no ia i ka puka a pee ae la mahope o ke pani, a nana aku oe, he ho-a-a hoi kau i ka malihini. Aia nae i ko Wai Fu komo ana mai,-aohe kanaka e ku ana malaila, nolaila ku iho la no hoiia me he kii la no Kauai, aole ka holo aku imua, aole no hoi ka peki emi mahope. No ko ianei ike ole i kekahi kanaka mai ia wahi aku a hiki i ke pani elua, nolaila, huli ae la oia i hope a pale ae la i ke pani puka, a ike aku la i ua mau wahi koa kiai nei e pee ana, a oia no hoi ka wa o ua mau wahi koa la i hooho leo nui ae ai: "Auwe no hoi oe e Wai Fu e! Avo! Pehea oe loihi hele pi mai?" Ia manawa pane aku la no hoi ua keikialii la ma ka olelo Pake ana aku: tft Wau hele Kai-lu hana raiki, pi mai no. Auwe, aloha ole no hoi olua ia'u e o'u poe makua o kuu wa kamalii, eia au la ua ola hou, mai ko'u nalowale ana iloko o na makahiki loihi mai ko oukou mau maka aku." A e like no hoi me ka Jaua la hooho ana mai, pela no hoi keia i hooho aku "Auwe nohol qlm e Nii* Fon q< })

A no ka like loa o ka lakou hooho ana, ua kupinai ae la na leo hauwalaoa a wawalo ae Ia ma na paia o ka pa-kaua. A i ka ike ana aku o ua mau wahi koa la i: ko ianei pelapela, ua hele kahi aahu a weluwelu, piha loa ia iho la laua i ke aloha nona, me ko laua olelo ana aku: "E hele oe e auau a hoi mai, alaila komo oe i mau wahi lole maemae, i kekahi mau wahi aahu kupono e loaa ana ia maua." Hele aku la ua keikialii la e auau, a o kekahi wahi koa hoi ua miki koke aku la ia e hoomahana w-ahi wai wela ti, a e'lloomoa hoi i mau wahi mea ai na lakou. A i ka hoi ana mai o ua keiki la, ii wa olelo aku la ua mau wahi koa nei me ke ano hoohaahaa: "E ke Alii, aole he mea nou e waia ai ke lawe oe a aahu i ko maua wahi kapa, no ka mea, ua kupono ole ia 03 ke konio hou i keia mau wahi apana welu i hele a weluwelu, a ua kaumana hoi i ka lepo. A ina maua e hoahewa ia no ka make no ko maua kokua aku i kou hemahema mamuli o ka nele i kahi aahu kupono ole, alaila e make ana maua ma keia ao, aka, ma kela ao aku e mahalo mau loa ia ana maua, oiai ua hoouhi 'aku maua i ka mea aahu ole e like me ka ka Haku i kauoha mai ai. I ka lohe ana o ua keikialii nei i keia mau olelo a na wahi koa, i mai la oia, "O ka olua hana maikai ia'u i keia la, ke ike nei au ua ola hou mai kuu makuakane, a ke kapa nei au ia olua he mau makuakane olua no'u, a i ka wa e ulia mai ai o na pomaikai o ke au kokoia* e nee nei, alaila o olua no ko'u mau kuhina." Mahope iho o ka pau ana o ka lak:ou paina ana, liuliu makaukau ae la ke no ke komo loa ana a hiki i kahi o kona kaikaih'a moi e noho alii aimokū nui ana f aka, i mai la kekahi wahi koa: "Aole no paha oe i poina i ka loihi mai keia wahi aku a hiki i kahi i ku ai o ka halealii kahiko, au no hoi i kamaaina ai, a ko kaikaina hoi e noho moi mai la, oia hoi he hookahi la hele okoa a hiki ilaila. Aka, ke ike nei au ua aui ka la, aole hoi he wahi i koe o ka poeleele, nolaila, aole maua e ae ana e hookuu aku ia oe e hele iloko o ka pouliuli. f< o kekahi no hoi, o kahi hapa o na poe e noho mai nei o loko aole o lakou mahalo i keia moi a o kekahi hapa hoi, aia malaila'ko lakou hilinai nui ana, a ina e ikeia mai ana oe e kekahi oia poe, heaha la auanei ka lakou mea e hana mai ai maluM ou?" "Nolaila, $ mai o® s npho pu me maua a

hiki ika pau ana o ko maua mau la e ku kiai ai, alaila hookahi ko kakou hoi pu' ana a hiki i ka halealii. M No keia mau hoakaka ku i ka naauao a ua mau wahi koa kiai la, ike iho la o Wai Fu he mea pono io iaia e hoolohe i keia mau leo uwalo, nolaila noho pu iho la lakou nei a hiki i ke awakea o kekahi la ae, oia ka manawa e huli ai ko laua manawa ku kiai, o ko lakou wa no ia 1 hoomakaukau iho ai no ka hoi ana. A oiai lakou e liuliu ana hoqa mai la na koa kiai e pani ai ma ka hakahaka o na koa mua, haawi ke aloha kuno-kunou poo, aka, ua hoohuoi mai la nae laua la me ka ninau hoohuahualau ana mai; "Ea, he wahi malihini hoi ka olua?" Ae aku la no hoi kekahi wahi koa me ka hai ana aku, "He keiki na ianei, a no kahoomahaana 0 ke kula huli hoi mai nei e ike i ka makua, oiai ua kanaka makua ke kino ua kupono no ka noho wahine, akahi no a hui hou. O-keia mau wahi koa he mau wahi koa hou, aole i kamaaina i ke keikialii, aka ua kamaaina nae na,koa a pau loa o ka pa alii i ke kamailioia o ka moolelo o keia keikialii.' Iloi aku la lakou ia koena la a hiki i ka napoo ana o ka la, a i ka hora 12 o ke aumoe' i hoohiki loa ai ka lakou huakai no ka halekoa. Ia laua i hiki aku ai me ka laua malihini, ua lawe ia maila ka lāua mau mea ai; aka haawi akula kekahi koa 1 kāna haawina ai na ke keikialii, a inu wahi wai ti wale ihola no ua wahi koa ala nona ka inoa o Niu Fon. Mahope o ka pau ana 0 ka lakou paina ana haawi aku la no ua wahi koa nei i kona wahi moe no ke keikialii, a oia hoi moe ae la ma kahi kaawale, a i ke kakahiakanui ana'e ala ae la no ua wahi koa nei a hoomakaukau ihola i na lako elike me ka hiki iaia ke pulama i kana mau malihini, a oiai eia meia ke keikialii, nolaila ua hele akula oia ame kana mau wahi dala ponoi (keneta puka) kuai aku la i na lole silika keokeo maikai i miloia e na loea hana lole o ka n(ioi, ame kona mau mea kahiko pili pono no ia kulana a haalele aku la oia i ua keikialii ala meia mau aahu kumukuai kiekie loa, a i ka pau ana o kana hoolakolako ana, noho ihola oia a houluulu pono i kana mea i hoolilo aku ai-he elima-haneri ka nui, a 0 keia ihola nō kana mau wahi keneta hope loa iloko o kona waihona i houluulu ai. Ke ike ae la no kakou ua ka loa no nei wahi kaaka i ka wai o ka punawai a koe ole iho ke koana no ka nana aku i na pomaikai o hope aku nana e noopiha mai a hi;.

Mamuli o keia kuai ana a ua wahi Niu Fon ala i keia mau kumukuai nui, ua lilo maoli ia i mea nalu nui loa i ka noonoo o ka mea humuhumu lole o ka mo-i. Nolaila, noho malie ihola ua mea humuhūmu lole nei me ka malie loa me ke kilo nui ana heaha la na ouli o ka manawa e nee mai ana e huai ia ae ai ka nane huna pili i keia mau hana ku i ke pahaohao, aka aia nae he haili e kau ana imua o kona noonoo me he mea'la eia no o Wai Fu ke ola nei, a malia eia oia me Niu Fon, ke kumu o kona hoolilo naaupo maoli i kana mau wahi okeni. A o kekahi kumu nana i hooiaio mai ia akioma ana ona, oiai i kekahi mau po aku mamua, oiai no oia e nanea ana i kana hana he humuhumu, ua pili ihola kona mau maka. Aole no hoi iliuliu ia pili ana iho o kona mau maka, ua loaa aku la iaia kekahi hihio ano-e, a maloko o ua hihio ala i ike aku ai oia i ke Keikialii Wai Fu e ku ana maluna o kekahi anuu kiekie a ike aku la oia i ka iho ana mai o ua keikialii ala a hele maila a ku imua ona, & i maila: <4 Ahea hoi paa ko'ii lole? ,,, <( Ua paa na lole a pau, a o keia wale no ka mea i koe," wahi ana o ka pane ana'ku* I kona hikilele ana ae mai kona hiamoe, ike ihola oia eia ka he hihio wale no kana mea o ke kamailio ana. Noonoo nui ihola oia i ke ano oia mea, aole nae he maopopo, a no kona ike no hoi he mea waiwai ole na haawina i loaa r iloko o ka hihio; nolaila, ua hoopoina oia me ka hoomanao hou ole no ia mea ana i ike ai. Aka aia nae a ma keia la a Niu Fon e hana nei i keia hana, ike ihola oia ua lilo pu aku la ma keia kuai ana o Niu Fon i ka lole a laua i kamailio pu ai ma ka hihio me Wai Fu, na ia mea i hoala hou mai i kona mau hoomanao no ua hihio pahaohao nei ana o ke kuluaumoe. Aka, kakali nae oia o ka lohe pono ia mai, a i ole o ka hiki hou mai o Niu Fon, oiai ua makemake loa oia e ninau aku i hoopauia ai kona kuhihewa mamuli o kana mea i manao ai, eia nae, aole o Niu Fon i hoi hou aku a hiki wale i kona kiiia ana aku. Mahope iho o ka hala ana o kekahi mau hora mai ko Niu Fon hoi ana aku me na lole ana i kuai ai, a oiai hoi o Wai Fu i hiu ae ai a aai ka manu iluna, popohe na pua lehua i ke kula, ua ike laula ia ae la ia e holoholo ana me kona mau kahiko nani. O na poe koa i ike mua ole iaia mahalo iho la lakou iaia, aka, o na poe i ike mua mahae lua iho la ko lakou mau manao, aok nae e hiki ia iakou

ke hoopuka ae i kekahi mea, oiai na Sip Go Wa no kela keiki e noho moi ana, a nana no hoi keia keiki, a hookahi wale no mea pono ia laua o ka n°ho like, a na kekahi ka olelo e hoolohe kekahi, pela laua e pono ai. Aka, o ka mea o laua e hoala ana i ke kue, aole oia i ike i kahi a ka hapanui e huli ai, a e lilo auanei ia i mea e hoopoino ai, no ka mea, o ka lahui jp noho ana aole no i lokahi [loa ko lakou manao mahope oko lakou moi hou, aole no hoi i poina ia lakou na hoomanao no Wai Fu, a pehea la ina lakou e lohe ana ua hoi hou mai oia iloko o ka paalii? Aole anei lakou e ala like mai ana me ka naau aloha a kakoo like mahope ona? He ninau ia i maopopo ole kona hopena oiaio maoli i keia manawa. Nolaila, he mea pono ia lakou ke noho me ka maluhia, aole hoi me ka waha-a wale aku, aka e ai a e inu, a e noho iloko o ka hanohano a ke aupuni i haawi ai ia lakou, a oka hoopuka ana i na olelo hoino i kekahi aoao, e waiho loa i na manao ana e hana pela, o lilo auanei ia i mea hoopilikia a i kaula haawe hoi e make ai, a owai ka mea hiki ke kuai aku i hoihei hou ia mai ai kona ola? Nolaila la, ea— "E uumi malie iho Na koiikoi a loko, A hiki i ka wa kupono Ai hoonuunuu pono ana." Iwaena o na poe pili alii o ko ka Moi alo, ua nui ko lakou hoowahawaha nona, no kona hoopau ana i na kanawai kahiko pili i na wahine wawae liilii me na kamaa lole muoiki aulii kolomanu, a o kekahi no hoi no kona hoonoa ana i ke komo laula ana o na poe imi waiwai o ko na aina e iloko o Kina. Aka no Wai Fu nae, aole no oia i hoahewa i keia, ina la hoi he hana ka ke kaikaina no ka pono kaulike. Ma ka lua ae o ka la o ka noho ana o Wai Fu me Niu Fon, ua nui wale ka poe i hele mai a hoohuahualau iaia, a ua hahai aku no oia e like me na mea i hoike mua ia ma na helu i hala. Aole no oia i haku hou iho i kekahi manao no ka mahalo na iaia iho. Aka, ua noho oia me ka hamau, noho me ke akahai, aole ka pupuahulu a me ka hi-o wale. Ma keia la, ua hiki aku ka lohe imua o ka Moi opio, e i ana, eia kou kaikuaana ua hiki mai, o ka elua keia o ka la o kona noho ana maloko nei o ka pakaua, a aia oia ke noho pu la me Niu Fon ma ka hale koa, a e hele mai ana paha oia ma keia auina Ia e ike ia oe, no ka mea, haalele aku nei makou ua makaukau oia no ka hele mai, a i hakalia

walenoi kapaumaio ka lako.u mau hoahaaina mu ti ana. Aia nae i ka lohe ana o ua Moi nei, pane mai h oia me na huaolelo ano e f a me he mea la, he ano makee kona i ka nohoalii, me kona kuhihewa paha, ua huliamahi na mea apau mamuli ona, nolaila, lioopuka mai la oia, 4< aole o'u kaikuaana i koe e ola nei i keia ua make e no ia mamua o ka make ana o ko makou makuakane, a he elua wale no 'maua e ola nei ikeia manawa." Owau ma ka noho Moi, a o kuu kaikuahine nei nc ko u hooilina, a oia no ko oukou alii i keia manawa, a o na mea apau ana e.liana ai a e hooholo paha, o ka hooko wale aku no ka'u, aka, i keia la, ma ko u ano Moi, a makua hoi no oukou apau, a mamuli o ka mana o ka'u olelo, ke hoolaha aku nei au ma ke akea; ina oukou e lohe ana i kekahi mea, he kaikuaana oia no maua, e hopu koke ia oia ame ka poe i hūi pu me~ ia, a e -lawe kokeia ko lakou mau ola me 'ka hookolokolo oleia. O keia olelo kukala alii, ua kaulana ae la ia maloko o ka pa kaua a puni, a laulaha aku la ma na wahi apau o ke aupuhi, "ā o i hooia i keia, ua ala like mai la lakou me ka makaala, e hoolono ana, a e hoolohelohe ana ma kahi e loheia aku ai. Nolaila, ua hakiloia na wahi apau, a ua ala like mai kekahi poe, e hooiaio i ka o4elo hoolaha alii, no ka mea, aole lakou i poina i ka "h'oomanao ana no ko Wai- Fu nalowale £no e ana no kekahi mau makahiki loihi, a ua manaoio ia. no hoi *e na mea apau ua make, a nolaila, aole lakou i hoomaopopo no na mea i oleloia mai no Niu Fona, aka, koe nae ko lakou hoole ana i'lea wa a lakou e ike maka ai. 0 ka mel;humuhumu lole nae, aole no i pau kona kanalua, ua kaueha oia ia Niu Fona e hele mai imua ona, aia nae a hiki mai o Niu Fona, a mamuli o na hooniele ninau ana a ka mea huiimhumu, ua hoike Nin Fona me ka i ana mai: Ile oiaio, ua hiki io mai no o Vaifu, a aia oia ke noho pu mai nei maua, a nona na lole a'u i hele mai ai e kuai, aua aie loa au iaia, no ke kupono ole o kona kulana i ko'u wahi rurni koa. 1 aku la ka mea humuhumu lole, c< pela no au i hoomaopopo iho ai, no ka' mea, o kela mau lole a'u i humuhumu ai, aole no ia i kupono no ke killa e like me kou, no ka mea, o kau wahi loaa, aok no ia i kupono no ke kuai ana ia mau hapa; nola ila, o kela mau lole a'u i.humuhumu ai, no ka Mo no ia, a pela au i haupu ai ua hiki mai o Wai Fu a i ole ia, ua hoi mai nei la ka Moi.