Ka Lanakila, Volume I, Number 4, 22 July 1909 — NA KA HONI ANA—OLA HOU. [ARTICLE]

NA KA HONI ANA—OLA HOU.

He mau makahiki i hala aenei, ua loaa ia iho ]a kekahi wahine i ka mai maloko o ke Kulanakauhale o Ladana, a ua pii mahuahua loa ae keia a hiki i ka. wa a ke kauka i puana ae ai ua make ua wahine 'la. Ua hoomakaukuia na mea apau e pili ana i ka huakai hoolewa, a i na» minute hope loa, ua nonoi aku ke kane i ka mea hana pahu e hookuuia na poe apau i waho a e noho hookahi oia me kana wahinemake no ia mau minute hope loa.I. ko .ka lehulehu ana aku, ua kulou iho la ke kane e honi ma ka lae o kana wahine, a ia wa hookahi no hoi ua kulu iho la na waimaka mai kona mau lihilihi iho a na papalina o kana wahine. Ua holo koke ae la ka ula koko ma na papalina haikea o ka mea make, a aole i li'u aku ua kiiia aku Ia ke kauka,

a ma ka wa o kona hikl ana mai ua nana pono iho la oia i na helehelena o ka mea make, a ma kona hoike ma na mea ana i ike me he 'la e ola hou ana kela wahine. He mau hora wale no mahope iho o ko ke kauka hiki ana mai ua ola hou ae la ua wahine 'la; a ma kana hoike mai na na kuluwaimaka o kana kane i hoola mai iaia mai ka make mai. A he elua makahiki mahope mai ua hanau iho la oia i kana makahiapo. ♦♦♦ ♦♦♦ ♦♦♦ E ka makamaka heluhelu, ua lohe mau kaKou i ka inoa o ke koa kaulana o ka hema Kenerala Robata E. Li, aka aole nae i maopopo ia kakou ua nanau ia mai oia mailoko mai o ka pahukupapau, oiai ke kino make o kona makuahine e makaukauia ana no ke kanu ana aku. No na makahiki lehulehu i hekau ai maluna o Mrs. Li kekahi mai ano e, a he nui na manawa ona i loaa ai i keia mai i manao maoliia no ua make oia. Aka nae, ma kekahi loaa ana ona i ua mai 'la, ua kiiia aku ke kauka, a ma kana olelo ua hilinai aku na poe apau malaila ua make oia. Ma ka wa e malamaia ana o na hana hoomanao hope loa maluna o kona kino, ua lohe aku la ke kiai luakini i kekahi leo, he leo hoi i pa-e mai mailoko mai o ka pahukupapau, Ma keia ua loaa like ae la i na mea apau malaila ka hoomaopopo ana ua ola hou o Mrs. Li, a i ka weheia ana ae o ke pani, ua ala koke mai la oia iluna me ka hauoli o na mea apau. He makahiki mahope mai ua hanau ae la o Robata E. Li, ke koa kaulana a Kenerala Alakai o ka hema a kakou i lohe wale ai ma kela kaua huliamahi o ka Akau ame ka Hema. ❖ ❖ ❖