Ka Lanakila, Volume I, Number 4, 22 Iulai 1909 — NA ILIILI HANAU O ATENAI. [ARTICLE]

NA ILIILI HANAU O ATENAI.

Nowai na tona lehu i waihoia aleu i ka hiahi o Gehena? No Abadona —Ka Anela o Mekiko. O ke kookoo o Moke no loko mai o ka iwi kaele i hanaia ai o ka waa no ka hoopakele ana iaia, a ke hoike mai nei ka oiaio i pili i keia i ko lakou pakele ana i na wai o ke Kai Ula ma o keia kookoo la, a o Parao ame na koa ka i make. —Ka Anela o Mekiko. E hai mai e na loea, na kilo, na kakaolelo o Hawaii Kuauli pehea ko Abadona ano? He Wai aila honua i hoopipiliia me ke t,a. —Ka Anela o Mekiko. Ma ke kumu o ke kuahiwi o JHoreba (Hualalai), i kapili ;ii o Noa i ka halelana, a no ka mea, ma ka aina o keia kuahiwi e ulu nei i hoo-Noa ia ai kanawai pepehi e ko laila alii. Aole o 10 Isaia kikala ka i oloia e Okemlela, aka, o ko Elemuela kikala ka i oloia e Isaia. E hoomanao i inoa o ka mea nona ka waiwai i hoopoino ia.—Ka Anela o Mekiko. O ka huapalapala "K" ka ehiku o. na huapiapa ma ka kakou olelo, a o ka hua mua hoi ia o ka inoa € "Korata," nolaila, ma ka rumi ehiku no kona maloko o ka halelana; a he umi kini hoi ka nui o na keena o ua moku holo huhewa 'la 0 ka elemakule.—Ka Anela o Mekiko. E ka makamaka e hai mai, ehia ka nui ona aoao oka Baibala? He elua no. O ka aoao pono ame ka aoao o ka hewa.— Ka Anela o Mekiko. Owai ka mua loa o na buke o ka Baibala- o Kinohi anei? O Hoikeana anei? 0 Hoikeana, a no ka mea, oia no ko ke Kahikolu kuahaua ana ia lakou iho e hana ana iakou i ke Kinohi (ka lani ame ka honua). —Ka Anela o Mekiko. Aole i loihi o Mataio, aole no o Mareko. Aole no i poupou o Luka, aole hoi o loane. Aole no i momona o Timoteo, aole no hoi o lakoba. Aole i wiwi o Petero, aole nohoi o Paulo. Aole no i ikaika o Tito, aole nohoi o luda. Ano ke aha hoi? Ka! Kai no hoi ua lehu lakou i keia wa. —Ka Anela o Mekiko. Na Inamona Kuhinia o ka Papaaina Uluwehi i na Ono e Momoni ai na Monasiua ame na Madimoseie o ka Oneki o Ka Lanakila. Kuu wahi laau kamahao, na ka manu e hai mai kona inoa? Heaha la ua wahi laau nei? ivahi a Holoholopinaau i ninau aku ai ia Ukali.

A, kuu wahi manu kupanaha hoi, na ; ka .laau e ku ha'o ala i ke kualono e kuailo mai i kona inoa? I ninau aku ai 0 Ukali ia Holoholopinaau. Kai noUoi he Kolea ua manu ala au, aia i ka aeone e kani mau ai Kolea! uKolea!! Kolea!!! Pane mai la hoi o Ukali, nau no i hai hai mai la i ka inoa o ko laau kamahao he kolea kona inoa, aia i ka uka iuiu o— Huelo, hiu a wela, Lawe a lilo, sua kela. A hu ae la ka aka a ua mau wahi kolohe nei o ka po mahina kola'ila'i. Pane hou mai la hoi o Ukali, na ka'u ninau wahi ka puniu i ulaa pu aku a huli pu ana ko laau kamahao, a kani ana kuu manu i ka aeone. Loaa nohoi ko laau a ike nohoi au i kuu manu i ike ole ia'i kona wahi o ka hanau ana i kana hua. Like a like, pa'i-a-pa'i, kai-a-kai, aohe oi, aohe paewa o na nihoniho a kaua. Kuu wahi i'a mikololohua, mikomiko, mukiki halale i ko waha, ko'u waha, koi ala, ko ianei, aole i kupa ia i ke ahi, keu nae ka wela, a ina oe e lole ae iaia, e ike no oe o kona unahi no kana e malama ai iioko o kona opu. *Heaha ka inoa o kuu wahi i'a? Pane mai la hoi o Ukali, i kana ninau hookolohe ia Holoholopinaau. Kuu wahi i'a kau i ka lewa, holoholo iwaena o na pua o ke kula, paani ma na mahinaai hua ono, ai oe, ai au, ai na mea apau a na ka wela e hai mai i ka inoa o ua wahi i'a nei i kou wa e ai ana? Kai nohoi he Nioi ua ia ala au, aia iloko o na mahinaai « loaa ai, a ke ai oe he keu ka wela o ka waha. Nau no i ha'i mai la i ka inoa o ko wahi i'a mikololohua, mukiki a wela ko waha, 1 malama i kona, unahi maloko o kona opu. Pa'i-a-pa'i hou kaua i pane mai ai o Ukali ia Holoholopinaau, a nee ae la ua mau wahi kolohe nei i ka haalo'ulo'u a hehe ae la ka laua aka. Kuu wahi hale kupanaha, aia a ua mai ka ua, a wela mai ka la, alaila kukulu ae, a malie *a malu mai na Heku-a-wa, alaila, opiopi a kau ae i ka lewa? Pane mai la hoi o Ukali, kuu wahi hale ewalu o'a, a hookahi no pou, na ke kanaka e auamo hele iaia i ka po ame ke ao? He mamalu nohoi, wahi a Holoholopinaau i pane mai ai, alaila, pa'i-a-pa'i hou kaua ma ke kukulu hale, auamo. a hale lewa, a he keu ko'u kaumaha, nau no e ha'i mai nei ka haina o kau mau Inamona a na'u hoi na pu-kui-kele kani alapine e nakolo ai na pali-o-ahi-o-Makana. Owai ka mea i oleloia ke kaa o ka honua? Ka ninau wahi ka puniu a Holo-

holopinaau i ninau aku ai ia Ukali. Pane aku lā o i kana ninau: Owai ka halealii nani loa, aohe ona mau pukaaniani, aohe puka komo, he ki no nae kona e wehe ai? Kai nohoi o ka Makahiki nohoi e heluia nei e kakou, nona na la lie 365; 5 hora ame 45 minute, 45 setona. He oiaio ua ha'i mai la no oe i ka mea i oleloia o ke kaa q ka Honua, he makahiki no ia. Keu nohoi kou noeau a kuliu e Ukali, a ua kupono oe e kapaia o ka Porofesa o ke aupuni Mahina Konane o Sevila. O oe nohoi kekahi e kapaia o ka Akeakamai Adimeta o Palani a na Helene i nana aku ai i na la o na Roma kaulana loa. Ina o ka makahiki ke kaa c ka honua, alaila, owai na kahukaa? O ka la ame ka mahina na kahu kaa, wahi a Ukali. Heaha ka laua i haliliali ai? O ka po ame ke ao, ke anu ame ka wela. Heaha ke kanaka? Ka ninau a Holoholopinaau ia Ukali. He hoa i hookipa pokoleia, he mea hele a nalo, aole hoi hou mai. Mahea oia i hoonohoia ai? Maloko o na pa eono. Pehea ia? Ma ka akau, ma ka hema, maluna, malalo, imua a i hope. Ehia ona mau hoa? Eono: Ka wela me ke anu, ka pulu me ka maloo, ka pololi me ka maha. He Porofesa i'o no oe e Ukali, a ua makemake na ona o ka moku nene ahiu "KA LANAKILA" ia oe e holo wale me ka auhaukino ole a puni ke ao nei. (Mai ka peni heu-aniani mai a Kakelaikaiwa, a na ke Kavalia E. Hoolaleakaukiu i hoouna mai la no ka nene ahiu 0 ka Paredaiso o na ale o ke kai, "KA LANAKILA.) Piipii makawalu na galani wai meli a KA LANAKILA. Koe ole aku he ono ma ka paia i ka noii a ka peni hulu n§ne ahiu a ka Anela o Mekiko. He auna Ahelamisana ka hoa like. Maemae i ke kai ka opuu pua lilia a ke koa Vero Onega. Hesisina-hesi-no ke alakai no ka imi ana 1 ka Mahina Kau Ahiahi o na Kapawai o Ialu; ma ka huakai i ka Hohonu o ka Moana; a loaa na iliili hanau ame na a-la paa i ka wa e maopuopu ana na wai aiai o loredane. He nani. Oia. He nani. Mea heluhelu.