Ka Lanakila, Volume I, Number 4, 22 Iulai 1909 — NA PALAPALA HE NANE KUMUKUAI NUI. [ARTICLE]

NA PALAPALA

HE NANE KUMUKUAI NUI.

Hoohenoia 110 ka papaaina uluwehiwehi o ka Punahele a ka Lāhui Oiwi, a o ka Ipu-kukui olino o na Home aloha o Hawaii Kuauli. Ē imi a~ hoike mai i keia mau Hua Ohia Gula i ulu a hua ma na awawa hihipe a o Ahiu a o ka mea e akaa i kona mau Weba me ke paewa ole, e lilo iaia ka lei hanohano loa, eha hebedoma lawe wale i ke kukui olino o na home "Ka Lanakila" me ka uku ole, ke loaa iloko o na hebedoma hookahi kauna. I—Paa eke kaa, a naue eke kai? E akaa ae i kona mau weba, a hoike mai, Owai laua? 2 Huli ae la ke alo o Kamalama iluna, kuko popoi ke kai? E uwehe ae i kona mau pani a heike piha mai, owai lakou? 3 —He kua kou, a he alo hoi ko'u inoa alii na ka lole, he makaiwa ku i ka nahele uluwehi i na pua? E akaa ae i kona mau pale lilina, a hoike mai, owai au? A ehia ka pili? 4 —Ka Po a Ao, ke Ao a Po, po hale no, po i ka Ua Nahunahu? E akaa ae i kona mau paku a hoike mai, owai lakou? s—l5 —I ke kakahiaka ike aku au i ka ui, ka nani, ka nohea, a i ke ahiahi, piha oe i ka mahiehie, ka hauoli ame ka manaolana? E wehe ae i kona mau weba a hai piha mai, owai la oia? (Mai ka peni heu aniani mai a Kake'laikaiwa.) E. HOOLALEAKAUKIU.