Ka Lanakila, Volume I, Number 4, 22 July 1909 — HE LEO I NA MAKAMAKA. [ARTICLE]

HE LEO I NA MAKAMAKA.

M&muli o ka loaa ana mai ia makou o na leta he nui mai na makamaka mai e pili ana i ka hoaana ana aku i lia Buke Mōololo KA LANAKILA ma fe-lima o kekahi mea lawe a hali mau, i hiki ai ke loaa ka pomaikai o ka laulima pu ana me ka kakou liiwahiwa i na poe ma na apana o waho aku nei o ke kulanakauhale ame ko loko iho nei no hoi, ua manao ka Lunahooponopono e hoike akea aku no ke noi ana aku i ko lakou oluolu, no ka hoouna ana mai i na kauoha apau ma kona lima, —ka inoa o ka mea lawe, kahi noho, ke alanui, ka helu o ka pa (ina he helu kekahi), a ina he mau hookaa dala kekahi, alaila, e hoouna pololei ae ma ka lima o ka Puuku. oka iini o na Luna Nui 0 KA LANAKILA, oia ka hiki ana e maopopo na poe 1 makahehi nui i ka kakou milimili makamae ame ko lakou mau wahi i noho ai, i nui ole ai hoi ka hana o ka hoouna ana aku i ke keiki lawe pepa i ko oukou mau home ? a i ole, ma ka lima paha o na poe liali leta, e like me ka mea e manaoia ana he kupono. Ma ka pule i hala, ua ninau maoli mai ko Kunawai poe i ka hoouna ole ia aku o kekahi mea lawe Buke KA LANAKILA ma ia mau kauhale, oiai he nui na poe makemake olaila, a o ka loaa ole nae ka mea 0 ko Kalihi Camp poe no hoi kekahi, he uuku wale no ka poe i loaa ma o ko lakou hele maoli ana mai no i ka Makeke Kuai I\e f kuai■ ai, a-pela no hoi me ko "Waikiki ame ko kekahi mau wahi e ae. 0 Mr. Hauola ka luna o ka Hain Tuahine o Manoa, iaia e loaa ai na kope o KA LANAKILA i ko laila poe ma ke kauoha ana mai, a pela no hoi me Mr. lona o Kamoiliili. Nolaila, e na makamaka, e oluolu e hoouna pololei mai i na kauoha i ka Lunahooponopono, i maalahi a i holomua ai ka palaha nee-papa ana o KA LANAKILA ma ko oukou mau home. A e hoomanao pu no hoi, he Kuike ka Rula.