Ka Lanakila, Volume I, Number 3, 15 July 1909 — NA WAI AIAI O IOREDANE. [ARTICLE]

NA WAI AIAI O IOREDANE.

(Hoomauia)

KA RATTOLL He pakeu pali ka oi aku o ka maikāi iloko o ka hauoli mamua o na pomaikai i owiliia iloko o ke kaniuhu; no ka mea, o ka hauoli he po-po-palaoa ia, a o ke kaumaha he laau hahau ia. O ka hauoli pakela loa aku i loaa mai ia oe, e hele auanei ia me ke kauo ana i kou nani no ka poino; a i hiki aku oe ilaila, alaila, e hoomanao iho ua hala aku la ka wa no ke pahonohono ana. KA PONO. Aole he mea i pehu loa aku-a kona nui, ai oi aku o kona alohilohi ?na, a i ku hoi i ka makemake o ko kakou Akua, elike me ka "Pono." E ka lehulehu, e komo pualu ae kakou ma ke ala o ka pono a e naue like imua; a i hui halawai kakou me kona, mau aoao apau, aīaila, e hoomaha, aole he hana a u-hu hou ana. Mai lalau kakou i na pohaku iliili a pehi aku i na kaula a kakou, oiai nae e kukulu ana kakou i mau heiau no ka hoomanao ana i na kanaka nana i kuahaua aku i ke ola i ko kakou mau kupuna. KA HANOHANO. O ke kanaka i haaleleia aku e ka hanohano, ua like no ia mē ka moku aole ka hoeuli ame ka naita hoi i nele ika mahiole. Oka Hanohano aole ia he oiaio wale iho no, aka, he oiaio i alohiia e ka lalapa ahi o ke kaulana. I kekahi manawa ua kinikini loa aku kona nani i ko ka opuu daimana,ma ka piko o ka mauna. Aole mea i oi aku o ka ehaeha mamua o kou unuunu ana i na hulu o ka hanohano; a i kou olohelohe ana e aahu auanei oe i ke koloka o ke kauwa kuapaa. Ua ptia ae kakou no- ka nani i hoopunanaia e ka lanakila; e pulama kakou me ka makee nui ana; a iiia no ka make, e make aku no kona mau pono. O ka maemae oia ke kama-wahine, a o ka oiaio oia ke kama-kane o ka hanohano. O ka mea a ke Akua i hoohanohano aku ai, hoomaku'e aku no na māka o ka hewa iaia. 0 ka pou-hana o ka hanohano ke ku nei ia ilo.ko o ke kiowai o ka hoaoia, nolaila e malama. O ka piko mauna kiekie loa o ka hanohano, he kahua heeholua ia i lohi limaia a hinu, nolaila, e ku ma kona waena aole ma kona welau KA NUPEPA. O na nupepa pia no na kumu ao i ka lahui. He buke ia aole ona hopena. 0 ka oia ka hanohano o ka aina. He lua waiwai nui ka nupepa no ka' lahui, mamua o na miliona paona gula hiki ole ke heluia.

NA HORA KAKAHIAKA. O kela ame keia hora mai ka puka'na a ka mehana ana o ka La, oia na hora i oleloia ka "hoeuli" o ka hana. KA MAKUAHINE. Ina he makuahine ma ka home, alaila, e maemae auanei na mea apau. O ka puuwai o ka makuahine oia ke keena hoonaauao mua loa o ke keiki. KA HOINIE. O ka home ina kona mau aoao apau, oia wale iho no ka puuhonua no ke ola Ke hai powehiwehi ole mai nei ka home i kona mau loina; a ke loaa ia oe ka ike nona, alaila, ua kokoke mai ke Aupuni Lani. O ka home, oia ka lani 110 ka mea akahiakahi. KA PUUWAI. Ke mahalo nei kela ame keia i ka maemae o kona oiai nae aole he mea i aa mai e kaena no na kauna lauoho ma kona poo. O na pauma mau ana a ka puuwai o ke kanaka maikai, he ipu mura ia e moani aala ana i na makaainana o ko luna aupuni. O ka puuwai ka home e noho mau ai na kuluwai ulaula o ko ke kino ola; a ina pela, alaila, mai laila mai no ke ola no ka halelu ana ma o maluna. KA HOOMAKAULII. Oka hoomakau--111 ana, oia ka pulupulu hoaa i ka wa ua o ka hooilo. A ke hiki mai na pauku hau lana o ka poino, e palekana no auanei. Aole au i ike iki i ka mea hoiliili mau e kiei aku ana ka nele ma kona ipuka. Ao mai na anonanona ia'u i ko lakou lako mau, a ao mai no hoi ka pakiko ia'u i ke kuonoono. Hosana a mele mau ka ohana o ke kaiiaka hoolilo liilii, oli a halelu aku ka lehulehu iaia. Nani maoli ke kiekie ana o kona mau pono. KA AI ANA. E ai kakou i ola, aole hoi e ola kakou no ka ai mau ana. Mai noonoo nui oe he ono kela a he ono keia ma kou wa e ai ana, o lilo kou manao malaila a nele oe aole ka pule ana mamua o kou wa ai. E ai me ka hoomanao mau ana aia no he mea nana i haawi mai, a ke pau kau hana ma ka papaaina, e mahalo ae i ka mea nana i haawi lokomaikai mai. Nani ka ai a no ka mea, oia ka laau lapaau no ke kino, nolaila, e nana imua loa "aku no ka mane helelei wale mai luna mai. ♦> ♦♦♦ He 100 haumana Inia a kekahi Ahahui Kokua o Inia e hoouna ana i na Aupu«4 kuwaho no ka hoonaauao ana.