Ka Lanakila, Volume I, Number 3, 15 Iulai 1909 — KA EMEPERA O NA PAHU BARELA. [ARTICLE]

KA EMEPERA O NA PAHU BARELA.

O kekahi o ko ke Ao nei mau mea kupanaha, oia no ka pahu barela nui hookahi i ma Konegatine (Kongstein). Ua hoomakaia ka hana ana i keia pahu barela mai ka makahiki 1722 mai a paa ma ka makahiki 1725, a nona hoi ke anawaena he iwakalua-kumama-ono kapuai. Ua hoolaaia keia barela ma ka la o kona paa ana ma o ka hoopihaia ana me kanaha tausani ewalu haneri ame kanawalu-kumamahiku galani waina maemae a kumukuai nui o Mesina, a nona hoi ke kumukuai he eiwa hanen ame iwakalua tausani dala. He iwakalua ka nui o na kiwai o ua barela 'la, a ua hoolakoia hoi me na apu nunui i kapaia "na Apu o ke Aloha," a ua hookuu akeaia no ka inu ana o keia ame keia Ma ke alo o ua barela 'la, ua kakauia he mau huaolelo latina, nona hoi ka heluhelu ana penei: "0 ke aloha no e ke kamahele, e hoohialaai ana i keia kiahoomanao, a no ka hoeueu ana i ka lunaikehala, e oluolu e mu-ki i kekahi o kona mau kulu, i hoomanao ai oe ia Ferederika Augeto, ka Moi o Polani, ka Haku o Sakone—ka makuakane o kona aina, ke alakai o na kanaka. E inu no ke ola 0 ka Moi ame kona ohana, ka Barona o Kiao, ke Kiaaina o Konegatine; a i naauao oe, alaila, no ka hanohano o keia barela, ka emepera o na pahu barela apau—ē inu; a e inu pu no keia ao au e ku nei. Aloha'"