Ka Lanakila, Volume I, Number 3, 15 July 1909 — KUPANAHA NA HANA I KA WA E HIAMOE ANA. [ARTICLE]

KUPANAHA NA HANA I KA WA E HIAMOE ANA.

Ua loaa mai he lohe ia Jeni Lineda (Jenny Linda) ke kahuli leo le-a o na kuahiwi o Kuedena no kekahi wahine opio i like aku ka maikai o ka leo ma ka himeni ana elike me ko ua Lineda 'la, a oia kana i hooholo iho ai e hele aku e ike elike me kana i lohe ai. O keia wahine opio aole loa e hiki iaia ke himeni i kekahi mele ma ke kulana maikai oiai oia e ala ana, aka, i kona w r a e hiamoe ai, e mele ana oia i na mele paakiki loa me ka maikai, a aole hoi e hiki ke loaa ka like ole mawaena o kona leo ame ko ke kahuli leo le'a Jeni Lineda. No na manawa lehulehu i meie pu ai keia wahine opio hiamoe me Jeni Lineda ma na paka o ka lehulehu, a ua lilo i mea hookahaha mai i ka noonoo o ka poe apau i ike kumaka.

He mau makahiki wale no i hala aku nei, a oiai, e noho ana ka Ahaolelo o ka Hale o na Makaainana o Enelani, a iloko o ka wa e hiamoe ana o kekahi o na makaikai e noho ana iloko o ua hale 'la, ua kakau iho la oia i ka haiolelo holookoa a kekahi hoa i haiolelo ai ma ka wa ona e hiamoe ana; a ua laweia kana mea i kakau ai malalo o ka hoohiki. I ka wa i emi hope ai ka puali kaua holookoa malalo o Sa loane Mua no Koruna, Sepania, ua aneane e hapalua o ka puali e hele ana ua pauhia loa i ka hiamoe.