Ka Lanakila, Volume I, Number 2, 8 July 1909 — Ko ke Ao mau Minerala [ARTICLE]

Ko ke Ao mau Minerala

Roka, Oregona, Iulai 3. — Ua hulipu ke kaa otomobi!e o Francis J. Heney ma keia la. Ua hoehaia na ohua, aka, aole nae i kukonukonu. Olimahia, Wakinetona, Iulai 4. — Ua holapu ae na alelo ana ole o ke ahi i keia kulanakauhale ma ka la i nehinei; a ua hiki aku ka nui o na poino ma kahi o elua haneri ame kanalima tausani dala. Paratavila, Kaleponi, Iulai 5. —Ua lilo i puu lehu mamuli o na ahi-kao keia kulanakauhale ma ka la inehinei. He ewalu haneri ka nui o na poe i neie i ka home ole. He haneri tausani dala ke poho. Manila, Iulai 5. —Ua hopuia e na koa Amerika he ehiku o na Pilipino ahiu, he poe hoi nana i pepehi aku he mau aliikoa Amenka ma kela mahina i hala aku nei. Tokio, Iulai 4.—He iwakalua-kumama-kolu ka nui o na lala o ka Ahaolelo o Iapana i hoounaia no ka hoopaahao ana ma ka la inehinei mamuli o na hana apuka Hui Kopaa o Formosa. Mai ka ekolu a ka eiwa mahina ka hoopai. Kapalakiko Iulai 4. —Ua hoopaiia o B. W. Soule he eha makahiki hoopaahao no ka hoouna ana i kekahi leta hooweliweli ia Rudofa Spreckels," a e noi pu aku ana hoi i ekolu tausani dala. Wakinetona, Iulai 4. —Na Peresidena Taft i kalokalo ae na huaolelo mua loa ma ka wa o ka weheia ana o ke kia hoomanao o B. F. Stephenson, ka mea nana i hookumu i ke G. A. R. (Grand Army of the Republic) . Kikako, Iulai 6 —He kanaono-kumama-ha make, hooliahi tausani ame kanahikukumamalima i hoehaia, a he hapalua a oi aku miliona dala waiwai i poino oia na hopena o na hana o ka hoomanao Pokiulai ma keia kulanakauhale. Deneva, Kolorado, Iulai 6.—He ino nui ka i pahola ae ma keia wahi ma ka la inehinei, a he mau tausani o na kanakā i hoohala aku i ko lakou lealea Pokiulai ma na wahi hooluolu pili kuahiwi i hoopoinoia aku. Piladelepia, Iulai 6. —Ia Amebasedoa Takahira ko Iapana kuhina noho ma Wakinetona ka haiolelo ma na hana hoomanao no ke kuokoa' ma ka la i nehinei i malamaia maloko o ka Holo Kuokoa. Kapalakiko, Iulai 6.—Mahope o ka hakaka ana no iwakalua puni, ua kaa aku ka lanakila ia Ketele (Ketchell) ma o ka eha aha o Papeke (Papke). Manila, Iulai 6. —He mahele, o ka pukaualio Eono malalo o Kapena Byram *ta i hooilikaua aku ma ka la i nehinei me kekahi puali o ka poe kipi i ālakaiia e Jiriki ko lakou alakai. Ua o-pa puia aku na kipi a hiki i ko lakou komo ana iloko x) ana; eia nae, aole lakou i haawi pio mai. Hookahi o na koa Amerika i make. Ekolu alii ame iwakaluakumamaha koa i hoehaia.