Ka Lanakila, Volume I, Number 1, 1 July 1909 — NA A-LA-PAA O GIBEONA. [ARTICLE]

NA A-LA-PAA O GIBEONA.

E ka makamaka nui a maikai e hai mai i keia*. E3 houluulu i ka nui o na buke o ke Kauoha Kahiko me ka nui o na buke o ke Kauoha Hou, e hoonui aku ia huina me ka huina o na haumana ma ka wa o ka hoopahaohao ana; a oia huina e puunaueia me ka heluna o na buke i kakauia e Luka, iaailoko mai oia loaa e hoolawe mai i ka nui o na manawa a ka Lahui Iseraela I kaapuni ai i ke kulanakauhale o leriko; e hoonui i ke koena me ka heluna o na apana dala a luda i lawe ai no ke kumakaia ana i ka Haku; e puunaue i keia ae la me ka heluna ona kiu a Mo % e i hoouna ai iloko o Kanaana; e houluulu aku me keia i ka huina o na huapalapala o ke kulanakauhale a kahi- kanaka i pii ai iluna o ke kumulaau no ka nana ana ia lesu; e puunaue i keia me ka heluna o na haumana a ka Haku i kapaia na keiki a ka hekili; a o kona kumu-kuea i hoonuiia me ka hapalua o ua kumu-kuea la oia kau e imi iho a loaa. Ke loaa hoi—Loaa no. Liokakele. He eleele, ulaula, a ahinahina anei ka wai-hooluu o ka a-la a Davida ma ka wa o kona ma-a ana a pa, ku, hina a hāule pa-hu ai o Golia i ka Honua? Makanikeoe. E hai mai pehea i maopopo ai ia Adamu o Ewa, a olelo iho ai oia, "O ka i'o keia o ko'u mau i'o, a o ka iwi o ko'u mau iwi?" Kakelamaluikaleo. Ina hoohauoli ke keiki i kona makuakane a hoouluhua ua keiki 'la no i kona makuahine he keiki aha ua keiki la ma ka Solomona mau olelo ao? Kahanuopaineki. Pehea i palupalu ai na hewa liilii'i ka wa kolo, a onipaa ua mau hewa liilii 'la no ika wa elemakule. Aekai oka Hema. Ina o Hawaii no ka Heke, o Maui no ka Oi, a o Kauai ka Maikai Hemolele, alaila, o ke aha iho la hoi ko ka mokupuni o Kakuhihewa ke 'lii? Eia no. 0 ka Heke Pua Lehua o Hawaii i wiliia me ka Rose Oi o Maui, a o laua a elua 1 kui puia me ka Maikai Hemolele o ka Mokihana o Kauai, a o lakou ekolu i awaiauluia me ke ala, ke onaona ka wai anuhek a kupaoa o ka Ilima pua aumoe o Lanihuli, o keia na luhiehu o ka moku puni o Oahu. Sweet Lei Ilima!