Ka Lanakila, Volume I, Number 1, 1 July 1909 — NA ILIILI HANAU O ATENAI. [ARTICLE]

NA ILIILI HANAU O ATENAI.

Ua ninau aku o Kekorata (Socrate) kekahi iloko o na ehiku o na kanaka naauao o Helene i kekahi o kana mau hauniana i kekahi la i keia mau ninau malalo iho nei penei: "Heaha ia mea he ilio?" u He holoholona o eha wawae," wahi a ka pane a ka haumana. "Ina elua ilio a hookahi holoholona o eha wawae, alaila, ehia ilio iho la ia?" wahi a Kekorata. "Elua iho la no hoi ilio, elike no me kau i ninau mai la " wahi a ka haumana. "Pehea iho la ka, hoi ka holoholona o eha wawae," wahi hou a ka olohe o na mea akeakamai. "I—lio hoi ia holoholona, ke hoopaapaa ole mai oe ia'u," wahi a ka haumana i kana kumu. Ina ē houluulu oe i ka umi ame ka umi, alaila, heaha ka mea loaa? Ka! Olelo mai ka buke o na buke, oia ka ka mea e uhi ana i ka umauma o Aarona, a o kahi hoi a ka mea ala poni e iho aku ai a hala loa aku ilalo o ka hu'a o kona aahu. Ma kahi hea la ka lio e inu ai i ka wai? Ma kahi anei o ka punawai? Aole. Ma kahi anei o ka muliwai? Aole, elua, Ma kahi anei o ka pahu-wai? Aole, ekolu. Ma kahi anei o ka pakeke-wai? Aole, piha kauna. A mahea ka? Eia, ma kahi 0 ka wai e noho ana i ka wa a ka lio 1 hele aku ai a inu. "Heaha ka mea i makemake loa ai ka bipi i kona ili?" wahi a kekaLhi wahi kaikamahine uuku i kona makuakane. "I cir> ai hoi e hoohaukae a pipili aku ka lepo i ka io roke o ka bipi," wahi a ka Makuakane. (O keia io roke ka io ono loa a ua wahi kaikamahine la.) "Heaha hoi ka mea i wa-hiia ai me ka pepa?" wahi hou no a ua wahi kaikamahine 'la. "I ole hoi e pau ka momona o ka io bipi i ka nalo." "Kupanaha no hoi kela pake mawaho ae nei o kakou, nona no hoi kela halekuai la," wahi a kekahi wahi keiki uuku 1 kona mama. "I ke aha e kuu bebe maikai," wahi a ka makuahine. "Hele aku nei hoi au e kuai i mea-ono na'u, oiai no nae e kau raai ana no ka omole hone, a o ka'u no hoi ia i makemake loa ai." "He hone ia aole he mea-ono." "Alaila, e mama, he ano hone hou mai nei ka paha ko keia au, he hone nioi pepa?" wahi a ke kamaiki opio me Ka akaaka haalo'ulo'u pu ana. Maluna o ka wai; malalo o ka wai; mawaena o ka wai; ma na aoao o ka

wai; o na wahi hea aku koe o ka wai? 0 na wahi no hoi aole maluna, aole malalo, aole mawaena, a aole no ma na aoao. Oia no. Ekolu poe maluna o kekahi puoa, aole he poe kane; aole he poe wahine; aole 110 hoi he poe keiki? Ina ua hookapuia mai aole "poe," alaila, he kane hookahi, he wahine hookahi, a he keiki hookahi. ❖ ❖ ♦>