Ka Lanakila, Volume I, Number 1, 1 July 1909 — Ka Mohala Ana o ka Manaoio [ARTICLE]

Ka Mohala Ana o ka Manaoio

Oiai e hoomakaukauia ana na lawelawe hana ana i ke alahaka e moe nei maluna o ka Wailele Kaulana o Niagara, ua hoouluia ae na ninau lehulehu; pehea la e hiki ai ke hoomoeia na kaulahao nunui maluna o ka wailele a hiki aku ma kekahi kapa? Aia hoi, ua hooleleia he lupe a hiki ma kekahi aoao o ka wailele, ame ke kaula o ka lupe i hooleleia ai, ua hoopaaia he kaula nunui ae, a pela a hiki i ka hoopaaia ana he kaula nunui loa no ka huki ana i na kaulahao nunui e hoopaaia nei ma ua alahaka la, kahi hoi a na liohao ame na miliona e holo a e hele nei me ka maalahi. Me ka ikaika iloko o kahi kaula liilii loa i hoopaaia ai i ka lupe, pela i loaa ai 1 ko keia Ao kekahi o na mea kupa-

naha loa i hanaia e ka noonoo noeau 0 kc kanaka. Pela rio, o kahi anoano liilii loa o ka hna makeke, e lilo ana auanoi oia i kumulaau nui; a o ki>na mau lala o ka homeia o na holoholona hulu o ka lewa, a malalo o kona malumalu e hoomaha ai na kini o ke kula, a e hooluolu ai hoi ke kamahele kaahele ke maalo ae malaila. O kahi manaoio ukulii he ikaika kona 1 kupaluia me ka mana a ke lele aku iluna ma o aku o na hoku, e olioli auanei ke Kahuhipa o na kahuhipa; a emoole auanei e huipu mai ana he lianeri ame kanaha-kumamaha tausani o ko ka lani lehulehu no ka hauoli ana no keia mea hookahi; a e lilo auanei ia i heleuma nana e kohi iaia aole e nee, aole hoi e paialewaia i o a ia nei, aka; e ku

a e oia mau imua o na ale po'ilua o ka„ Moana ame na makani pa lauwili o keia ola honua ana.