Ka Lanakila, Volume I, Number 1, 1 July 1909 — E Hookipa i "Ka Lanakila" [ARTICLE]

E Hookipa i "Ka Lanakila"

Oiai, ua hoolaaia keia buke nupepa KA LANAKILA no ka hoonanea home hoonaauao ana ia Hawaii Lahui, nolaila, ke noi aku nei ka Lunahooponopono ame na luna nui e ae o keia buke i na kini, na kupa, na ewe ame na oiwi o ka Aina Aloha nei ame na tausani pu e hoohialaai ana i na kuhinia ame na ono like ole o KA LANAKILA, e ae mai e lilo ko oukou mau home pakahi i wahi e noho mau ai o KA LANAKILA; a i hiki aku Oia ma ko oakou mau home, mai paa i ka leo; e hea, a e hanai ai elike me ko Hawaii mau he hookipa. Ke iini mau nei ke Pailata ame na Luna Nui o KA LANAKILA e hoowehiwehi mau i kona .mau kolamu me na mooleio hoonanea, na kaao, na mea hou o ko kakou mau kaiaulu, ku na aina mamao, na loina hoonaauao, na olelo noeau ame na mea nui e loaa ai he pomaikai i kona mau kini heluhelu. Ke iini mau nei no hoi e kapae mau loa ia aku na manao waiwaiole, na hoopaapaa pili hoakamai hoomana, na inanao pili kino arne na inea hoopiha buke waiwai ole. E hoomanyo mau ia, e kaupaona mua ana ke Pailata o KA LANAKILA ma ke ana o kona lunamanao ma kela ame keia wa mamua ae o ka puka ana o keia buke, no ke akenu! a iini hoi e loaa i na kini heluhelu ka naauao ma ko lakou wa e kilohi iho ai i na aoao o-KA LANAKILx\ Me keia leo kahoahoa. ia oe, e līawaii Lahui, ke noi nei; e liea, e hookipa a e hanai ai i KA LANAKILA.