Ke Koo o Hawaii, Volume I, Number 5, 10 ʻOkakopa 1883 — Page 1

KE KOO O HAWAII
OCT. 10, 1883.
OLELO HOOLAHA.

O KA NUPEPA "KE KOO O HAWAII" E HOOPUKA IA MA HONOLULU NEI I KELA A ME KEIA
KAKAHIAKA POAKOLU
O na Hebedoma Elua o ka Malama. A e hoouna ia aku no hoi ma na Mokupuni i ka wa e loaa mai ai o na Kauoha me ka eleu.
He 15 Keneta ka UKU LUNA no na Kope malalo iho o ke 50, a he 20 Keneta hoi no na Kope i oi ae mamua o ke 50, a he pepa haawi wale ka kekahi Luna malalo iho o na Kope 8.
O na poe lawe Nupepa i lawe pakahi i na Luna, e kii no lakou i ka Nupepa i na Luna, a ia lakou no e hookaa ai ke Dala; a o ka poe lawe hoi ma ka Halepai nei, e kii mai no lakou a i ole hoouna mai ma ko lakou inoa a me ka Luna Nui ka hookaa Dala ana.
$2 no ka Makahiki; $1.50 no 6 Malama.
Ua hamama ko makou mau Kolamu no na mea hou a na makamaka a me na Manao Kalai Aupuni Naauao, a aole hoi e hoopuka ia na manao hoopaapaa ano ole.
E hoouna ia mai na Leta mea hou ma ka inoa o ka Nupepa, e makemake ia ana e hoopuka aku me na inoa oiaio, a e hookaawale no hoi makou i kowa no na himeni ku i ka maemae.
Mahope iho o ka hala ana o na Malama Elua o kekahi mea lawe pepa, ina e loaa ole kona Uku Pepa, aole makou e hoouna aku i Nupepa mahope o ia manawa.
No na kauoha Nupepa a me na Ohi Dala ana, e hoouna pololei mai i ka mea nona ka inoa malalo nei, a oia wale no ka mea mana hookahi i ae ia e hooponopono.
KAMAKI, Luna Nui ,
KEENA, NUPEPA KALEPA, HONOLULU.  PAHU LETA, HELU 413.