Ke Koo o Hawaii, Volume I, Number 3, 12 September 1883 — Na Hana Keena o ka Aha Kiekie. [ARTICLE]

Na Hana Keena o ka Aha Kiekie.

Joseph E. Wisoman kue ia A. B. Kei-r, hoopii koi e hoike mai ka mea i hoopii iai kaiiuma o na dala i loaa iaia ma Kapiolani Paka i ka la heihei lio (lune 18) mamuli o kekahi hana i aelike 'ia e laua. Ua hana ia keia hihia imua o ka mea hanohano B. H. Aukina ma ka Aha Kaulike. He 12 mau hoike i kukulu ia mai c na aoao a i elua, a he elua mau la i hala ma keia hana, Ma ka la 7 o Sepatemaba ua hooholo ka Alia i kapomaikai 110 ka mea hoopii ; a e uku ka mea i hoopii ia i na dala 5287.11 me na koina. Ma keia olelo hooholo ua hoohalahala ka aoao hoopii ia. a e hookolokolo hou ia aiia ka hihia ma keia Kau ae o Okatoba. W. O. Kamika ka loio no ka aoao hoopii, a o J. Eukela ma ka aoao pale. Ma ke kakahiaka Poalima nei Sepatemaba 7, i hana ia ai imua o ia Lunakawai hookahi no ma ka Aha Kaulike, ka hihia a Charles T. Gulika ; Kuhina Kalaiaina, kue ia Wm. Flowerdew (Puakehau) e nonoi ana e hoopuka ia i palapala (injunction) e paj)a aku i ka mea i hoopii ia mai ke koino a hoohana ana aku maluna o na alanui o Honolulu nei, no ka hoomoe "\na i kana alahao, He hihia keia i ulu mai mamuli o kekahi palapala o Jca la 30 o lune mai a John mai, oiai oia e noho Kuhina 'ana, o haawi ana i ka mana ia Pualeehau e hoomoe i kana alahao.O C. WTAshford ka loio ma ka aoao o ke aupuni, a 0 ka loio Pelekane mo K'ikila Baraunu no ka aoao pale. Ma keia hihia ua kuupau mai ka loio Pelekane a me Ashford i ko laua iko, ma ka wehewehe olelo a me ka waiho ana aku imua e ka Aha i kekahi mau olelo hooholo o na aha kaulana a naauao o Europa a me Amerika ma na mea i pili i na oihana alahao. Ama ka Poakahi tie nei i haawi ae ai ka liunakanawai i kana olelo hooholo no ka pono o ko aupuni, a e olelo ana aole i mana ke Kuhina Busli 1 ka ae ana ia Pnakehau e hoohana a hoomoe i kana alahao me ka ae ole o ka Moi ma ka Ahakukamalu.