Ke Koo o Hawaii, Volume I, Number 1, 15 ʻAukake 1883 — Ke Mele Lahui Hawaii. [ARTICLE]

Ke Mele Lahui Hawaii.

Ma kekahi kowa o ka kakou milimili o keia la, oia hoi ka nupepa o Ke Koo o.Hawaii e hoea akū nei, ke hoike ia aku nei ka loaa anā iaia o ka hanohano o ka hoikeike ana aku i ke " Mele Lahui i haku noeau ia e ka noonoo aloha lahui o ka Mea Kiekie, ke Kama'liiwahine Liliuokalani. Aole makou e pai aku ana i keia mele me ka manao akahi no la a ike ia ; no ka mea, ua hoolaha kahiko ia iloko o na i hala, a ua paanaau hoi kona 100 i ka hapanui o ka lehulehu. Aka, he kumu okoa ka mea nana i koikoi i ko makon noonoo e pai hou, a penei no ia : Mawaena o na lahui naauao a pau, o ke " Mele Lahui," ua hoopaanaau ia e kela me keia. O kekahi o na hana mua loa ana makua i ka wa ekuhikuhi ai i ka lakou mau keiki, oia no ke aō ana ia lakou e aloha i ka Moi, e aioha i ka Hae o ke Aupuni, e aloha i ka lahui ponoi, e.aloha i ka aina, a me ke ao ana e hoopaanaau i ke cc Mele !Lahui," a e kaena i ke mele aija ia mele i na manawa a pau ma na wahi a pau. Nolaila, niawaho ae o ka manao nui ana i ko ke Akua kapu, ua hiipoi ia ko kapu o keia mau mea i hoike la ae hi e na lahuikanaka naauao "a puni ka honua nei. Ma na wahi a pau o ka honua nei a ke kanaka Hawaii ehele ai, ke halawai oia nae kekahi kanaka i hanauia noloko o kekahi lahui naauao, e halaiwai pu ana oia iloko o ua kanaka nei me kana mau mea i hiipoi mau ai ma kana mau wahi a pau 1 kaahele ai malalo iho o ka la, oia hoi—ko aloha i kona Moi ;*ke aloha i kona Aupuni ; ke aloha i kona Lahui ; ke aloha i kona Aina hanau ; a me ke mele mau ana me ke' aloha a me ka hauoli i ke Mele Lahiu o kona one oi wi. A oiai makou e kamailio ana no na kanaka o na lahui e, ke poina ole nei makou i ka paipai ana aku

i na ewe ponoi o ka iahui i loaa ai ia makou ka pomaikai nui o ka lilo ana o kekahi o lakou, e heluhelu, © hoopaanaau, a e mele aku i ke Mele Lahui o ko kakou Aupuni, i na wa a pau a ma na wahi a pau e hiki ana, me ka olioli, ame ka piha haakei, no ka mea, o ke mele ana no kou lahui, o kou mele ana no ia nou ponoi īho.