Ke Koo o Hawaii, Volume I, Number 1, 15 ʻAukake 1883 — Page 9
3—Ke Kamaliiwahine Bray,
4—Ka Elele Alii o Hawaii C. P. Iaukea,
5—Mr. Novakoitch,
6—Ko ka Moiwahine Lede Ukali Ponoi,
7—Kenela Nicotitch,
8—Ke Kuhina Elele Alii o Serevia ma Parisa,
9—Ko ka Moi Ukali Ponoi,
10—Ko ka Moiwahine Ukali Ponoi,
11—Ko ka Moi Ukali Ponoi,
12—Makuisa Prennes,
13—Kakauolelo a ke Kuhina o ko na Aina E,
14—Mekia Baialovitch,
15—Lutanela Barlovatz,
16—Ko ka Moi Ukali Ponoi,
17—Ka Lede a ke Kuhina o ko na Aina E,
18—Kuhina o ko na Aina E,
19—Kuhina Nui o ke Alo Alii o Kelemania ma Belegarade,
20—Mrs. Betant,
21—Ko ka Moiwahine Ukali Ponoi,
22—Ko ka Moi Ukali Ponoi,
23—Kuhina Nui o na Kanawai,
24—Ko ka Moi Kakauolelo Ponoi,
25—Mr. Gowashanin,
26—Hope Kakauolelo o ko na Aina E,
27—Kuhina o na Hana Kuloko a me Kuwaho,
28—Ko ka Moi Ukali Ponoi,
29—Henry F. Poor, Kakauolelo a ka Elele Alii o Hawaii,
30—Kakauolelo o ke Keena o ko na Aina E i hoonohoia malalo o ka Elele Alii o Hawaii.
Ke Kalaiaina Naauao.
[Malalo o keia kukulu manao, ke waiho aku nei makou i kekahi mau wehewehe naauao i hakuia a i paiia iloko o kekahi manawa kahiko loa i hala hope aku la. Ke poloai aku nei makou i na makamaka a pau e halo iho na aniani ike o ko lakou mau onohi maka, e heluhelu, a e hoopaanaau, a hoao e like me ka hiki, e ukaali i kana mau kuhikuhi ana. E hoopuka mau aku ana makou i keia i kela me keia puka ana.]
Ua haawi mai ke Akua i na mea a pau e waiwai ai na kanaka a pau. Ua haawi mai oia i ka laau, i mea e paa ai na hale, i mea hoi e pono ai na hana he nui loa. Ua haawi mai oia no kakou, i mau lima , a me ka ikaika e lawelawe ai, a hooponopono i ka aina, a me na mea a pau e waiwai ai. Aka, i ka noho naaupo ana o na kanaka, ua hune loa lakou. Aole lilo na mea a ke Akua i haawi mai ai i mea waiwai no ke kanaka. He ana kona hale, a i ole ia, he hale kamala no, he hale paa ole, a he hale pelapela. O na laulaau kona kapa a i ole ia, he ili holoholona, a he ili laau kekahi. Hahai no hoi oia i na holoholona hihiu i mea ai, a imi no hoi i na mea nlu wale ma ka nahelehele; aole hoomahui i ka ka nonanona a hoomakaukau i ka ai a nui.
Pela e noho ilihune ai na kanaka i ka wa naaupo. Aole ike lakou i kahi e loaa mai ai ka waiwai. Ike lakou i ka waiwai no kahi e mai, a kahaha ko lakou naau i ka nui o ka waiwai o na aina e. Aole lakou e hoomaopopo, ua lulu wale mai ke Akua ma na aina a pau i mea e waiwai nui ai.
Nolaila, he mea nui ke kalaiaina. Ua nui ke ano o ia hua. O ka lepo, kahi e mahiai ai ke kanaka, he aina ia . O ka moana, kahi e lawaia ai, he aina ia . O ka pakuai, he aina ia . O ke kalaiwaa, he aina ia . O ke kukulu hale, he aina ia . O kela mea keia mea e waiwai ai na kanaka he nui, ua kapaia ia mea, he aina. O ka hooponopono ana i na aina, i mea e waiwai ai, ua kapaia ia mea e na kakaolelo kahiko, he kalaiaina.
I ko kakou noho ana ma keia ao, ua nui loa na mea a kakou e makemake ai, i mea e oluolu ai ko makou noho ana. O na mea a pau e ko ai ka makemake o ke kanaka, a e hooluolu ai hoi i kona noho ana, he waiwai ia. He mea waiwai ka ai, no ka mea, he mea ola ia. Nolaila hoi, he waiwai ka ia , a he waiwai ka laau lapaau. Aole nae o ka mea ola wale no ka i kapaia he waiwai. O na mea a pau i makemakeia, ina he mea e pono ai ka noho ana, he waiwai ia.
[E HOOMAU IA AKU ANA.]
Alia! Mai Hoonoa i ka Sabati.
He mea oluolu no ka manao ka ike ana iho i ke poo o keia kumu manao i hoea ae ma na kolamu eono a me ehiku o ka Buke XXII, Helu 29, o ka la 21 o Iulai, o ka nupepa Kuokoa i hala ae nei; me ka olelo ana, malalo iho o kona poo penei: "Ma ka nana aku, ua noa ke Sabati ma kau wahi o keia Pae Aina. Oia no ka makemake o ka nui. E hoonoa ia ka la pule. E hoohalike ia no me na la e ae. Ka manao paha ia o ke Poo Aupuni. He mea ole ia la o ke Akua iaia. He la lealea no iaia. Ina pela ke Poo, pehea la ka poe malalo ae o ke Poo? Ua paanaau nae i ke Poo na Kanawai 10. Ma ke Kula Sabati oia, a ma ke Kula Alii hoi, kahi i ao ia'i i na Kanawai o ke Akua a me na Kanawai e ae. Heaha ke Kanawai Eha? "E hoomanao i ka la Sabati a e hoano ia . I na la eono e hana ai oe i kau hana a pau, aka, o ka hiku o ka la, he Sabati ia no Iehova kou Akua, aole loa oe e hana ma ia la."
O ka mea nana keia kumu manao, ua kakau ia i kona inoa penei: A. E. I. A i ka nana iho, e hoaiai ana oia imua o ka lehulehu, he hewa nui ka ka Moi e hana nei, no kona malama ole ana i ka la Sabati; a o ua la Sabati la, he la ia no ke Akua; a o ua la la, o ka la ehiku ia o ka hebedoma.
Ke manao nei au, he olelo hewahewa loa ana ia